Home » National News » Desh » HRAEIએ એડવાઇઝરી જાહેર કરીને રજિસ્ટર્ડ સપ્લાયર્સ પાસેથી જ મીટ ખરીદવાની સલાહ આપી | Scare in Kolkata Dog Cat meat making way to eateries

કોલકાતાઃ હોટલમાં કુતરા-બિલાડાનું માંસ? ઘટ્યું નોનવેજ ખાવાનું પ્રમાણ

Divyabhaskar.com | Updated - May 01, 2018, 05:43 PM

કોલકાતામાં હાલમાં રેસ્ટોરાં અને ઢાબાઓમાં નોન-વેજ ખાનારાઓની સંખ્યા લગભગ અડધી થઈ ગઈ છે.

  • HRAEIએ એડવાઇઝરી જાહેર કરીને રજિસ્ટર્ડ સપ્લાયર્સ પાસેથી જ મીટ ખરીદવાની સલાહ આપી | Scare in Kolkata Dog Cat meat making way to eateries
    +1બીજી સ્લાઈડ્સ જુઓ

    નેશનલ ડેસ્કઃ દરિયા કિનારે વસતા શહેરોમાં નોન-વેજ ખાનારોની સંખ્યા વિશેષ જોવા મળતી હોય છે. તેમાં તેમનો મુખ્ય ખોરાક માછલીની વિવિધ જાતિઓ હોય છે. પરંતુ ભારતના પૂર્વ વિસ્તારમાં આવેલા એક મેગા સિટીમાં હાલ એક અહેવાલના કારણે નોન-વેજ ખાનારોની સંખ્યામાં ધરખમ ઘટાડો નોંધાયો છે. કોલકાતામાં હાલમાં રેસ્ટોરાં અને ઢાબાઓમાં નોન-વેજ ખાનારાઓની સંખ્યા લગભગ અડધી થઈ ગઈ છે. કોલકાતાવાસીઓને આશંકા છે કે અહીં કૂતરા અને બિલાડીનું માંસ પીરસવામાં આવી રહ્યું છે. મામલો એટલો ગંભરી થઈ ગયો છે કે હોટલ એન્ડ રેસ્ટોરાં એસોસિએશન ઓફ ઈસ્ટર્ન ઈન્ડિયા (HRAEI)એ પોતાના સભ્યોને એડવાઇઝરી જાહેર કરીને રજિસ્ટર્ડ સપ્લાયર્સ પાસેથી જ મીટ ખરીદવાની સલાહ આપી છે.

    બરફની ફેક્ટરી પર દરોડા બાદ ફેલાઈ ગઈ અફવા


    - કોલકાતાના રાજા બજારમાં એક બરફની ફેક્ટરીમાં દરોડા દરમિયાન સામે આવ્યું કે અહીં મરેલા જાનવરોનું માંસ પ્રોસેસ કરીને હોટલ અને રેસ્ટોરાંમાં વેચવામાં આવતું હતું.
    - આ દરમિયાન પેક અને વેચવા માટે તૈયાર મરેલા જાનવરોનું 20 ટન માંસ જપ્ત કરવામાં આવ્યું.
    - ત્યારબાદ અફવા ફેલાઈ ગઈ કે આ માંસ કૂતરા અને બિલાડીના માંસનો પણ સમાવેશ થાય છે.


    બિરયાનીની દુકાન ચલાવતા એક શખ્સે જણાવ્યું કે તેને ત્યાં વેચાણમાં 50થી 60%નો ઘટાડો આવ્યો છે


    - અન્ય એક વેપારીએ કહ્યું કે, સામાન્ય દિવસોમાં અમે 25-30 કિલો મીટનો ઉપયોગ કરીએ છીએ, પરંતુ આ અફવાઓ બાદ વેચાણ 8 કિલોની આસપાસ જ રહી ગયું છે. તેના કારણે ખૂબ જ નુકસાન થઈ રહ્યું છે.
    - તેનાથી વિપરીત અન્ય એક વેપારીએ કહ્યું કે, આ પ્રકારની અફવાઓથી કોઈ ફરક નથી પડ્યો અને વેચાણમાં પણ કોઈ ઘટાડો નથી નોંધાયો.

    શાકભાજીના વેચાણમાં થયો વધારો


    - સપ્તાહના અંતમાં જોવા મળ્યું છે કે માછલી અને શાકભાજીના વેચાણમાં અચાનકથી ઉછાળો જોવા મળી રહ્યો છે.
    - HRAEIના અધ્યક્ષે કહ્યું કે, "અમારા સભ્યો ઉપરાંત અન્ય લોકો પણ શંકાસ્પદ જગ્યા કે લોકો પાસેથી માંસ નથી ખરીદતા. નાની દુકાનો અને ઢાબાવાળા રસ્તા પરના વેન્ડર્સ પાસેથી માંસ ખરીદે છે. આ અંગે જ શંકા જઈ રહી છે કે આ માંસ કુતરા-બિલાડીના હશે. અમે રેસ્ટોરન્ટસને આવા માંસ ન ખરીદવાની અપીલ કરી છે. પરંતુ નોન વેજ ખાવાના વેચાણમાં ઘટાડો થવો તે ચિંતાનો વિષય છે."
    - પ્રાપ્ત થતી માહિતી મુજબ જાણીતી દુકાનોએ આ મામલાને લઈને કોલકાતા પોલીસમાં ફરિયાદ કરી આ અંગે યોગ્ય તપાસની માગ કરી છે. જેનાથી આ અંગે લોકો નિશ્ચિત થઈ જાય અને અન્ય દુકાનદારોને નુકસાન સહન ન કરવું પડે.

  • HRAEIએ એડવાઇઝરી જાહેર કરીને રજિસ્ટર્ડ સપ્લાયર્સ પાસેથી જ મીટ ખરીદવાની સલાહ આપી | Scare in Kolkata Dog Cat meat making way to eateries
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending