કર્ણાટક: 25મીએ ફ્લોર ટેસ્ટ, બહુમત સાબીત કરશે CM કુમારસ્વામી

25મેના રોજ કર્ણાટક વિધાનસભાની પહેલી બેઠક 12.15 PMએ રાખવામાં આવી છે

divyabhaskar.com | Updated - May 24, 2018, 10:01 AM
કર્ણાટકમાં 25મીએ ફ્લોર ટેસ્ટ| Karnatakas floor test now on 25th May

જેડીએસ નેતા એચડી કુમારસ્વામીએ બુધવારે કર્ણાટકના મુખ્યમંત્રી પદ તરીકેના શપથ લઈ લીધા છે. કુમારસ્વામી સિવાય કોંગ્રેસી નેતા જી. પરમેશ્વરે ઉપમુખ્યમંત્રી પદના શપથ લીધા છે. શપથ ગ્રહણ સમારોહના એક દિવસ પહેલાં જ કુમારસ્વામીએ કહ્યું હતું કે, તેઓ મુખ્યમંત્રી બનશે તેના 24 કલાકમાં જ બહુમત સાબીત કરીને બતાવશે અને ફ્લોર ટેસ્ટ માટે 24મેનો દિવસ નક્કી કરવામાં આવ્યો હતો.

બેંગલુરુ: કર્ણાટકમાં વિશ્વાસનો મત સાબિત કરે તે પહેલા પણ કુમારસ્વામીને વિધાનસભામાં પોતાની તાકાત બતાવવી પડશે. બહુમતી સાબિત કરતા પહેલા ભાજપ અને જેડીએસ-કોંગ્રેસના ઉમેદવારોમાંથી કોઇ એકને વિધાનસભા અધ્યક્ષ ચૂંટવામાં આવશે. ભાજપ તરફથી 5 બારના ધારાસભ્ય સુરેશકુમારે ઉમેદવારી નોંધાવી છે. કુમારસ્વામી તરફથી કોંગ્રેસના વરિષ્ઠ વિધાયક અને પૂર્વ વિધાનસભા અધ્યક્ષ રમેશકુમાર સ્પીકર માટે દાવેદાર છે. કોંગ્રેસે પોતાનો ઉમેદવાર ખૂબ સરળતાથી સ્પીકર તરીકે ચૂંટાઇ આવશે એવો દાવો કર્યો છે. જ્યારે સુરેશકુમારે કહ્યું છે કે 12.30 વાગ્યે ચૂંટણી છે અને તે પછી તમને પરિણામની ખબર પડી જશે.

સ્પીકરની ચૂંટણી પછી ફ્લોર ટેસ્ટ


કુમારસ્વામીની એક સીટ અને એક સ્પીકરની બેઠક ઘટતા સંખ્યાઃ 220
બહુમતી માટે જરૂરીઃ 111
કોંગ્રેસ (78-1 સ્પીકર) + જેડીએસ(38-1 કુમારસ્વામી)= 114
ભાજપ = 104

25 મેના રોજ થશે ફ્લોર ટેસ્ટ

જેડીએસ નેતા એચડી કુમારસ્વામીએ બુધવારે કર્ણાટકના મુખ્યમંત્રી પદ તરીકેના શપથ લઈ લીધા છે. કુમારસ્વામી સિવાય કોંગ્રેસી નેતા જી. પરમેશ્વરે ઉપમુખ્યમંત્રી પદના શપથ લીધા છે. શપથ ગ્રહણ સમારોહના એક દિવસ પહેલાં જ કુમારસ્વામીએ કહ્યું હતું કે, તેઓ મુખ્યમંત્રી બનશે તેના 24 કલાકમાં જ બહુમત સાબિત કરીને બતાવશે અને ફ્લોર ટેસ્ટ માટે 24 મેનો દિવસ નક્કી કરવામાં આવ્યો હતો. હવે જ્યારે રાજ્યમાં કોંગ્રેસ-જેડીએની ગઠબંધનની સરકાર બની ગઈ છે ત્યારે ફ્લોર ટેસ્ટ એક દિવસ પાછળ ઠેલી દેવામાં આવ્યો છે. એટલે કે હવે ફ્લોર ટેસ્ટ માટે 25 મેનો દિવસ નક્કી કરવામાં આવ્યો છે.

કર્ણાટકની સરકાર સામે ફરી ઊભા થયા સવાલો


ફ્લોર ટેસ્ટનો દિવસ એક દિવસ પાછળ ઠેલવામાં આવ્યો હોવાથી કર્ણાટકના રાજકારણ સામે ફરી સવાલો ઊભા થવા લાગ્યા છે. જોકે નિષ્ણાતોનું કહેવું છે કે, ગઠબંધનની સરકાર સરળતાથી બહુમત સાબીત કરી લેશે. આ સરકાર માટે બહુમત સાબીત કરવી ચિંતાનો વિષય નથી. જોકે ફ્લોરટેસ્ટનો દિવસ કેમ બદલવામાં આવ્યો છે તે વિશે કોઈ ખાસ ખુલાસો કરવામાં આવ્યો નથી. 25મેના રોજ નવીબનેલી 15મી વિધાનસભાના પહેલાં સત્રની બેઠક બપોરે 12.15 રાખવામાં આવી હતી.

મંત્રી મંડળમાં 12:22ની ફોર્મૂલા

દરમિયાન, કોંગ્રેસ અને જેડીએસ વચ્ચે સત્તાની ભાગીદારીની ફોર્મ્યુલા નક્કી થઇ ગઇ છે. જોકે, તેની પુષ્ટિ હજુ માત્ર કોંગ્રેસે કરી છે. કોંગ્રેસના 22 ધારાસભ્યો મંત્રી બનશે. જ્યારે જેડીએસ પ્રમુખના મુખ્યમંત્રી બનવા ઉપરાંત જેડીએસ તરફથી 12 અન્ય વિધાયકો મંત્રી બનશે. કોંગ્રેસના નેતા કે સી વેણુગોપાલે તેની પુષ્ટિ કરી છે. આ દરમિયાન કુમારસ્વામીએ મંગળવારે જણાવ્યું કે આગામી પાંચ વર્ષ કોંગ્રેસ-જેડીએસની ગઠબંધન સરકાર ચલાવવી સરળ નહિ હોય. આ મારી જિંદગીનો મોટો પડકાર હશે. હું આશા નથી રાખતો કે હું સરળતાથી મુખ્યમંત્રી તરીકે મારી જવાબદારીઓ પૂરી કરી શકીશ. તે પહેલા કુમારસ્વામીએ સરકારમાં 30-30 માસની ભાગીદારીની ફોર્મ્યુલાને નકારી કાઢી હતી.

X
કર્ણાટકમાં 25મીએ ફ્લોર ટેસ્ટ| Karnatakas floor test now on 25th May
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App