Divya Bhaskar

Home » National News » Latest News » National » Hizbul Militants Hurl Grenade at Tral Police station one terrorist killed

ત્રાલઃ પોલીસ સ્ટેશન પર ગ્રેનેડથી હુમલો, બુરખો પહેરી ભાગતો આતંકીનું મોત

Divyabhaskar.com | Updated - Feb 26, 2018, 05:48 PM

પુલવામામાં હિઝબુલ મુજાહિદ્દીનના આતંકીઓએ પોતાનાં સાથીઓને છોડાવવા માટે ત્રાલના એક પોલીસ સ્ટેશન પર ગ્રેનેડથી હુમલો કર્યો છે

  • Hizbul Militants Hurl Grenade at Tral Police station one terrorist killed
    +1બીજી સ્લાઈડ્સ જુઓ
    હિઝબુલ મુજાહિદ્દીનના આતંકીઓએ પોતાનાં સાથીઓને છોડાવવા માટે ત્રાલના એક પોલીસ સ્ટેશન પર ગ્રેનેડથી હુમલો કર્યો (ફાઈલ)

    શ્રીનગરઃ સાઉથ કાશ્મીરના પુલવામામાં હિઝબુલ મુજાહિદ્દીનના આતંકીઓએ પોતાનાં સાથીઓને છોડાવવા માટે ત્રાલના એક પોલીસ સ્ટેશન પર ગ્રેનેડથી હુમલો કર્યો છે. ત્યારે જ તકનો લાભ લેતાં લોકઅપમાં બંધ એક આતંકી બુરખો પહેરીને ભાગવા લાગ્યો હતો. એક ગ્રેનેડ તેની નજીક પણ ફુટ્યો હતો જેમાં તેનું મોત થઈ ગયું છે. આ હુમલામાં એક પોલીસ કોન્સ્ટેબલ પણ ઘાયલ થઈ ગયો છે. ઘટનાની મેજસ્ટ્રિયલ તપાસના ઓર્ડર આપવામાં આવ્યાં છે. છેલ્લાં 24 કલાકમાં આતંકીઓએ ત્રીજી વખત પોલીસને નિશાન બનાવી છે.

    આતંકીને છોડાવવા માટે થયો હુમલો


    - ન્યૂઝ એજન્સીએ જણાવ્યા મુજબ જમ્મુ કાશ્મીર પોલીસના પ્રવક્તાએ જણાવ્યું કે, "હિઝબુલ આતંકી પ્લાન અંતર્ગત લોકઅપમાં બંધ સાથીને ભગાડવા આવ્યાં હતા. જે અંતર્ગત સોમવારે બપોરે તેઓએ પોલીસ સ્ટેશનના મેઈન ગેટ પર ગ્રેનેડ ફેંક્યો હતો."
    - ગ્રેનેડ હુમલા બાદ ભારે અફડાતફડીની વચ્ચે આતંકી મુશ્તાક અહેમદ ચોપન ભાગવા લાગ્યો હતો. જવાનોને છેતરવા માટે તેને બુરખો પહેર્યો હતો.
    - જ્યારે મુશ્તાક પોલીસ સ્ટેશનના મેઈન ગેટ પર પહોંચ્યો તો જવાનોએ તેને રોકવા માટે વોર્નિગ આપી હતી. આ વચ્ચે બહારથી ફેંકવામાં આવેલો એક ગ્રેનેડ આતંકીની નજીક ફુટ્યો અને તેનું મોત થઈ ગયું હતું.

    પોલીસને મળી હતી મુશ્તાકની કસ્ટડી


    - ડીજીપી એસ.પી.વૈધે કહ્યું કે, "આતંકી મુશ્તાક અહેમદ ત્રાલના પોલીસ સ્ટેશનમાં થયેલાં ગ્રેનેડ હુમલામાં માર્યો ગયો છે. તેના લોકઅપમાંથી ભાગવા અંગે મેજિસ્ટ્રિયલ તપાસના ઓર્ડર આપી દીધાં છે. આ હુમલામાં ઘાયલ પોલીસ કોન્સ્ટેબલ મેહરાજ દીનને આર્મી હોસ્પિટલમાં દાખલ કરવામાં આવ્યાં છે."
    - મુશ્તાકને ગત મહિને પોલીસે બારામૂલાના સોપોરમાંથી પકડ્યો હતો. તેને થોડાંક દિવસ પહેલાં આતંકી ઘટનાઓની તપાસ માટે ત્રાલ પોલીસ સ્ટેશન લાવવામાં આવ્યો હતો.

    24 કલાકમાં પોલીસ પર ત્રીજો હુમલો


    - રવિવારે બડગામના ચરાર-એ-શરીફમાં આતંકીઓએ પોલીસ પર બે જગ્યાએ અલગ અલગ હુમલા કર્યાં હતા, જેમાં બે પોલીસ જવાન શહીદ થઈ ગયા હતા. સોમવારે શહીદ કોન્સ્ટેબલ કુલતાર સિંહની બોડી સાંબામાં તેના ઘરે પહોંચી હતી.

    ઘાટીમાં છે અનેક આતંકીઓ


    - બાંદીપોરાના હાજીન વિસ્તારમાં આતંકીઓએ સોમવારે સિક્યોરિટી ફોર્સ પર ફાયરિંગ કર્યું હતું. જે બાદ અહીં નાકાબંધી કરી સર્ચ ઓપરેશન કરાયું હતું.
    - 15 કોર્પ્સના જનરલ ઓફિસર કમાન્ડિંગ, લેફટેનન્ટ જનરલ એ.કે.ભટ્ટે કહ્યું હતું કે કાશ્મીર ઘાટીમાં આતંકી ફેલાયેલાં છે. તેઓ લીપા ઘાટી, મંડાલ, રામપુર અને અન્ય વિસ્તારોમાં 30થી 40ના ગ્રુપમાં ફરી રહ્યાં છે. એલઓસી પર ફાયરિંગ કરી પાકિસ્તાન આતંકીઓની ઘૂસણખોરી કરાવે છે. જે કંઈપણ કુપવાડા અને તંગધારમાં થયું તે આનું જ પરિણામ છે.

    સંબંધિત સ્ટોરીના વધુ ફોટા જોવા આગળની સ્લાઈડ પર ક્લીક કરો

  • Hizbul Militants Hurl Grenade at Tral Police station one terrorist killed
    ગ્રેનેડ હુમલા બાદ ભારે અફડાતફડીની વચ્ચે આતંકી મુશ્તાક અહેમદ ચોપન ભાગવા જતાં માર્યો ગયો હતો (ફાઈલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending