Home » National News » Latest News » National » બંધના રાજકારણ બાદ હવે ઉપવાસનું રાજકારણ | Now the fasting of Modi-Shah- After politics of fasting, fasting politics

હવે મોદી-શાહના ઉપવાસ: બંધના રાજકારણ બાદ ઉપવાસનું રાજકારણ

Divyabhaskar.com | Updated - Apr 11, 2018, 01:30 AM

સોશિયલ મીડિયાનો બંધ અસરહીન, હવે 14મીએ આંબેડકર જયંતી, 18મીએ પરશુરામ જયંતીને કારણે એલર્ટ

  • બંધના રાજકારણ બાદ હવે ઉપવાસનું રાજકારણ | Now the fasting of Modi-Shah- After politics of fasting, fasting politics
    +1બીજી સ્લાઈડ્સ જુઓ
    સંસદની કાર્યવાહી ખોરવવા સામે મોદી, ભાજપના સાંસદો, અમિત શાહ ઉપવાસ કરશે- ફાઈલ

    નવી દિલ્હી: ભાજપ અને કોંગ્રેસ વચ્ચે હવે ‘ફાસ્ટ વૉર’ શરૂ થયું છે. રાજઘાટ પર કોંગ્રેસ અધ્યક્ષ રાહુલ ગાંધીના ઉપવાસ બાદ વડાપ્રધાન નરેન્દ્ર મોદી તથા ભાજપના સાંસદો 12મી એપ્રિલે આખા દિવસના ઉપવાસ રાખશે. જ્યારે ભાજપના રાષ્ટ્રપ્રમુખ અમિત શાહ હુબલીમાં ગુરુવારે ઉપવાસ પર ઉતરશે. બીજી બાજુ ભાજપે 11 એપ્રિલે જ્યોતિબા ફુલેની જન્મજયંતી સમતા દિવસ તરીકે ઉજવવાનું પણ જાહેર કર્યું છે. ભાજપે કોંગ્રેસ પર સંસદના બજેટસત્રમાં અવરોધો ઊભા કરવાનો આરોપ મૂકીને ઉપવાસની જાહેરાત કરી હતી.

    રાહુલના ઉપવાસ બાદ સંસદની કાર્યવાહી ખોરવવા સામે મોદી, ભાજપના સાંસદો, અમિત શાહ ઉપવાસ કરશે

    મોદી તેમની ઓફિસમાં ઉપવાસ રાખશે. મોદી ભાજપના સાંસદોને પણ વીડિયો દ્વારા સંબોધશે. ભાજપ નેતા જીવીએલ નરસિંહારાવે કહ્યું, કોંગ્રેસ અને અન્ય વિપક્ષના બિનલોકતાંત્રિક વલણ વિરુદ્ધ ભાજપના સાંસદો આખો દિવસ ઉપવાસ રાખશે. રાજ્યસભાના સાંસદ પણ દેશના ખૂણે ખૂણે જઈને વિપક્ષનું બેજવાબદાર વલણ જનતા સામે રજૂ કરશે. અત્રે ઉલ્લેખનીય છે કે કોંગ્રેસ દ્વારા રાહુલ ગાંધીના વડપણ હેઠળ દેશભરમાં 9 એપ્રિલે 5 કલાકના ઉપવાસનું આયોજન કર્યું હતું.

    આગળ વાંચો: બિહાર-પંજાબ સિવાય દેશભરમાં બંધ નિષ્ફળ

  • બંધના રાજકારણ બાદ હવે ઉપવાસનું રાજકારણ | Now the fasting of Modi-Shah- After politics of fasting, fasting politics
    હવે મોદી-શાહના ઉપવાસ- ફાઈલ

    બિહાર-પંજાબ સિવાય દેશભરમાં બંધ નિષ્ફળ

     

    નવી દિલ્હી: અનામતના વિરોધમાં મંગળવારે સોશિયલ મીડિયા દ્વારા અપાયેલા ભારત બંધના એલાનને બિહાર અને પંજાબ સિવાય ક્યાંય સફળતા મળી નહોતી. બિહારના 12 જિલ્લામાં હિંસા અને તોડફોડની ઘટના બની હતી. જ્યારે પંજાબમાં ફિરોઝપુરમાં બે જૂથ વચ્ચે અથડામણ થઈ હતી. અન્ય સ્થળે કડક સુરક્ષા વ્યવસ્થાને કારણે કોઈ અનિચ્છનીય બનાવ બન્યા નહોતા. 

     

    વર્ષ 2000 પછીનું સૌથી ઓછું કામકાજવાળું સત્ર

     

    29 જાન્યુઆરીથી 6 એપ્રિલ સુધી બે તબક્કામાં સંપન્ન થયેલા સમગ્ર બજેટ સત્રમાં લોકસભામાં માત્ર 23% અને રાજ્યસભામાં માત્ર 28% કામ થયું. વર્ષ 2000 પછીનું આ સૌથી ઓછું કામકાજવાળું સત્ર રહ્યું. પ્રથમ તબક્કામાં લોકસભામાં 134% અને રાજ્યસભામાં 96% કામ થયું હતું. તેમાં લોકસભાની 7 અને રાજ્યસભાની 8 બેઠક થઈ હતી. 5 માર્ચથી શરૂ થયેલા બીજા તબક્કામાં બંને ગૃહોની કાર્યવાહી સતત ઠપ રહેવા પામી હતી. લોકસભામાં 4% અને રાજ્યસભામાં માત્ર 8% જ કામ થયું હતું. 

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ