Home » National News » Desh » One and half years old child fell from 3rd floor Balcony and died in Chandigarh

લગ્નના 9 વર્ષે થયો હતો દીકરો, ત્રીજા માળ પરની ગ્રિલ વચ્ચેથી સરકી જતાં મોત

Divyabhaskar.com | Updated - Jun 07, 2018, 10:43 AM

દોઢ વર્ષનો દીપક રમતા-રમતા બાલ્કનીની ગ્રિલ પાસે ચાલ્યો ગયો

  • One and half years old child fell from 3rd floor Balcony and died in Chandigarh
    +1બીજી સ્લાઈડ્સ જુઓ

    ચંદીગઢ: લગ્નના સાડા 9 વર્ષ પછી ઘરમાં બાળક પેદા થયું, તેનું નામ રાખ્યું દીપક. ખૂબ લાડકોડથી તેને ઉછેરતા હતા. સોમવારે મા રસોઇ કરી રહી, તે દરમિયાન દોઢ વર્ષનો દીપક રમતા-રમતા બાલ્કનીની ગ્રિલ પાસે ચાલ્યો ગયો. ગ્રિલની વચ્ચે ઘણી જગ્યા હતી. આ જગ્યામાંથી માસૂમ બાળક નીકળી ગયું અને ત્રીજા માળેથી સીધું નીચે જઇને પડ્યું. નાનકડી બેદરકારીને લીધે ઘરનો દીપક બુઝાઈ ગયો.

    આ હતો મામલો

    - પોતાની આંખના તારાના મોતના સમાચાર સાંભળ્યા પછીથી માતા અતિશય આઘાતમાં છે. જ્યારે પિતા દીકરાના શબને પોસ્ટમોર્ટમ કરાવ્યા વગર લેવા માટે દિવસભર પોલીસ કાર્યવાહીમાં વ્યસ્ત રહ્યા.

    - સાંજે બાળકનું શબ પરિવારજનોને સોંપવામાં આવ્યું. દંપત્તી બાપૂધામમાં ભાડાના મકાનમાં રહે છે.
    - ત્રીજા માળેથી નીચે પડવાથી બાળકને આંતરિક ઇજાઓ થઇ. તેના શરીર પર ક્યાંય પણ લોહી નથી નીકળ્યું. 30 ફૂટ ઉપરથી નીચે પડતાં જ માસૂમ બેભાન થઇ ગયો અને તેની ચીસનો અવાજ પણ કોઇએ નથી સાંભળ્યો.
    - પાસે ઊભેલા બે લોકોએ કંઇક પડવાનો અવાજ સાંભળ્યો હતો. જોયું તો એક બાળક જમીન પર પડેલું હતું. તેઓએ દોડીને તેને ઉઠાવ્યું. હજુ તો તેઓ ગલીમાં જ હતા કે બાળકની માતા પણ ભાગીને નીચે આવી ગઇ. ત્રણેય સાથે બાળકને હોસ્પિટલ લઇ ગયા.
    - બાળકની હાલત બગડતી જોઇને તેને પીજીઆઇ રિફર કરવામાં આવ્યું, પરંતુ રાતે બાળકે દમ તોડી દીધો.

    કેટલાક ભાગમાં દોરી બાંધેલી હતી, જ્યાં નહોતી બાંધી ત્યાંથી જ પડ્યો માસૂમ

    - રીમા અને મોતીલાલના 11 વર્ષ પહેલા લગ્ન થયા હતા. ત્રણ વર્ષ પછી રીમા પહેલીવાર પ્રેગનન્ટ થઇ, પરંતુ કોઇક કારણોસર બાળકનું ગર્ભમાં જ મોત થઇ ગયું.

    - તેના 7 વર્ષ પછી રીમાએ દીકરાને જન્મ આપ્યો. સોમવારે બપોરે 12.30 વાગે રીમા રસોઇ બનાવી રહી હતી. દીપક ત્યાં જ બોલથી રમી રહ્યો હતો.
    - રમતા-રમતા તે રૂમની બહાર નીકળીને બાલ્કનીમાં આવી ગયો. બોલની પાછળ-પાછળ તે બાલ્કનીમાં લાગેલી ગ્રિલ પાસે પહોંચી ગયો.
    - લોખંડની એ ગ્રિલમાં વચ્ચે થોડીક જગ્યા હતી, ત્યાંથી દીપક નીચે પડી ગયો.
    - દીપકના પિતા મોતીલાલ સામાન લઇ જતી ઓટો ચલાવે છે. પત્ની રીમાં ઘરે રહે છે. બંને એક મહિના પહેલા કરનાલથી અહીંયા આવ્યા અને બાપૂધામમાં ભાડાના મકાનમાં રહેવા લાગ્યા.
    - બંનેને જાણ હતી કે ગ્રિલમાં સ્પેસ છે અને તેમના બાળકને થોડો ખતરો છે, એટલે ગ્રિલની એ જગ્યાને કવર કરવા માટે પાતળી દોરીઓ બાંધી રાખી હતી, પરંતુ બાળખ બીજી સાઇડથી નીચે પડી ગયું.

  • One and half years old child fell from 3rd floor Balcony and died in Chandigarh
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ