Home » National News » Desh » મહિલા સાથે આડા સંબંધની શંકામાં યુવકની હત્યા| Murder In Illigal Relationship With Women

આડા સંબંધની શંકામાં યુવકની હત્યા કરી લાશ દાટી ખેતરમાં, આ રીતે થયો ખુલાસો

Divyabhaskar.com | Updated - May 10, 2018, 10:09 AM

સંબંધી મહિલા સાથે આડા સંબંધની શંકામાં એક યુવકે અન્ય યુવકની હત્યા કરી દીધી હતી

  • મહિલા સાથે આડા સંબંધની શંકામાં યુવકની હત્યા| Murder In Illigal Relationship With Women
    +2બીજી સ્લાઈડ્સ જુઓ
    યુવકની લાશ ખેતરમાં દાટી દેવામાં આવી હતી

    ચૌમું: સંબંધી મહિલા સાછથે આડા સંબંધની શંકામાં એક યુવકે તેના ગામના અન્ય એક યુવકની હત્યા કરી દીધી છે. ત્યારપછી તેણે ખેતરમાં ખાડો ખોદીને તેની લાશ દાટી દીધી હતી. છેલ્લા 11 દિવસથી પોલીસ અને પરિવારજનો તેને ગુમ થયેલો માનીને તેની શોધખોળ કરતા હતા. પોલીસને જ્યારે આરોપી પર શંકા થતા તેણે આરોપીની કડક રીતે પૂછપરછ કરી હતી ત્યારે હત્યા કરીને લાશ જમીનમાં દાટી હોવાનું રહસ્ય ખોલ્યું હતું. ત્યારપછી જયપુર ગ્રામીણ જિલ્લામાં ગોવિંદગઢ પોલીસે આરોપીએ જણાવેલી જગ્યાએ ખોદકામ કરીને મૃતદેહ જમીનની બહાર કાઢ્યો હતો.

    આડા સંબંધોની શંકા હોવાથી કરી હત્યા


    - ગોવિંદગઢ પોલીસ સ્ટેશનના ચીફ આઈજી દીપક શર્માના જણાવ્યા પ્રમાણે ધરપકડ કરવામાં આવેલા આરોપી સીતારામ ગોવિંદગઢમાં રહે છે. આરોપી સીતારામને શંકા હતી કે તેના પિરાવની મહિલાના તે જ ગામમાં રહેતા 35 વર્ષના રાજેન્દ્ર શર્મા સાથે આડા સંબંધો છે.
    - રાજેન્દ્ર મજૂરી કામ કરતો હતો. તે એકલો જ ઘરમાં કમાણી કરતો હતો. આડા સંબંધોની શંકામાં સીતારામે રાજેન્દ્રની હત્યા કરવાનું કાવતરું ઘડ્યું હતું. 27 એપ્રિલે સીતારામ રાજેન્દ્રને ચારો નાખવાના બહાને આલીસર બસ સ્ટેન્ડની પાછળ બાબા ભૂધરદાસ મંદિરની પાછળ તેના ખેતરમાં લઈ ગયો હતો. ત્યાં તેણે સળિયાથી રાજેન્દ્ર ઉપર હુમલો કરીને તેની હત્યા કરી દીધી હતી.

    આ રીતે લાશને ઠેકાણે પાડી, કપડાં પણ સળગાવી દીધા


    - ત્યારપછી સીતારામે ખાડો ખોદીને રાજેન્દ્રની લાશને એક કોથળામાં નાખીને તેને ખાડામાં દાટી દીધી હતી. ત્યારપછી તેણે માટી ભરીને ખાડો ભરી દીધો હતો. કોઈને શંકા ન થાય તે માટે સીતારામે તેના ઉપર પાણી નાખીને તેના ઉપર ઝાડના ડાળખાં નાખી દીધા હતા.
    - આ સીવાય ઘટના સ્થળથી એક કિમી દૂર જઈને તેણે અન્ય એક ખેતરમાં રાજેન્દ્ર શર્માના કપડાં સળગાવી દીધા હતા. ત્યારપછી તે ઘરે આવી ગયો હતો. રાજેન્દ્ર ગુમ થયો હોવાથી તેની માતા તારામણીએ 1મેના રોજ ગોવિંદગઢ પોલીસ સ્ટેશનમાં ફરિયાદ નોંધાવી હતી. ત્યારે પોલીસે તપાસ શરૂ કરી હતી.

    ગતિવિધિ જોઈને પોલીસને થઈ શંકા, આરોપી પકડાતા મળી ગઈ લાશ


    - આજુ બાજુના લોકો સાથે પોલીસે વાત કરતા તેમને રાજેન્દ્રના પ્રેમ પ્રસંગની વાત કરી હતી. તે ઉપરાંત રાજેન્દ્રને સીતારામ સાથે સંબંધો સારા નહતા અને તેમને છેલ્લે એક સાથે જોયા હોવાની પણ પોલીસને માહિતી મળી હતી. ત્યારપછી પોલીસને સીતારામ શંકા થતા તેમણે સીતારામની ગતિવિધિઓ ઉપર ધ્યાન રાખવાનું શરૂ કર્યું હતું.
    - અંતે પોલીસે સીતારામની ધરપકડ કરીને તેની કડક રીતે પૂછપરછ કરી હતી ત્યારે તેણે હત્યાની વાતનો ઉલ્લેખ કર્યો હતો. ત્યારપછી પોલીસે મંગળવારે લાશનો કબજો મેળવ્યો હતો. આ દરમિયાન ગામના દરેક લોકો ઘટના સ્થળે ભેગા થઈ ગયા હતા.


    આગળની સ્લાઈડમાં જુઓ અન્ય સંબંધિત તસવીરો

  • મહિલા સાથે આડા સંબંધની શંકામાં યુવકની હત્યા| Murder In Illigal Relationship With Women
    +1બીજી સ્લાઈડ્સ જુઓ
    11 દિવસ પછી મળી લાશ
  • મહિલા સાથે આડા સંબંધની શંકામાં યુવકની હત્યા| Murder In Illigal Relationship With Women
    મૃતક રાજેન્દ્ર
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending