Divya Bhaskar

Home » National News » Latest News » National » Modi Government want special team for social media and emails

ઇમેલ અને પોસ્ટ મેસેજ સુધી નજર રાખશે મોદી સરકાર, તૈયાર કરે છે ટીમ

Divyabhaskar.com | Updated - May 30, 2018, 07:09 PM

મોદી સરકાર એક એવી કંપની શોધી રહ્યાં છે જે સોશિયલ મીડિયા પર શેર થતી તમામ વાત પર નજર રાખી શકે, તેનું વિશ્લેષણ કરી શકે.

  • Modi Government want special team for social media and emails
    +1બીજી સ્લાઈડ્સ જુઓ
    મોદી સરકાર હવે દેશની સારી છબીના નિર્માણ માટે તાકાતવર સોફ્ટવેરની સાથે સાથે એક મજબૂત ટીમનો ઉપયોગ કરવા માગે છે (ફાઈલ)

    નેશનલ ડેસ્કઃ 2014ના ઈલેકશનથી દેશમાં સોશિયલ મીડિયાથી પ્રચાર-પ્રસાર વધ્યો છે. આ ઉપરાંત સરકાર, વિપક્ષ કે કોઈપણને પોતાની વાત સીધી રીતે પહોંચાડવા માટે સોશિયલ મીડિયા અસરકારક છે. ત્યારે મોદી સરકાર એક એવી કંપની શોધી રહ્યાં છે જે સોશિયલ મીડિયા પર શેર થતી તમામ વાત પર નજર રાખી શકે, તેનું વિશ્લેષણ કરી શકે. સાથે જ કેન્દ્ર સરકારની મદદથી દેશમાં રાષ્ટ્રીયતાની ભાવનાનો વિસ્તાર કરવા અને દેશ વિરોધ દુષ્પ્રચારને રોકવામાં મદદ કરે.

    સોશિયલ મીડિયા પર નજર રાખવા જોઈએ છે ટીમ


    - ઈન્ટરનેશનલ મીડિયાની માહિતી મુજબ સુચના અને પ્રસારણ મંત્રાલયે ઓનલાઈન ટેન્ડર જાહેર કરી એક એવી કંપનીનું આવેદન માંગ્યું છે જે સોશિયલ મીડિયા પર નજર રાખી શકે.
    - આ ઉપરાંત સોશિયલ મીડિયા પર નજર રાખવા એક સોફ્ટવેર સહિત ઓછામાં ઓછા 20 લોકોની વિશેષ ટીમની સાથે સરકારને એક રિયલ ટાઈમ ન્યૂ મીડિયા કમાન્ડ રૂમની સુવિધા આપી શકે.
    - મંત્રાલયની જાહેરાત મુજબ ઉક્ત કંપનીને ટ્વિટર, યૂ ટયુબ, લિંક્ડઈન સહિત તમામ ઈન્ટરનેટ ફોરમ અને ઇમેઈલ મોનિટરિંગ કરતાં આ પ્લેટફોર્મ પર સંવેદનશીલ પોસ્ટ્સની ઓળખ કરવાની છે.
    - આ સાથે જ કંપનીને ફેક ન્યૂઝની ઓળખ કરતાં કેન્દ્ર સરકારના નામથી પોસ્ટ્સ અને મેસેજનો સંચાર કરવાનો છે.
    - કેન્દ્ર સરકારનો દાવો છે કે તેઓ સંવેદનશીલ અને ફેક કંટેન્ટને રોકવાની સાથે સાથે એવી પોસ્ટ સંચાર કરાવશે જેનાથી દેશની સારી છબિ બનાવવામાં મદદ મળે.

    સોશિયલ મીડિયાનો સહારો લેવા વધુ એક ડગ


    - છેલ્લાં 4 વર્ષ દરમિયાન મોદી સરકારના કાર્યકાળમાં PMO સહિત સરકારના તમામ મંત્રાલય અને કેબિનેટ મંત્રી સોશિયલ મીડિયા પર એક્ટિવ રહે છે.
    - સોશિયલ મીડિયાનો સહારો લઈ મોટા ભાગના મંત્રીઓ પોતાની નવી નીતિઓનો પ્રચાર કરવા અને નાગરિકો સાથે સીધો સંવાદ સ્થાપિત કરવાના પ્રયાસો કરે છે. ત્યારે કેન્દ્ર સરકાર એક ડગલું આગળ જવા માગે છે.

    ચૂંટણી પહેલાં મોદી સરકાર મજબૂત ટીમ બનાવવા માગે છે


    - કેન્દ્ર તરફથી આ નવી પહેલથી એવું સ્પષ્ટ છે કે મોદી સરકાર હવે દેશની સારી છબીના નિર્માણ માટે તાકાતવર સોફ્ટવેરની સાથે સાથે એક મજબૂત ટીમનો ઉપયોગ કરવા માગે છે.
    - કેન્દ્ર સરકારની દલીલ છે કે 2019ની સામાન્ય ચૂંટણી અને તે પહેલાં કેટલાંક મહત્વના રાજ્યોમાં વિધાનસભા ચૂંટણી પહેલાં કેન્દ્ર સરકાર દેશમાં રાષ્ટ્રીયતાની ભાવનાનું સંચાર કરતા દેશની સકારાત્મક ચભિનો પ્રચાર કરવા માગે છે.

    સંબંધિત સ્ટોરીના વધુ ફોટા માટે આગળની સ્લાઈડ પર ક્લિક કરો

  • Modi Government want special team for social media and emails
    છેલ્લાં 4 વર્ષ દરમિયાન મોદી સરકારના કાર્યકાળમાં PMO સહિત સરકારના તમામ મંત્રાલય અને કેબિનેટ મંત્રી સોશિયલ મીડિયા પર એક્ટિવ રહે છે
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending