Divya Bhaskar

Home » National News » Latest News » National » Pakistan proposed ceasefire after 2 years of Surgical strike India accepted

સર્જિકલ સ્ટ્રાઇકના 2 વર્ષ પછી પાકે મૂક્યો શાંતિ પ્રસ્તાવ, ભારતે સ્વીકાર્યો

Divyabhaskar.com | Updated - May 30, 2018, 09:44 AM

ભારત અને પાકિસ્તાનની સેના 15 વર્ષ જૂના યુદ્ધ વિરામ (સીઝફાયર) કરારનું સંપૂર્ણપણે પાલન કરવા માટે સંમત થઇ ગઇ છે

  • Pakistan proposed ceasefire after 2 years of Surgical strike India accepted
    +1બીજી સ્લાઈડ્સ જુઓ
    2017માં પણ પાકિસ્તાને 860 વાર યુદ્ધવિરામનું ઉલ્લંઘન કર્યું હતું. (ફાઇલ)

    નવી દિલ્હી: ભારત અને પાકિસ્તાનની સેના 15 વર્ષ જૂના યુદ્ધ વિરામ (સીઝફાયર) કરારનું સંપૂર્ણપણે પાલન કરવા માટે સંમત થઇ ગઇ છે. મંગળવારે સાંજે 6 વગા બંને દેશોના ડીજીએમઓની વચ્ચે હોટલાઇન પર વાતચીત દરમિયાન પાકિસ્તાને યુદ્ધ વિરામ કરારનો પ્રસ્તાવ રાખ્યો, જેનો ભારતે સ્વીકાર કરી લીધો. 29 સપ્ટેમ્બર, 2016ના રોજ થયેલી સર્જિકલ સ્ટ્રાઇક પછી આ પહેલો પ્રસંગ છે, જ્યારે બંને દેશોની સેના સંઘર્ષ વિરામના પાલન પર સંમત થઇ છે.

    એક દિવસ પહેલા જ સીઝફાયર ઉલ્લંઘન પર સુષમાએ આપ્યું હતું કડકાઇભર્યું નિવેદન

    - વિદેશ મંત્રી સુષમા સ્વરાજે સોમવારે જ પાકિસ્તાન, ડોકલામ, ભારત-ચીન સંબંધ, રોહિંગ્યા અને વિજય માલ્યાના પ્રત્યાર્પણ જેવા મુદ્દાઓ પર મીડિયાના સવાલોના જવાબ આપ્યા હતા. વિદેશ મંત્રીએ પાકિસ્તાન સાથે વિસ્તૃત વાતચીત પર કહ્યું કે જ્યારે સરહદ પર અરથીઓ ઉઠી રહી હોય ત્યારે વાતચીતની વાત સારી નથી લાગતી.

    જમ્મુમાં તમામ સેક્ટરમાં પાકિસ્તાને અઠવાડિયા પહેલા કર્યો હતો એકસાથે ગોળીબાર

    - જમ્મુ વિસ્તારમાં આંતરરાષ્ટ્રીય સરહદ ઉપર પાકિસ્તાન તરફથી ગયા બુધવારે પણ યુદ્ધવિરામનું ઉલ્લંઘન કરવામાં આવ્યું. કઠુઆ, સાંબા અને આરએસપુરાની વસ્તીઓ અને ચોકીઓ પર મોર્ટાર છોડવામાં આવ્યા. તેનાથી 24 કલાકોમાં અહીંયા 7 નાગરિકોના મોત થઇ ગયા અને બીએસએફના 5 જવાનો સહિત 35 લોકો ઘાયલ થયા હતા.

    પાકે આ વર્ષે 908 વાર તોડ્યો યુદ્ધવિરામ

    - પાકિસ્તાન આ વર્ષે અત્યાર સુધી 908 વખત યુદ્ધવિરામનું ઉલ્લંઘન કરી ચૂક્યો છે. રહેણાંક વિસ્તારો પર ગોળીબારના કારણે ગત દિવસોમાં સરહદ પાસેના વિસ્તારોના એક લાખથી વધુ લોકોને ઘર છોડીને ભાગવું પડ્યું હતું. આ ઘટનાઓમાં સુરક્ષાદળોના 18 જવાનો સહિત 43 લોકોએ જીવ ગુમાવ્યા છે. 2017માં પણ પાકિસ્તાને 860 વખત સંઘર્ષ વિરામનું ઉલ્લંઘન કર્યું હતું.

  • Pakistan proposed ceasefire after 2 years of Surgical strike India accepted
    સુષમા સ્વરાજે સોમવારે કહ્યું હતું કે જ્યારે સરહદ પર અરથીઓ ઉઠી રહી હોય ત્યારે વાતચીતની વાત સારી નથી લાગતી.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending