Home » National News » Latest News » National » મોદી સરકારમાં જવાનોની શહીદી વધી| More soldiers martyred in Modi Government

મોદી રાજ@4: દેશમાં ન ઘટ્યો આતંકવાદ, પણ વધી જવાનોની શહીદી

Divyabhaskar.com | Updated - May 25, 2018, 01:24 PM

આતંકવાદ કે કાશ્મીર મુદ્દે કોઈ ખાસ ફેરફાર જોવા મળ્યા નથી. બદલામાં શહીદોની સંખ્યામાં વધારો જોવા મળ્યો છે.

  • મોદી સરકારમાં જવાનોની શહીદી વધી| More soldiers martyred in Modi Government
    +3બીજી સ્લાઈડ્સ જુઓ
    મોદી સરકારને ચાર વર્ષ પૂરા થવા આવ્યા

    નેશનસ ડેસ્ક: વડાપ્રધાન નરેન્દ્ર મોદીની સરકારને ચાર વર્ષ પૂરા થવા આવી રહ્યા છે ત્યારે હવે તેમની સરકારના લેખા-જોખા થઈ રહ્યા છે. વડાપ્રધાન નરેન્દ્ર મોદીએ લોકસભા ચૂંટણી 2014 દરમિયાન જે અંદાજમાં આતંકવાદને હટાવવા સખત પગલાં લેવાનો વાયદો કર્યો હતો. તે સમયે લોકોને લાગ્યું હતું કે, મોદી દેશના વડાપ્રધાન બનશે તો આતંકવાદની ઘટના ઓછી થશે. ખાસ કરીને જમ્મુ અને કાશ્મીરમાં પાકિસ્તાન સીમાપારથી આતંકવાદ ફેલાવાની હિંમત નહીં કરે. સીમા પર રોજ શહીદ થતા જવાનોની સંખ્યામાં પણ ઘટાડો થશે. પરંતુ મોદી સરકારને ચાર વર્ષ પૂરા થવા આવ્યા છે તેમ છતાં આતંકવાદ કે કાશ્મીર મુદ્દે કોઈ ખાસ ફેરફાર જોવા મળ્યા નથી. બદલામાં શહીદોની સંખ્યામાં વધારો જોવા મળ્યો છે.

    સીમા પર જવાનોની શહીદી વધી


    - એવું નથી કે આતંકવાદ મુદ્દા પર છેલ્લા ચાર વર્ષમાં આપણી સેનાએ કોઈ કાર્યવાહી નથી કરી. ભારતીય સેનાએ આતંકવાદનો મુકાબલો કર્યો છે અને જડબાતોડ જવાબ પણ આપ્યો છે. ખાસ કરીને જમ્મુ-કાશ્મીરમાં. પરંતુ અંતે સવાલ ઊભો થાય છે કે, આ બધુ કઈ કિંમતે થઈ રહ્યું છે. આંકડાકિય માહિતી પ્રમાણે નરેન્દ્ર મોદીની સરકારના આ ચાર વર્ષોમાં ઘણાં આતંકીઓને ઠાર કરવામાં આવ્યા છે પરંતુ હકીકત એ પણ છે કે, સીમા પર તહેનાત ભારતીય જવાનોની શહીદીની સંખ્યા પણ આ ચાર વર્ષ દરમિયાન ઘણી વધી ગઈ છે.

    કોંગ્રેસ પર પ્રહાર કરતા હતા મોદી, પોતે પણ ન અટકાવી શક્યા આતંકવાદ


    - લોકસભા ચૂંટણી 2014ના પ્રચાર દરમિયાન નરેન્દ્ર મોદીએ તે સમયની સરકાર પર પ્રહાર કરતા કહ્યું હતું કે, એક તરફ પાકિસ્તાન ભારતમાં આતંકી હુમલા કરી રહ્યા છે અને બીજી બાજુ કોંગ્રેસની સરકાર પાકિસ્તાનને પ્રેમ ભરેલી ચિઠ્ઠીઓ મોકલી રહ્યા છે. મોદીએ ત્યારે એવુ પણ કહ્યું હતું કે, પાકિસ્તાન જે ભાષામાં સમજે તે ભાષામાં સરકારે તેમને જવાબ આપવો જોઈએ.
    - તે સાથે જ મોદીએ એવું પણ કહ્યું હતું કે, દેશની સીમા, દેશની સેના, સીઆરપીએફ બળ, તમામ સુરક્ષા બળ, સેટેલાઈટ, મોબાઈલ નેટવર્ક, બેન્કિંગ નેટવર્ક દરેક કેન્દ્ર સરકારના નિયંત્રણમાં છે. તો પછી આતંકવાદને અટકાવતા કોણ રોકી શકે? પરંતુ કેન્દ્ર સરકાર અને PMની ગાદી સંભાળ્યા પછી નરેન્દ્ર મોદી પણ આતંકવાદ ઉપર લગામ લગાવી શક્યા હોય તેવું લાગતું નથી. બદલામાં પાકિસ્તાનના જમ્મુ-કાશ્મીર પર હુમલા વધી ગયા છે અને જમ્મુ-કાશ્મીરમાં અસ્થિરના માહોલ ઊભો થયો છે.

    આગળની સ્લાઈડમાં વાંચો: આતંકવાદને નાથવામાં મનમોહન કરતા કમજોર રહ્યા મોદી

  • મોદી સરકારમાં જવાનોની શહીદી વધી| More soldiers martyred in Modi Government
    +2બીજી સ્લાઈડ્સ જુઓ
    આતંકવાદને નાથવામાં મનમોહન કરતા કમજોર રહ્યા મોદી

    આતંકવાદને નાથવામાં મનમોહન કરતા કમજોર રહ્યા મોદી

     

    - જમ્મુ-કાશ્મીરમાં આતંકવાદીઓ વિરોધી ચલાવવામાં આવતા અભિયાન છતા હુમલા અને જવાનોની શહીદીના જે આંકડા સામે આવ્યા છે તે દર્શાવે છે કે, મોદી પૂર્વ વડાપ્રધાન મનમોહન સિંહની સરખામણીએ આતંકવાદ ખતમ કરવામાં ધીમા રહ્યા છે.
    - સાઉથ એશિયા ટેરરિઝમ પોર્ટલ (satp.org)ના જણાવ્યા પ્રમાણે મનમોહન સિંહની UPA-2ની સરકારના છેલ્લા ચાર વર્ષમાં એટલે કે 2010થી 2013 દરમિયાન કુલ 2022 આતંકવાદી મારવામાં આવ્યા હતા. જ્યારે વડાપ્રધાન નરેન્દ્ર મોદીની ચાર વર્ષની સરકારમાં 1737 આતંકીઓ ઠાર કરવામાં આવ્યા છે. 

    - આમ UPA-2ના છેલ્લા ચાર વર્ષો દરમિયાન દર વર્ષે સરેરાશ 505 આતંકીઓને ઠાર કરવામાં આવ્યા છે. જ્યારે મોદી સરકારના ચાર વર્ષ દરમિયાન દર વર્ષે સરેરાશ 434 આતંકીઓને ઠાર કરવામાં આવ્યા છે.

     

    આગળની સ્લાઈડમાં વાંચો: મોદી સરકારમાં કાશ્મીરમાં સૈનિકોની શહાદત વધી

  • મોદી સરકારમાં જવાનોની શહીદી વધી| More soldiers martyred in Modi Government
    +1બીજી સ્લાઈડ્સ જુઓ
    મોદી સરકારમાં કાશ્મીરમાં સૈનિકોની શહાદત વધી

    મોદી સરકારમાં કાશ્મીરમાં સૈનિકોની શહાદત વધી


    - પીએમ મોદીએ વાયદો કર્યો હતો કે, તેઓ પાકિસ્તાન સાથે જોડાયેલી સીમાઓને સીલ કરી દેશે, જ્યારે હકીકતમાં એવું કશું જ કરવામાં આવ્યું નથી. UPA-2ના છેલ્લા ચાર વર્ષની સરખામણી કરવામાં આવે તો મોદી સરકારમાં જમ્મુ-કાશ્મીરમાં આતંકી હુમલામાં ઘણાં વધારે જવાન શહીદ થયા છે. 
    - મનમોહન સિંહના કાર્યકાળમાં છેલ્લા ચાર વર્ષમાં (2010-2013) દરમિયાન જમ્મુ-કાશ્મીરમાં આતંકવાદી હુમલામાં કુલ 177 સૈનિક શહિદ થયા હતા જ્યારે મોદી રાજમાં ચાર વર્ષમાં જમ્મુ-કાશ્મીરમાં કુલ 263 સૈનિકો શહીદ થયા છે. જ્યારે જમ્મુ-કાશ્મીરમાં મારવામાં આવેલા આતંકવાદીઓની સંખ્યામાં સામાન્ય વધારો જોવા મળ્યો છે. 

     

    પાકિસ્તાને સતત વધાર્યું સીઝફાયરનું ઉલ્લંઘન


    - વડાપ્રધાન બન્યા પછી નરેન્દ્ર મોદી અને તેમના મંત્રીઓ પાકિસ્તાન સામે જે કડક ભાષાનો ઉપયોગ કરી રહ્યા છે તેને જોઈને એવુ લાગતું હતું કે, પાકિસ્તાન આતંકવાદીઓને સમર્થન કરવાનું બંધ કરી દેશે અને સીમાપારથી થતા ગોળીબારમાં પણ ઘટાડો થશે, પરંતુ થયું તેનાથી ઉલટું.
    - મનમોહન સિંહના કાર્યકાળના છેલ્લા ચાર વર્ષ દરમિયાન જ્યાં પાકિસ્તાને સીમાપારથી કુલ 585 વખત સીઝફાયરનું ઉલ્લંઘન કર્યું હતું. તેની સરખામણીએ મોદી કાર્યકાળમાં પાકિસ્તાને અત્યાર સુધી 1923 વખત સીઝફાયરનું ઉલ્લંઘન કર્યું છે. 
    - આંકડાની વાત કરીએ તો વર્ષ 2017માં 860, વર્ષ 2016માં 271 અને 2015માં 387 વખત સીઝફાયરનું ઉલ્લંઘન કરવામાં આવ્યું છે. વર્ષ 2014માં સીઝફાયર ઉલ્લંઘનની 405 ઘટનાઓ, વર્ષ 2013માં 347, વર્ષ 2012માં 114, વર્ષ 2011માં 62 અને વર્ષ 2010માં 62 ઘટનાઓ સામે આવી છે. 
    - 2018ની શરૂઆતમાં પાકિસ્તાને જબરજસ્ત ગોળીબાર સાથે જાન્યુઆરી મહિનામાં જ સીઝફાયરના ઉલ્લંઘનમાં 15 વર્ષનો રેકોર્ડ તોડી નાખ્યો છે. આ વર્ષે 21 જાન્યુઆરી સુધીમાં પાકિસ્તાને 134 વખત સીઝફાયરનું ઉલ્લંઘન કર્યું છે. 

     

    આગળની સ્લાઈડમાં વાંચો: કાશ્મીરમાં બુરહાન વાણીની ગેંગ સાફ કરવામાં મોદી સરકારને મળી સફળતા

  • મોદી સરકારમાં જવાનોની શહીદી વધી| More soldiers martyred in Modi Government
    કાશ્મીરમાં બુરહાન વાણીની ગેંગ કરી સાફ

    કાશ્મીરમાં બુરહાન વાણીની ગેંગ કરી સાફ


    જોકે મોદી સરકારમાં કાશ્મીરમાં સક્રિય આતંકવાદીઓને ઠાર કરવામાં સ્પીડ જોવા મળી છે. સેનાએ જબરજસ્ત અભિયાન ચલાવીને હિઝબુલ મુઝાહિદ્દીનના એક પછી એક અગ્રણી કમાન્ડર્સને મારી નાખ્યા છે. તેની શરૂઆત કાશ્મીરી પોસ્ટર બોય બનેલા બુરહાન વાણીથી થઈ હતી. 
    સેનાએ કાશ્મીરમાં શરૂ કરેલા અભિયાનમાં એક પછી એક બુરહાન વાણી બ્રિગેડના 10 અગ્રણી આતંકીઓને મારી નાખ્યા છે. જ્યારે તીરાક પંડિત નામના આતંકીએ સેના સામે સરન્ડર કરી દીધું હતું. બુરહાન વાણી બ્રિગેડમાં મારવામાં આવેલા આતંકીઓમાં સદ્દામ પાડર, આદિલ ખંડે, નાસિર પંડિત, અશફાક ભટ, સબ્ઝાર ભટ, અનીસ, ઈશફાક ડાર, વસીમ મલ્લાહ, વસીમ શાહ સામેલ છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ