Home » National News » Desh » Monkeys snatched bag full of money Rs 2 lakhs from businessman in Agra

વાંદરાઓ લૂંટી ગયા વેપારીનું રૂપિયા ભરેલું બેગ, અંદર હતા 2 લાખ રોકડા

Divyabhaskar.com | Updated - Jun 01, 2018, 11:01 AM

આગ્રામાં એક બેંકમાં પૈસા જમા કરાવવા જઇ રહેલા શરાફી વેપારી પાસેથી વાંદરાઓના એક ઝુંડે નોટોભરેલું બેગ લૂંટી લીધું

  • Monkeys snatched bag full of money Rs 2 lakhs from businessman in Agra
    +2બીજી સ્લાઈડ્સ જુઓ
    વાંદરાઓએ બેગ છીનવ્યા પછી કેટલાક રૂપિયા ફાડી નાખ્યા.

    આગ્રા: આગ્રામાં એક બેંકમાં પૈસા જમા કરાવવા જઇ રહેલા શરાફી વેપારી પાસેથી વાંદરાઓના એક ઝુંડે નોટોભરેલું બેગ લૂંટી લીધું. ઘણી મહેનત પછી વાંદરાઓએ ફક્ત 100-100ની નોટોના 6 બંડલો જ ફેંક્યા, જ્યારે બાકીના રૂપિયા લઇને નાસી ગયા. જણાવવામાં આવી રહ્યું છે કે બેગમાં બે લાખ રૂપિયા હતા. વેપારીને 60 હજાર રૂપિયા તો મળી ગયા પરંતુ 1.40 લાખ રૂપિયા હજુ સુધી મળ્યા નથી.

    વાંદરા પાછળ ભાગ્યા પણ તેઓ ચાર માળની બિલ્ડીંગ પર ચડી ગયા

    - નાઈકી મંડીના મહોલ્લા હલ્કા મદન નિવાસી વિજય બંસલ શરાફનું કામ કરે છે. તે પોતાની દીકરી નેન્સી સાથે ધાકરાન ચાર રસ્તા સ્થિત ઇન્ડિયન ઓવરસીઝ બેંકમાં મંગળવારે બે લાખ રૂપિયા જમા કરાવવા જઇ રહ્યા હતા. જ્યારે તે બેંકના ગેટ પર પહોંચ્યા તો તેમને ચાર વાંદરાઓએ ઘેરી લીધા અને દીકરીના હાથમાંથી નોટોનું બેગ છીનવી લીધું.

    - ઘટના પછી વિજય બંસલ પોતાની દીકરી સાથે વાંદરાઓની પાછળ-પાછળ ભાગ્યા પરંતુ વાંદરા ચાર માળની બિલ્ડીંગ પર ચડી ગયા. ઘણા પ્રયત્ન પછી વાંદરાઓએ નોટોના 6 બંડલ ફેંકી દીધા જ્યારે બાકીના 1 લાખ 40 હજાર રૂપિયાથી ભરેલું બેગ લઇને વાંદરા બીજી તરફ ચાલ્યા ગયા. શરાફી વેપારીઓ તેની જાણ પોલીસને કરી છે. પોલીસે પણ સ્થળ પર પહોંચીને પૂછપરચ કરી અને વાંદરાઓની શોધ શરૂ કરી દીધી છે.

    શું કહેવું છે વિજય બંસલનું

    - વિજય બંસલનું કહેવું છે કે આ પૈસા કોઇની ઉધારી ચૂકવવા માટે ભેગા કરવામાં આવ્યા હતા. ખૂબ મહેનત પછી આટલા રૂપિયા ભેગા કરી શક્યો હતો અને હવે ફરી દેવામાં જતો રહ્યો છું.

    - ઘટના પછી પોલીસના ચક્કર તો કાપી રહ્યો છું પરંતુ પોલીસ પણ મદદ કરવામાં લાચાર સાબિત થઇ રહી છે.
    - તેમણે કહ્યું કે મંગળવારે તે 2 લાખ રૂપિયા લઇને ઘરેથી નીકળ્યો અને બેંકના ગેટ પર પહોંચ્યો તો 4 વાંદરા આવી ગયા અને બેગ છીનવીને લઇ ગયા.

  • Monkeys snatched bag full of money Rs 2 lakhs from businessman in Agra
    +1બીજી સ્લાઈડ્સ જુઓ
    વાંદરાઓની શોધ કરી રહી છે પોલીસ.
  • Monkeys snatched bag full of money Rs 2 lakhs from businessman in Agra
    બે લાખ રૂપિયા બેંકમાં જમા કરાવવા જઇ રહ્યા હતા વેપારી.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending