Divya Bhaskar

Home » National News » Latest News » National » કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates

કર્ણાટકના 10 મહત્વના ઉમેદવારોઃ જાણો કોણ જીત્યું, કોણ હાર્યું?

Divyabhaskar.com | Updated - May 15, 2018, 04:42 PM

2019ની લોકસભા ચૂંટણી પહેલાં સેમીફાઈનલ સમાન ગણાતી કર્ણાટક વિધાનસભા ચૂંટણી રીઝલ્ટ રાજકીય દ્રષ્ટીએ ઘણું મહત્વ ધરાવે છે.

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates
    +7બીજી સ્લાઈડ્સ જુઓ

    નેશનલ ડેસ્કઃ કર્ણાટક વિધાનસભામાં ભાજપ સૌથી મોટી પાર્ટી તરીકે સામે આવી છે. રાજ્યમાં કોંગ્રેસ, ભાજપ અને JDS વચ્ચે ત્રિકોણીય મુકાબલો હતો. જેમાં સિદ્ધારમૈયા, બી શ્રીરામુલુ કે જેઓ બે બેઠક પરથી ચૂંટણી લડ્યા હતા તેમાંથી એક બેઠક હાર્યા છે જ્યારે એક પર જીત મેળવી છે. તો JDSના અધ્યક્ષ અને CM પદના દાવેદાર કુમારસ્વામીએ પોતાની બંને બેઠક કબજે કરી છે. આ ઉપરાંત મોટા ભાગનાં મહત્વના ઉમેદવારની જીત મેળવી છે. 2019ની લોકસભા ચૂંટણી પહેલાં સેમીફાઈનલ સમાન ગણાતી કર્ણાટક વિધાનસભા ચૂંટણી રીઝલ્ટ રાજકીય દ્રષ્ટીએ ઘણું મહત્વ ધરાવે છે. આ ચૂંટણીમાં 2600થી વધુ ઉમેદવારોના ભાવિનો ફેંસલો થયો હતો. 224 બેઠક ધરાવતી કર્ણાટક વિધાનસભાની 222 સીટ માટે શનિવારે મતદાન થયું હતું.

    સિદ્ધારમૈયા, કોંગ્રેસ, ચામુંડેશ્વરી અને બાદામી

    - સિદ્ધારમૈયા ચામુંડેશ્વરી બેઠક પરથી હાર્યા છે જ્યારે બાદામી બેઠક પરથી ભાજપના બી શ્રીરામુલુને હરાવ્યાં છે.

    - વર્ષ 2013માં કોંગ્રેસે ચૂંટણી જીત્યા બાદ સિદ્ધારમૈયાને કર્ણાટકની કમાન સોંપવામાં આવી હતી.

    - 68 વર્ષના સિદ્ધારમૈયા કુરૂબા ગૌડ ચરવાહા સમુદાયથી આવે છે. વર્ષ 2013માં એક દૈનિક અખબારે તેમના વિશે લખ્યું હતું કે તેઓ નાનપણમાં ઢોર ચારતા હતા.

    - સિદ્ધારમૈયા પોતાની સામાન્ય પૃષ્ઠભૂમિથી ઉપર ઉઠ્યાં અને કાયદાનો અભ્યાસ કર્યો જે બાદ રાજકારણમાં આવ્યાં હતા.

    બી.એસ.યેદિયુરપ્પા, ભાજપ, શિકારીપુરા

    - બુકાનાકેરે સિદ્દાલિંગપ્પા યેદિયુરપ્પા 75 વર્ષના છે. જેઓ શિકારીપુરાની બેઠક પરથી જીત્યા છે.

    - કર્ણાટક ચૂંટણી ભાજપના મુખ્યમંત્રી પદના ઉમેદાવાર યેદિયુરપ્પા વર્ષ 2008થી 2011 સુધી કર્ણાટકના CM પદે આરૂઢ રહ્યાં

    - RSS સાથે લાંબા સમય સુધી જોડાયેલાં યેદિયુરપ્પાએ રાજકારણમાં પ્રવેશ કર્યો હતો.

    એચ.ડી.કુમારસ્વામી, JDS, રામાનગર અને ચન્નપટના

    - એચ.ડી.કુમારસ્વામી પોતાની બંને બેઠક પરથી વિજયી થયા છે.

    - હરદાનહલ્લી દેવેગૌડા કુમારસ્વામી જનતા દળ (સેક્યુલર)ના અધ્યક્ષ છે.

    - વર્ષ 2006થી 2008 સુધી તેઓ કર્ણાટકના CM રહી ચુક્યાં છે.

    - તેઓ JDSના સંસ્થાપક અને ભારતના પૂર્વ વડાપ્રધાન એચ.ડી.દેવેગૌડાના પુત્ર છે.

    આગળ વાંચો અન્ય મહત્વના ઉમેદવારોને જીત મળી કે હાર?

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates
    +6બીજી સ્લાઈડ્સ જુઓ

    જી પરમેશ્વર, કોંગ્રેસ, કોરાટાગેરે

     

    - પરમેશ્વર ગંગાધરૈયા કે જી પરમેશ્વર કર્ણાટક કોંગ્રેસના અધ્યક્ષ છે. જેઓ કોરાટાગેરે બેઠક પરથી વિજયી થયા છે. 
    - જી પરમેશ્વર એક કૃષિ વૈજ્ઞાનિક હતા અને 1989માં રાજીવ ગાંધીના નિવેદન બાદ તેઓ કોંગ્રેસમાં સામેલ થયા હતા.
    - 66 વર્ષના પરમેશ્વર એક પ્રમુખ દલિત પરિવારથી સંબંધ રાખે છે જે તુમકુરમાં સિદ્ધાર્થ સમૂહના શૈક્ષેણિક સંસ્થાનોના માલિક છે.

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates
    +5બીજી સ્લાઈડ્સ જુઓ

    બી શ્રીરામુલુ, ભાજપ, મોલાકાલમુરુ અને બાદામી

     

    - બી શ્રીરામુલુ બેલ્લારી જિલ્લાથી ભાજપના સાંસદ છે. તેઓ પણ મોલાકાલમુરુ અને બાદામી બેઠક પરથી ચૂંટણી લડ્યા હતા. જેમાં મોલાકાલમુરુ બેઠક પરથી જીત્યાં છે જ્યારે બાદામીમાં સિદ્ધરામૈયા સામે હારનો સામનો કરવો પડ્યો છે. 
    - વર્ષ 2008માં શ્રીરામુલુ વાલ્મીકિ નાયક સમુદાયના મજબૂત સમર્થનની સાથે તેઓ પ્રદેશના એક મોટા નેતા તરીકે સામે આવ્યાં. તેઓ આ સમુદાયથી જ સંબંધ રાખે છે.
    - 46 વર્ષના શ્રીરામુલુને વિવાદાસ્પાદ રેડ્ડી બંધુના નજીકના ગણવામાં આવે છે. 
    - રેડ્ડી બંધુ વિરૂદ્ધ ગેરકાયદેસર ખનીજ ખોદકામ અને ભ્રષ્ટાચારના આરોપ છે.

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates
    +4બીજી સ્લાઈડ્સ જુઓ

    જી કરૂણાકર રેડ્ડી, ભાજપ, હરપનહલ્લી

     

    - 56 વર્ષના કરૂણાકર રેડ્ડી, રેડ્ડી બ્રધર્સમાં સૌથી મોટા છે.  તેઓ હરપનહલ્લી બેઠક પરથી વિજ્યી થયા છે.
    - રેડ્ડી બંધુ બેલ્લારીથી અનંતપુર સુધી હજારો કરોડો રૂપિયાના ગેરકાયદેસર ખોદકામ કેસમાં આરોપી છે. 
    - 2011માં કથિત રીતે ગેરકાયેદસર ખોદકામ અંતર્ગત કર્ણાટક લોકાયુક્તે તેમની તપાસ કરી હતી. 
    - રેડ્ડી બ્રધર્સના 8 નજીકના લોકોને ભાજપે ટિકિટ આપી છે.

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates
    +3બીજી સ્લાઈડ્સ જુઓ

    કે.એસ.ઈશ્વરપ્પા, ભાજપ, શિવમોગા

     

    - કર્ણાટક વિધાન પરિષદમાં કે.એસ.ઈશ્વરપ્પા વિપક્ષના નેતા હતા. જેઓએ શિવમોગા બેઠક પરથી ઐતિહાસિક જીત હાંસલ કરી છે. 
    - 69 વર્ષના અનુભવી રાજનેતાએ રાજ્યમાં ગત ભાજપ સરકારમાં કેબિનેટમાં સામેલ હતા.
    - 2012થી 2013 સુધી જગદીશ શેટ્ટરની આગેવાનીવાળી સરકારમાં તેઓ ઉપ મુખ્યમંત્રી પણ હતા.
    - ઈશ્વરપ્પાએ જ્યારે રાજનીતિમાં પગલું ભર્યું હતું ત્યારે ભાજપના મુખ્યમંત્રી પદના ઉમેદવાર બી.એસ.યેદિયુરપ્પા તેમના સંરક્ષક હતા પરંતુ હવે તેઓ રાજનીતિક પ્રતિદ્વંદ્વી છે. 

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates
    +2બીજી સ્લાઈડ્સ જુઓ

    યથીન્દ્ર સિદ્ધારમૈયા, કોંગ્રેસ, વરૂણા

     

    - 38 વર્ષના યથીન્દ્ર મુખ્યમંત્રી સિદ્ધારમૈયાના નાના પુત્ર છે. જેઓએ પણ વરૂણા બેઠક પરથી જીત હાંસલ કરી છે.
    - 2018ની ચૂંટણીથી તેઓએ રાજકારણમાં ડગલું માંડ્યું છે.
    - શાંત અને ઓછું બોલવાવાળા યથીન્દ્ર વ્યવસાયે એક રોગવિજ્ઞાની છે અને તેમની છબી એક એવાં રાજનેતા તરીકેની છે જેને રાજકારણમાં રસ ઓછો હોય.
    - 2016માં પોતાના મોટા ભાઈના આકસ્મિક મોત બાદ તેઓએ રાજકારણ ડગ માંડ્યા છે. આ પહેલાં તેઓએ રાજકારણથી દૂર રહેવાનો નિર્ણય કર્યો હતો.

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates
    +1બીજી સ્લાઈડ્સ જુઓ

    મધુ બંગારપ્પા, JDS, સોરાબ

     

    - મધુ બંગરપ્પા સોરાબથી પોતાના મોટા ભાઈ અને ભાજપના ઉમેદવાર કુમાર બંગરપ્પા સામે હાર્યા છે.
    - મધુ બંગારપ્પા સોરાબથી જ જનતાદળ સેક્યુલરના ધારાસભ્ય અને કર્ણાટકના પૂર્વ મુખ્યમંત્રી એસ. બંગારપ્પાના પુત્ર છે.
    - રાજનીતિમાં સામેલ થતાં પહેલાં તેઓ એક ફિલ્મ અભિનેતા અને નિર્માતા હતા.
    - આ ચૂંટણીમાં સોરાબમાં બંગારપ્પા પરિવારના મતભેદ સામે આવ્યાં હતા. કેમકે મધુ પોતાના મોટા ભાઈ કુમાર બંગારપ્પા વિરૂદ્ધ ચૂંટણી મેદાનમાં હતા.

  • કર્ણાટક વિધાનસભા ચૂંટણીમાં મહત્વના ઉમેદવારના પરિણામ પર નજર | Karnataka assembly election key candidates

    લક્ષ્મી હેબ્બાલ્કર, કોંગ્રેસ, બેલગાવી ગ્રામીણ

     

    - 37 વર્ષના લક્ષ્મી હેબ્બાલકર કર્ણાટકમાં કોંગ્રેસ પાર્ટીમાં મહિલા વિંગના અધ્યક્ષ છે. જેઓ અંતે બેલગાવી ગ્રામીણથી ચૂંટણી જીત્યા છે. 
    - તેઓ બીજી વખત મરાઠી બહુમત વિસ્તાર બેલગાવી (ગ્રામીણ) વિધાનસભા ક્ષેત્રથી ચૂંટણી લડ્યા.
    - આ પહેલાં લક્ષ્મી હેબ્બાલકર 2013ની ચૂંટણીમાં હારી ગયા હતા અને 2014ની લોકસભા ચૂંટણીમાં પણ હારનો સામનો કરવો પડ્યો હતો. 

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending