1

Divya Bhaskar

Home » National News » Desh » Kathua case: the minor accused has hatered for Muslims Gujjar says investigators

કઠુઆ ગેંગરેપ: મુસ્લિમ-ગુજ્જરોને નફરત કરતો હતો સગીર આરોપી

Divyabhaskar.com | Last Modified - Apr 15, 2018, 12:22 PM IST

કઠુઆ ગેંગરેપ અને હત્યા મામલે તપાસકર્તાઓનું માનવું છે કે ધરપકડ કરાયેલ 15 વર્ષનો સગીર માસૂમ બાળકીની હત્યા કરવામાં સૌથી આગળ

  • Kathua case: the minor accused has hatered for Muslims Gujjar says investigators
    +2બીજી સ્લાઈડ્સ જુઓ
    કઠુઆ ગેંગરેપ મામલે લોકો વિરોધ પ્રદર્શનો કરી રહ્યા છે.

    શ્રીનગર: કઠુઆ ગેંગરેપ અને હત્યા મામલે તપાસકર્તાઓનું માનવું છે કે ધરપકડ કરાયેલ 15 વર્ષનો સગીર માસૂમ બાળકીની હત્યા કરવામાં સૌથી આગળ હતો. તપાસકર્તાઓનું કહેવું છે કે વીતેલા કેટલાક સમયથી આરોપી સગીરના મનમાં મુસ્લિમ ગુજ્જર સમુદાય પ્રત્યે નફરત પેદા થઇ ગઇ હતી. જોકે, સગીરની માતાનું કહેવું છે કે તેનો દીકરો નિર્દોષ છે અને તે મામલાની તપાસ સીબીઆઇ પાસે કરાવવાની વાતને લઇને આમરણ અનશન પર બેઠી છે.

    સગીર આરોપીને લાગે છે અંધારાથી ડર

    - સગીર આરોપીના સંબંધીઓએ જણાવ્યું કે તે એક દૂબળો-પાતળો કમજોર છોકરો છે અને તેને અંધારાથી બહુ ડર લાગે છે. સગીર આરોપીને જુવેનાઇલ હોમ મોકલવામાં આવ્યો છે. તેના 62 વર્ષીય કાકા, જે મામલામાં મુખ્ય આરોપી છે અને 22 વર્ષીય પિતરાઇ ભાઈની પણ ધરપકડ કરીને તેમને જેલ મોકલી દેવામાં આવ્યા છે.

    - મામલાની તપાસ કરી રહેલી ક્રાઇમ બ્રાન્ચના અધિકારીઓના જણાવ્યા પ્રમાણે, આરોપી સગીર આ પહેલા પણ મારપીટની ઘટનાઓમાં સામેલ થયો હતો અને તેના પરિવારવાળા તેનાથી પરેશાન રહેતા હતા.

    મુસ્લિમ ગુજ્જરો સાથે થઇ હતી સગીરની મારપીટ

    - મીડિયા રિપોર્ટ્સમાં આરોપીની માતાના હવાલાથી કહેવામાં આવ્યું છે કે કઠુઆ કેસમાં પોલીસ દ્વારા ધરપકડ થયાના આશરે 3 મહિના પહેલા તેમના પુત્ર અને ગુજ્જર મુસ્લિમો વચ્ચે મારપીટ થઇ હતી.

    - સગીર આરોપીની માએ જણાવ્યું કે તેમનો દીકરો પોતાના દોસ્તો સાથે ગુજ્જરોના ઘરની પાસે 'ખાઈ-પી' રહ્યો હતો. ત્યારે ગુજ્જરોએ તેમની સાથે મારપીટ કરી હતી. એટલું જ નહીં, ત્યારબાદ ગુજ્જરોએ તેમના દીકરા વિરુદ્ધ પોલીસમાં ફરિયાદ પણ નોંધાવી હતી.
    - આરોપીની મા પણ ઇચ્છતી હતી કે પોલીસ તેના દીકરાને ઠપકો આપે જેથી તે સાચા રસ્તે પાછો વળે. એવું જ વિચારીને મા પોતાના દીકરાને લઇને પોલીસ સ્ટેશન પણ ગઇ હતી. તપાસ અધિકારીઓએ જણાવ્યું કે તે જ મારપીટ પછી આરોપી સગીરના મનમાં ગુજ્જરો પ્રત્યે નફરત પેદા થઇ ગઇ હતી.
    - એટલે સુધી કે પોલીસ સ્ટેશન લઇ જવાને લઇને તેણે પોતાની મા સાથે પણ ખરાબ વર્તન કર્યું હતું. આરોપીના કાકાના દીકરા ભાઈએ જણાવ્યું કે તે ધૂમ્રપાન કરવા લાગ્યો હતો અને દારૂ પણ પીતો હતો.

    આગળની સ્લાઇડમાં વાંચો, સાથી વિદ્યાર્થિનીઓ સાથે દુર્વ્યવહારને કારણે સ્કૂલમાંથી સસ્પેન્ડ

    ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર
  • Kathua case: the minor accused has hatered for Muslims Gujjar says investigators
    +1બીજી સ્લાઈડ્સ જુઓ
    આ છે 8 વર્ષની બાળકી આસિફાનો રેપ કરનાર મુખ્ય આરોપી.

    સાથી વિદ્યાર્થિનીઓ સાથે દુર્વ્યવહારને કારણે સ્કૂલમાંથી સસ્પેન્ડ

     

    ગયા વર્ષે દિવાળીના બે દિવસ પહેલા સગીર આરોપીને તેની સ્કૂલમાંથી કાઢી મૂકવામાં આવ્યો હતો. પોલીસનું કહેવું હતું કે સ્કૂલમાં ભણતી વિદ્યાર્થિનીઓ સાથે દુર્વ્યવહારના કારણે તેને સ્કૂલમાંથી કાઢી મૂકવામાં આવ્યો હતો. જોકે, તેની માતાનું કહેવું છે કે તેના દોસ્તોના ઝગડામાં વચ્ચે પડ્યો તેનું નુકસાન તેને ભોગવવું પડ્યું હતું. 

    તેની માએ જણાવ્યું કે સ્કૂલમાંથી કાઢી મૂકાવાને કારણે તેને શિક્ષણ ચાલુ રાખવા માટે તેના મામાના ઘરે રસના ગામ મોકલવામાં આવ્યો હતો.

     

    આગળની સ્લાઇડમાં વાંચો, પીડિતા સાથે પહેલા પણ કરતો હતો છેડતી

  • Kathua case: the minor accused has hatered for Muslims Gujjar says investigators
    કઠુઆ ગેંગરેપ અને હત્યા મામલે તપાસકર્તાઓનું માનવું છે કે ધરપકડ કરાયેલ 15 વર્ષનો સગીર માસૂમ બાળકીની હત્યા કરવામાં સૌથી આગળ હતો.

    પીડિતા સાથે પહેલા પણ કરતો હતો છેડતી

     

    ક્રાઇમ બ્રાન્ચ દ્વારા કોર્ટ સમક્ષ રજૂ કરવામાં આવેલી ચાર્જશીટ પ્રમાણે, સગીર આરોપી પહેલા પણ પીડિતા સાથે છેડતી કરતો હતો. પોલીસના જણાવ્યા પ્રમાણે, પીડિતા જ્યારે પણ પોતાનો ઘોડો શોધતી ગામમાં આવતી હતી, આરોપી તેની સાથે છેડતી કરતો હતો. 

More From National News

Trending