Home » National News » Latest News » National » Karti Chidambaram has been arrested in INX money laundering case

INX મની લોન્ડરિંગ કેસમાં મંત્રી પી ચિદંબરમના દીકરા કાર્તિની ધરપકડ

Divyabhaskar.com | Updated - Feb 28, 2018, 08:45 AM

લંડનથી પરત ફરતી વખતે ચેન્નાઈ એરપોર્ટ પર કાર્તિની કરાઈ ધરપકડ

  • Karti Chidambaram has been arrested in INX money laundering case
    +1બીજી સ્લાઈડ્સ જુઓ
    કાર્તિની સીબીઆઈએ કરી ધરપકડ

    ચેન્નઈઃ આઈએનએક્સ મીડિયા કેસમાં આરોપી અને પૂર્વ કેન્દ્રીય મંત્રી પી ચિદંબરમના દીકરા કાર્તિ ચિદંબરમને સીબીઆઈએ બુધવારે ચેન્નઈ એરપોર્ટ પરતથી ધરપકડ કરી લીધી. તેઓ કોર્ટની મંજૂરી લઈને થોડા દિવસ પહેલા લંડન ગયા હતા. બીજેપી નેતા સુબ્રમણ્યમ સ્વામીએ કહ્યું કે કાર્તિ વિરુદ્ધ મજબૂત પુરાવા છે, તેઓ જેલ જશે. આ મોટી સફળતા છે. બીજી તરફ, તપાસ એજન્સીએ જણાવ્યું કે કાર્તિ પર આઈએનએક્સ મીડિયાની મદદ કરવાના બદલામાં 10 લાખ રૂપિયા લાંચ આપવાનો આરોપ છે. તેઓ તપાસમાં મદદ નથી કરી રહ્યા. ધરપકડ બાદ કાર્તિને ફ્લાઇટથી દિલ્હી લાવવામાં આવ્યા. કોર્ટમાં રજૂઆત બાદ તેમને સીબીઆઈ હેડક્વાર્ટરમાં રાખવામાં આવ્યા છે. કોંગ્રેસે તેને બદલાની કાર્યવાહી કરાર કરી અને કહ્યું કે મોદી સરકાર પોતાના ગોટાળા છૂપાવી રહી છે.

    ધરપકડથી કોંગ્રેસનો અવાજ નહીં દબાવી શકાય


    - કોંગ્રેસના પ્રવક્તા રણદીપ સુરજેવાલાએ કહ્યું કે, કાર્તિની ધરપકડ કોંગ્રેસને મોદી સરકારની વિરુદ્ધ અવાજ ઉઠાવતા નહીં રોકી શકે. આ બદલાની કાર્યવાહી છે. કેન્દ્ર સરકાર પણ ભ્રષ્ટાચારથી ઘેરાયેલી છે અને પોતાના ગોટાળા છૂપાવી રહી છે.
    - ગુરુવારે પટિયાલા હાઉસ કોર્ટમાં સિનિયર એડવોકેટ અભિષેક મનુ સિંઘવી કાર્તિ તરફથી રજૂઆત કરી.

    જેલ જશે કાર્તિ, આ મોટી સફળતાઃ સ્વામી


    - બીજેપી નેતા સુબ્રમણ્યમ સ્વામીએ કહ્યું, સીબીઆઈએ તેમને (કાર્તિ ચિદંબરમને) અનેક તક આપી, પરંતુ તમામ સાબિતી હોવા છતાંય ખોટું બોલતા રહ્યા. સીબીઆઈ ચાર્જશીટ રજૂ કરશે અને કાર્તિ અંતમાં જેલ જશે. આ મોટી સફળતા છે.

    કાર્તિના ઠેકાણાઓ ઉપર દરોડા પાડવામાં આવ્યા


    - તાજેતરમાં જ ઈડીએ કાર્તિ ચિદંબરમના દિલ્હી અને ચેન્નાઈમાં આવેલા ઘર અને ઓફિસ ઉપર દરોડા પાડ્યા હતા.
    - ઈડીએ 2007માં આઈએનએક્સ મીડિયા માટે ફોરેન ઈન્વેસ્ટમેન્ટમાં અનિયમિતતાઓના કારણે કાર્તિ ચિદંબરમ સામે સમન્સ જાહેર કરવામાં આવ્યો હતો.
    - સીબીઆઈ આ મામલે અલગથી તપાસ કરી રહી છે. સીબીઆઈએ આ મામલે પીટર અને ઈન્દ્રાણી મુખરજીની પણ પૂછપરછ કરી છે.

    આગળની સ્લાઈડમાં જાણો, શું છે કાર્તિ પર આરોપ?

  • Karti Chidambaram has been arrested in INX money laundering case
    કાર્તિ પૂછપરછમાં સહયોગ કરતા ન હોવાથી તેમની ધરપકડ કરી લેવામાં આવી છે

    શું છે કાર્તિ પર આરોપ?


    - ન્યૂઝ એજન્સીના જણાવ્યા પ્રમાણે ફોરેન ઈન્વેસ્ટમેન્ટ પ્રમોશન બોર્ડના 2006માં મળેલી મંજૂરીને લઈને તપાસ ચાલી રહી છે. ઈડીનું એવું પણ કહેવું છે કે આ મંજૂરી ત્યારે મળી હતી જ્યારે દેશના નાણાપ્રઘાન પી. ચિદંબરમ હતા.
    - 2013માં આજ રીતે એફઆઈપીબી ક્લિયરન્સ મેળવનાર કંપનીને કાર્તિ ચિદંબરમે ગુડગાંવ સ્થિત તેમની સંપત્તિને ભાડે આપી હતી, પરંતુ તપાસ એજન્સીમાં ખ્યાલ આવ્યો તે તેમણે તેમની આ સંપત્તિ વેચી દીધી છે.
    - કાર્તિ પર એવો પણ આરોપ છે કે તેમણે પ્રોવિઝન ઓફ મની લોન્ડરિંગ એક્ટની કાર્યવાહીથી પરેશાન થઈને તેમના ઘણાં બેન્ક એકાઉન્ટ્સ બંધ કરી દીધા હતા અને ઘણાં એકાઉન્ટ્સ બંધ કરવાનો પ્રયત્ન પણ કર્યો હતો. 
    - નોંધનીય છે કે, આ કેસ ફોરેન ઈન્વેસ્ટમેન્ટ પ્રપોઝલવે મંજૂરી આઈવા સાથે જોડાયેલો છે. 2006માં પી ચિદંબરમ ફાઈનાન્સ મિનિસ્ટર હતા ત્યારે એરસેલ મેક્સિસના 600 કરોડના વિદેશી રોકાણના સોદાને મંજૂરી આપવામાં આવી હતી.
    - 3500 કરોડથી વધારે એફડીઆઈ માટે કેબિનેટ કમિટી ઓન ઈકોનોમિક અફેર્સની મંજૂરી લેવાની હતી. જોકે આ મંજૂરી લેવામાં આવી જ નહતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ