Home » National News » Latest News » National » ભાજપના ધારાસભ્યએ ફરી વિવાદિત નિવેદન કર્યું | BJP MLA contoversial statement against Jammu Kashmir CM due to heavy firing from Pakistan

ભાજપ MLAએ મહબૂબા માટે કહ્યું- આ મહિલાની જીદથી સ્થિતિ આટલી વણસી

Divyabhaskar.com | Updated - May 24, 2018, 10:39 AM

ભાજપના MLA લાલ સિંહે આંતરરાષ્ટ્રીય બોર્ડર પર બગડેલી સ્થિતિને લઈને CM મહબૂબા મુફ્તી વિરૂદ્ધ આપત્તીજનક નિવેદન કર્યું.

  • ભાજપના ધારાસભ્યએ ફરી વિવાદિત નિવેદન કર્યું | BJP MLA contoversial statement against Jammu Kashmir CM due to heavy firing from Pakistan
    +2બીજી સ્લાઈડ્સ જુઓ
    કઠુઆ ગેંગરેપના આરોપીના સમર્થનમાં રેલી કાઢ્યા બાદ લાલ સિંહને મંત્રી પદ છોડવું પડ્યું હતું (ફાઈલ)

    જમ્મુઃ ભાજપના ધારાસભ્ય લાલ સિંહે આંતરરાષ્ટ્રીય બોર્ડર પર બગડેલી સ્થિતિને લઈને મુખ્યમંત્રી મહબૂબા મુફ્તી વિરૂદ્ધ આપત્તીજનક નિવેદન કર્યું છે. તેઓએ કહ્યું કે રમઝાનમાં ફાયરિંગ બંધ કરવાની આ મહિલાની જીદના કારણે અહીં આટલી ખરાબ સ્થિતિ થઈ ગઈ છે. પાકિસ્તાને ગુરૂવારે સવારે પણ ઉરી સેકટરના કમાલ કોટમાં નિયંત્રણ રેખા પર ફાયરિંગ કર્યું હતું. ઈન્ટરનેશનલ બોર્ડર પર પાકિસ્તાન છેલ્લાં 10 દિવસથી એક સાથે અનેક સેકટરમાં ફાયરિંગ કરી રહ્યું છે. જેનાથી જાન-માલ ભારે નુકસાન થઈ રહ્યું છે. લગભગ 76 હજાર લોકોએ 100થી વધુ ગામ ખાલી કરી દીધાં છે.

    ફાયરિંગ બંધ કરવા પાછળ સરકારનો ઈરાદો સારો હતો


    - કઠુઆ જિલ્લાની બશોલી સીટથી ધારાસભ્ય લાલ સિંહે કહ્યું કે, "વાસ્તવમાં આ દુર્ભાગ્યપૂર્ણ છે કે સતત ફાયરિંગ થઈ રહ્યું છે. સરકારે જ્યારે કહ્યું કે રમઝાનમાં ફાયરિંગ નહીં થાય તો તેની પાછળ તેમનો સારો હેતુ જ હતો, પરંતુ આ મહિલાની જીદના કારણે આજે પરિસ્થિતિ આટલી વણસી છે."

    લાલ સિંહને કઠુઆ મામલાને કારણે છોડવું પડ્યું હતું મંત્રી પદ


    - જમ્મુના કઠુઆમાં 8 વર્ષની બાળકી સાથે સામુહિક દુષ્કર્મ પછી હત્યા કરવામાં આવી હતી. લાલ સિંહ પર આરોપીઓના સમર્થનમાં રેલી કરવાનો આરોપ લાગ્યો હતો. આ અંગે વિવાદ વધતાં તેઓને રાજ્યના વન મંત્રી પદ પરથી રાજીનામું આપવું પડ્યું હતું. જો કે લાલ સિંહે ચોખવટ કરતાં કહ્યું હતું કે તેઓ રેલીમાં એટલે ગયા હતા કે પરિસ્થિતિ ન વણસે.
    - મંત્રી પદ ગુમાવ્યાં બાદ લાલ સિંહે સતત મહબૂબા સરકાર પર પ્રહારો કરતા રહ્યાં છે. તેઓ કઠુઆ મામલે CBI તપાસની માગને લઈને પણ વારંવાર કેન્ડલ માર્ચ કાઢી રહ્યાં છે.

    આ વખતે તમામ સેકટર્સમાં ફાયરિંગ કરી રહ્યું છે પાકિસ્તાન


    - જમ્મુ ક્ષેત્રમાં આંતરરાષ્ટ્રીય સરહદ પર પાકિસ્તાન તરફથી બુધવારે પણ સંઘર્ષ વિરામનું ઉલ્લંઘન કરાયું હતું. કઠુઆ, સાંબા અને આર એસ પુરાની વસ્તીઓ અને ચોકીઓમાં મોર્ટાર છોડવામાં આવ્યા હતા. મંગળવારથી બુધવાર વચ્ચે અહીં 7 નાગરિકોના મોત નિપજ્યા હતા. BSFના 5 જવાનો સહિત 35 લોકો ઘાયલ થયાં છે. ન્યૂઝ એજન્સીના જણાવ્યા મુજબ BSFએ છેલ્લાં 9 દિવસમાં લગભગ 100 ગામના 76 હજાર લોકોને સુરક્ષિત જગ્યાએ પહોંચાડ્યા છે. સ્થાનિક લોકોનું કહેવું છે કે 1971ની જંગ પછી તેઓએ પહેલી વખત આવા ફાયરિંગનો સામનો કર્યો છે.

    સંબંધિત સ્ટોરીના વધુ ફોટા માટે આગળની સ્લાઈડ પર ક્લિક કરો

  • ભાજપના ધારાસભ્યએ ફરી વિવાદિત નિવેદન કર્યું | BJP MLA contoversial statement against Jammu Kashmir CM due to heavy firing from Pakistan
    +1બીજી સ્લાઈડ્સ જુઓ
    પાકિસ્તાને ગુરૂવારે સવારે પણ ઉરી સેકટરના કમાલ કોટમાં નિયંત્રણ રેખા પર ફાયરિંગ કર્યું હતું (ફાઈલ)
  • ભાજપના ધારાસભ્યએ ફરી વિવાદિત નિવેદન કર્યું | BJP MLA contoversial statement against Jammu Kashmir CM due to heavy firing from Pakistan
    પાકિસ્તાન છેલ્લાં 10 દિવસથી એક સાથે અનેક સેકટરમાં ફાયરિંગ કરી રહ્યું છે પરિણામે 76 હજાર લોકોએ 100થી વધુ ગામ ખાલી કરી દીધાં છે (ફાઈલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ