Home » National News » Latest News » National » આનંદીબેન PM મોદી માટે વોટ માગીને ફસાયા| MP Governor Anandiben Patel is stuck in controversy

આનંદીબેન ભૂલ્યા પદની મર્યાદા, નેતાઓને આપી વોટ મેળવવાની ટિપ્સ

Divyabhaskar.com | Updated - Apr 28, 2018, 04:44 PM

આ વાયરલ વીડિયોમાં આનંદી બેન પટેલ ભાજપના નેતાઓ અને કાર્યકર્તાઓને રાજ્યમાં ચૂંટણી હોવાથી મહેનત કરવાનું કહી રહ્યા છે

  • આનંદીબેન PM મોદી માટે વોટ માગીને ફસાયા| MP Governor Anandiben Patel is stuck in controversy
    +1બીજી સ્લાઈડ્સ જુઓ
    મધ્ય પ્રદેશના રાજ્યપાલ ભાજપના એક નેતા સાથે વાત કરતા હતા તે સમયની તસવીર

    સતના: ગુજરાતના પૂર્વ મુખ્યમંત્રી અને વર્તમાનમાં મધ્ય પ્રદેશના રાજ્યપાલ આનંદીબેન પટેલ એક વીડિયોના કારણે વિવાદમાં આવી ગયા છે. આ વીડિયો સોશિયલ મીડિયા ઉપર વાયરલ થઈ રહ્યો છે. તેમાં રાજ્યપાલ આડકતરી રીતે ભાજપનો પ્રચાર કરતા જોવા મળી રહ્યા છે. નોંધનીય છે કે, રાજ્યપાલ એ સંવૈધાનિક પદ છે અને તે પદ પરની વ્યક્તિએ નિષ્પક્ષ રહેવાનું હોય છે. પરંતુ આ વીડિયોમાં આનંદીબેન ભાજપના નેતાઓ અને કાર્યકર્તાઓને રાજ્યમાં ચૂંટણી આવતી હોવાથી વધારે મહેનત કરવાનું કહી રહ્યા છે.

    આનંદીબેન કાર્યકર્તાઓને શીખવી રહ્યા છે કે, કેવી રીતે વોટ મળશે


    - વીડિયોમાં રાજ્યપાલ ભાજપના નેતાઓને શીખવાડી રહ્યા છે કે, ભાજપના પક્ષમાં લોકો પાસેથી કેવી રીતે વોટ મેળવી શકાશે. તેઓ વીડિયોમાં કહી રહ્યા છે કે, તમને વોટ ત્યારે જ મળશે જ્યારે તમે જરૂરિયાતમંદ અને કુપોષિત બાળકોનું ધ્યાન રાખશો. અધિકારીઓને વોટ નથી જોઈતા પરંતુ તમારે અને મારે તો વોટ જોઈએ છેને.

    વીડિયોમાં શું કહે છે આનંદી બેન


    વીડિયોમાં આનંદીબેન કહી રહ્યા છે કે, 16 કરોડ રૂપિયા પડ્યા છે. આજે મે આખા જિલ્લાની તપાસ કરી લીધી છે. હવે તે કોઈ મુશ્કેલ કામ તો નથી, અભિયાન શરૂ કરો. ત્યારે ભાજપની એક નેતા કહી રહી છે કે, જી હા અમે બાળકો દત્તક લીધા છે. જિલ્લા પ્રશાસન અધ્યક્ષે પણ લીધા છે. ત્યારે રાજ્પાલ કહે છે કે, બધા બાળકોને ભેગા કરો, અભિયાન ચલાવો. એ રીતે મોટ નહીં... આ રીતે વોટ મળશે. તેમના ઘરે જાઓ, બાળકોને માથે હાથ ફેરવશો ત્યારે વોટ મળશે. નહીં તો પાર્ટીને વોટ નહીં મળે. દત્તક લીધેલા બાળકોને જોઈતી હોય તે તમામ વસ્તુઓ આપો, ખર્ચ તો સરકાર કરવાની છે. આ રીતે કરશો તો જ નરેન્દ્ર મોદીનું 2022નું સપનું પુરૂ થશે, નહીં તો નહીં થાય. દવાઓ આપી દીધી, ગોળી ખાઈ લીધી, નથી ખાધી કોને ખબર. માએ જોયું ન જોયું કોને ખબર.. પૈસા તો સરકાર આપે છે. દરેક બાળકને મહિને રૂ. 500 આપવામાં આવે છે. તેનો યોગ્ય ઉપયોગ થાય છે કે નહીં તે પણ જોવું જોઈએને.

    કોંગ્રેસે કર્યો વિરોધ

    નોંધનીય છે કે, આ વીડિયો એ સમયે આવ્યો છે જ્યારે રાષ્ટ્રપતિ કોવિંદ ભાજપ શાસિત રાજ્યની મુલાકાત લેવા આવવાના હતા. બીજી બાજુ વિપક્ષે આ વીડિયો સામે ખૂબ આકરા પ્રહાર કર્યા છે. રિપોર્ટ પ્રમાણે કોંગ્રેસ રાષ્ટ્રપતિ ભવનને સંવૈધાનિક પદનો ખોટો ઉપયોગ થતો હોવા વિશે એક પત્ર લખશે. નોંધનીય છે કે, મધ્ય પ્રદેશમાં આ વર્ષના અંતમાં વિધાનસભાની ચૂંટણી થવાની છે.

  • આનંદીબેન PM મોદી માટે વોટ માગીને ફસાયા| MP Governor Anandiben Patel is stuck in controversy
    આનંદીબેન પીએમ મોદી માટે વોટ માગીને વિવાદમાં ફસાયા
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending