Divya Bhaskar

Home » National News » Latest News » National » 47th Man ki baat by Narendra Modi

સવા સો કરોડ દેશવાસીઓ પૂરપીડિતોની સાથે, દેશના જાંબાઝોએ કેરળમાં ખૂબ સારી કામગીરી કરી: મનકી બાતમાં મોદી

Divyabhaskar.com | Updated - Aug 26, 2018, 11:50 AM

છેલ્લી મનકી બાતમાં મોદીએ કચરો વીણનારાના દીકરાનો ઉલ્લેખ કર્યો હતો

  • 47th Man ki baat by Narendra Modi
    મોદીએ કરી મનકી બાત

    નવી દિલ્હી: વડાપ્રધાન નરેન્દ્ર મોદીએ આજે 47મી વખત મનકી બાત કરી. મોદીએ દેશવાસીઓને રક્ષાબંધન તેમજ જન્માષ્ટમીની શુભેચ્છાઓ પાઠવી. મોદીએ કહ્યું કે શ્રાવણી પૂનમે સંસ્કૃત દિવસ ઊજવાય છે. આ નિમિત્તે વડાપ્રધાને સંસ્કૃત ભાષાનું મહત્વ પણ સમજાવ્યું. મોદીએ કહ્યું સંસ્કૃત એક એવી ભાષા છે જેમાં અનંત શબ્દોની નિર્મિતી શક્ય છે.

    સંસ્કૃત ભાષાના મહત્વ વિશે કરી વાત

    - મોદીએ કહ્યું, "દરેક ભાષાનું પોતાનું આગવું મહત્વ હોય છે. ભારત એ વાતનો ગર્વ કરે છે કે તમિલ ભાષા વિશ્વની સૌથી જૂની ભાષા છે. વેદકાળથી વર્તમાનકાળ સુધી સંસ્કૃત ભાષાએ પણ દરેક વિષયને લોકો સુધી પહોંચાડવામાં બહુ મોટી ભૂમિકા ભજવી છે."

    - "સંસ્કૃત એક એવી ભાષા છે જેમાં અનંત શબ્દોની નિર્મિતી શક્ય છે. એટલે સૂક્ષ્મથી સૂક્ષ્મ ભાવને આ ભાષામાં વર્ણવી શકાય છે."
    - "કર્ણાટકનું મટ્ટુર ગામ સંસ્કૃત ભાષામાં વાતચીત કરે છે."
    - "જે લોકો સંસ્કૃત સુભાષિતોથી પરિચિત છે એમને ખ્યાલ હશે કે આ સુભાષિતો બહુ થોડાં શબ્દોમાં બહુ મોટી વાત કરી દે છે."


    'કેરળના પૂરપીડિતોની સાથે છે આખો દેશ'

    - "દેશના દરેક શિક્ષકોને આવનારા શિક્ષક દિનની શુભેચ્છાઓ આપું છું. સાથે શિક્ષણ અને વિદ્યાર્થીઓ પ્રત્યે તમારા સમર્પણ માટે આભાર વ્યક્ત કરું છું."

    - "આપણો આખા દેશની સંવેદના કેરળના પૂરપીડિતોની સાથે છે. હું તમામ પીડિતોને કહેવા માંગું છું કે સવા સો કરોડ ભારતીયો તમારી સાથે છે."

    - "જીવનની જે ક્ષતિ થઇ છે, તેની ભરપાઈ તો ન થઇ શકે પરંતુ શોક-સંતપ્ત પરિવારોને વિશ્વાસ અપાવવા માંગું છું કે સવા સો કરોડ ભારતીયો દુઃખની આ ક્ષણોમાં તમારી સાથે ખભે ખભા મિલાવીને ઊભા છે."

    - "આર્મી, નેવી, એરફોર્સ, NDRFની ટીમે કેરળમાં ખૂબ સારું કામ કર્યું છે."
    - "NDRFની ટીમની ક્ષમતા, તેમના કમિટમેન્ટ અને ત્વરિત નિર્ણ કરીને પરિસ્થિતિને સંભાળવાના પ્રયાસની દરેક હિંદુસ્તાની સરાહના કરે છે. કેરળને મદદ કરવા માટે NDRFની ટીમને અભિનંદન આપું છું."

    અટલજીને કર્યા યાદ

    - "16 ઓગસ્ટે જ્યારે દેશ અને દુનિયાએ અટલજીના નિધનના સમાચાર સાંભળ્યા તો દરેક વ્યક્તિ શોકમાં ડૂબી ગઇ."

    - "અટલજી માટે જે પ્રકારનો સ્નેહ, શ્રદ્ધા અને શોકની ભાવના આખા દેશમાં જોવા મળી તે તેમના વ્યક્તિત્વની વિશાળતાને દર્શાવે છે. સુશાસન એટલે કે ગુડ ગવર્નન્સને મુખ્ય ધારામાં લાવવા માટે આ દેશ સદાય અટલજીનો આભારી રહેશે."
    - "હું જરૂર કહીશ કે સ્વસ્થ લોકતંત્ર માટે, ઉત્તમ લોકતંત્ર માટે સારી પરંપરાઓનો વિકાસ કરવો, લોકતંત્રને મજબૂત બનાવવા માટે સતત પ્રયત્નો કરવા, ચર્ચાઓને ખુલ્લા મનથી આગળ વધારવી તે જ અટલજીને એક ઉત્તમ શ્રદ્ધાંજલિ હશે. "

    ચોમાસુ સત્રની સફળતા વિશે કરી વાત

    - મોદીએ કહ્યું, "મારા પ્યારા દેશવાસીઓ! હમણા થોડા દિવસ પહેલા જ સંસદનું ચોમાસુ સત્ર પૂરું થયું. તમને એ જાણીને ખુશી થશે કે લોકસભાની કાર્યવાહી 118% અને રાજ્યસભાની કાર્યવાહી 74% રહી. લોકસભાએ 21 બિલો અને રાજ્યસભાએ 14 બિલો પસાર કર્યા."

    - "આ દિવસોમાં કરોડો દેશવાસીઓનું ધ્યાન જકાર્તામાં થઇ રહલી એશિયન ગેમ્સમાં લાગેલું છે. દેશ માટે મેડલ જીતનારાઓમાં આપણી દીકરીઓ પણ સામેલ છે અને આ બહુ જ સકારાત્મક સંકેતો છે."

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending