Divya Bhaskar

Home » National News » Latest News » National » કર્ણાટકમાં આજે કોની બનશે સરકાર?| Karnataka Government Formation today

કોંગ્રેસ આખી રાત જાગી પણ વજુભાઈ જ 'સુપ્રીમ' સાબીત થયા

Divyabhaskar.com | Updated - May 17, 2018, 09:32 AM

વજુભાઇનું BJPને આમંત્રણઃ કાલે સવારે 9 વાગે યેદિયુરપ્પા શપથ લેશે

  • કર્ણાટકમાં આજે કોની બનશે સરકાર?| Karnataka Government Formation today
    +13બીજી સ્લાઈડ્સ જુઓ
    સુપ્રીમ કોર્ટે મોડી રાતે સુનાવણી કરીને યેદિયુરપ્પાના શપથ પર પ્રતિબંધ લગાવવાનો કર્યો ઈન્કાર

    નેશનલ ડેસ્ક: સુપ્રીમકોર્ટ 4 કલાકની ચર્ચા બાદ યેદિયુરપ્પાને શપથ ગ્રહણ પર રોક ન લગાવી શકી. SCએ ભાજપને થોડા સમય માટે બહુ મોટી રાહત આપી છે. સુપ્રીમે બીજેપી પાસે સમર્થક વિધાયકોની લિસ્ટ માંગી છે, અને રાજ્યપાલને આપેલા સમર્થન પત્રની પણ માંગ કરી છે. બીજેપીએ તમામ વિધાયકોના 15 અને 16 મેના સમર્થન પત્રોની લિસ્ટ સુપ્રીમકોર્ટમાં ફાઈલ કરવાની રહેશે. આ મામલે શુક્રવારે સવારે 10 વાગે ફરીથી સુપ્રીમકોર્ટમાં સુનાવણી હાથ ધરાશે.

    કર'નાટક'નો સુપ્રીમમાં નાઈટ શૉ ( વાંચો- સમગ્ર રાતનો ઘટનાક્રમ

    05.52 AM: આજે નક્કી કરેલા સમયે જ યેદિયુરપ્પા શપથ લેશે

    05.40 AM:કાલે સવારે 10.30 વાગ્યે ફરીથી સુનાવણી હાથ ધરાશે

    05.36 AM: યેદિયુરપ્પાએ 15 અને 16 મેના સમર્થનના પત્ર કેન્દ્ર સરકાર અને સુપ્રીમ કોર્ટમાં ફાઈલ કરવું પડશે

    05.33 AM: સુપ્રીમે તમામ પક્ષોને નોટિસ જાહેર કરી

    05.31 AM: આજે બપોરે 2 વાગ્યે શપથ ગ્રહણ બાજ ફરી સુનાવણી

    05.28 AM: સુપ્રીમે ભાજપ પાસેથી ધારાસભ્યોનું લિસ્ચ માંગ્યું

    05.19 AM: જજ સીકરી લખાવી રહ્યા છે ફેંસલો, થોડીવારમાં આવી શકે છે ચુકાદો

    05.00 AM કોંગ્રેસે કહ્યું- ત્રણ કલાક માટે શપધવિધિ રોકી દો, બીજેપીના વકીલે કહ્યું - કોંગ્રેસની દલીલ ગેરબંધારણીય

    04.56 AM: સુપ્રીમ કોર્ટમાં હજુ સુનાવણી ચાલું- સિંઘવીની માંગ અસંવેધાનિક

    04.45 AM: સુપ્રીમે કહ્યું- અમે શપથ ગ્રહણ નહી રોકીશુ

    04.41 AM: કોંગ્રેસે સુપ્રીમકોર્ટને કહ્યું- શપથ ગ્રહણ સાંજે 4.30 સુધી ટાળી દો

    04.35 AM: સુપ્રીમે ક્હ્યું- બહુમતિ સાબિત થયા બાદ ફરીથી ચર્ચા થશે અને ત્યારબાદ સુનાવણી હાથ ધરાશે

    04.32 AM: સુપ્રીમમાં સિંઘવીની દલીલો હજું યથાવત્

    04.24 AM: યેદિયુરપ્પાની શપથવિધીનો રસ્તો સાફ, સવારે 9.30 વાગ્યે લઈ શકશે શપથ

    04.18 AM: સવારે 5 વાગ્યા સુધી સુપ્રીમ કોર્ટ આપી શકે છે ચુકાદો

    04.17 AM: રોહતગી કહ્યું- કોર્ટના રાજ્યપાલના વિશેષ અધિકાર સાથે કોઈ સંબધ જ નથી, અરજી કેન્સલ થવી જોઈએ
    04.15 AM: રોહતગીએ અરજી કેન્સલ કરવાની માંગ કરી
    04.13 AM: સુપ્રીમ કોર્ટમાં અરજી કરવાની જરૂરિયાત જ નહોતી- રોહતગી

    04.11 AM: રોહતગી- અમને ખબર નથી ફ્લોર ટેસ્ટમાં શું થશે ?

    04.10 AM: રોહતગી- કોંગ્રેસે ફ્લોર ટેસ્ટ માટે રાહ જોવી જોઈએ

    04.09 AM: રોહતગી- આ મામલે બહુમતના પરિક્ષણ બાદ પણ સુનાવણી કરી શકીએ છીએ

    04.07 AM: સુપ્રીમ કોર્ટમાં બીજેપી- કહ્યું અમે 7 દિવસમાં બહુમત સાબિત કરવા માટે તૈયાર

    04.05 AM: રોહતગી- 7 દિવસ હોય, 10 અથવા 15 દિવસ અમે સુનાવણી કાલે કરી શકીએ છીએ

    04.03 AM: રોહતગી- આ મામલે સુનાવણી અટકાવી શકાય છે જ્યારે બધાજ કાગળો તૈયાર હોય ત્યારે ફરીથી સુનાવણી કરી શકાય

    - રોહતગી- આ તો રાજ્યપાલનો વિવેક છે

    - જસ્ટીસ સીકરી- તો તે ફ્લોર ટેસ્ટમાં ફેલ થઈ શકે છે
    - રોહતગી- અમને ખબર નહીં
    - જસ્ટીસ સીકરી- પણ તમારા આકંડા એવું નથી દર્શાવતા
    - રોહતગી- હજુ કઈ કહી ન શકાય

    03.58 AM: જસ્ટીસ સીકરીએ રોહતગીથી કહ્યું- તમારી પાસે બહુમત નથી

    03.55 AM: જસ્ટીસ સીકરીએ કહ્યું અમે રાજ્યપાલનું નહી, તેમના કામનું આકલન કરી રહ્યાં છીએ
    03.53 AM: જસ્ટીસ બોબડેએ પુછ્યું- બીજેપીને કર્ણાટકમાં 15 દિવસ શા માટે જોઈએ છે ?

    03.49 AM: આવી કોઈ પરંપરા નથી- રોહતગી

    03.48 AM: સુપ્રીમે કહ્યું- શું મંત્રીમંડળ પહેલા ધારાસભ્ય પણ શપથ લઈ શકે છે?

    03.48 AM: કોઈ શપથ લેશે તો આકાશ નહી તૂટી પડે- રોહતગી

    03.45 AM: રાત્રે 9 વાગ્યે અરજી અને હવે સુનાવણી, આ ખોટું છે- રોહતગી

    03.40 AM: અટર્ની જનરલ રોહતગીની દલીલ શરૂ- કેન્દ્ર સરકાર અને રાજ્યપાલ તરફથી કરશે દલીલ

    03.33 AM: સિંઘવીએ કોર્ટને કહ્યું - તમે મેરિટ પર ચુકાદો આપી દો, દેશની સૌથી મોટી કોર્ટના ત્રણ જજ રાત્રે મહત્વપુર્ણ ચુકાદાની સુનાવણી કરી રહ્યાં છે, લોકતંત્ર નિશ્ચિત છે

    03.31 AM: કર્ણાટકમાં શપથગ્રહણ એક દિવસ બાદ પણ થઈ શકે છે- સિંઘવી

    03.28 AM: રાજ્યપાલના આદેશમાં હસ્તક્ષેપ નહીં થાય, શપથ ગ્રહણને રોકી દો- સિંઘવી

    03.20 AM: સિંઘવી- જો સુપ્રીમકોર્ટ સંવિધાનની કલમ 356 મુજબ રાષ્ટ્રપતિ શાસનને રોકી શકે છે તો રાજ્યપાલના આદેશને કેમ નથી રોકી શકતી ?

    03.17 AM: સુપ્રીમકોર્ટે કેસની મેરિટ પર સવાલ કરતા સિંઘવીને કહ્યું- તમારી પાસે ચિટ્ઠી નથી તો દલીલ કેવી રીતે સાંભળીએ

    03.15 AM: જસ્ટીસ સીકરીએ સિંઘવીને પુછ્યું- આ મામલે કેવી રીતે હસ્તક્ષેપ ? તમારી પાસે તો સરકાર બનાવવા માટે દાવો સાબિત કરવાની ચિટ્ઠી પણ નથી

    03.12 AM: સિંઘવી- શપથ ગ્રહણ કરાવવા માટે રાજ્યપાલ આટલા આતુર કેમ છે

    03.05 AMસિંઘવીએ દલીલ કરતા કહ્યું કે રાજ્યપાલના વિશેષ અધિકાર પણ ન્યાયના દાયરામાં આવે છે

    03.04 AM: સિંઘવી- દિલ્હીમાં AAPઅને કોંગ્રેસ અને જમ્મુમાં બીજેપી અને પીડીપીની સરકાર બની

    02.56 AM: વર્ષ 2018માં મેઘાલય અને ગોવામાં પણ આવું થયું હતું અને ઝારખંડમાં પણ પોસ્ટસ એલાયન્સ થયા હતા અને સરકાર બની હતી

    02.51 AM: અટર્ની જનરલ કેકે વેણગોપાલ પણ સુપ્રીમાં સુનાવણી દરમિયાન હાજર

    02.46 AM: જજ બોબડેએ સિંઘવીને કહ્યું કે તમારે કલમ 361 સમજવું જરૂરી છે. શું રાજ્યપાલને રોકી શકાય છે

    02.44 AM: જસ્ટીસ બોબડેએ પુછ્યું કે અમારી પાસે શું વિકલ્પ છે? શું હાલની સરકારને જ ચાલુ રાખવામાં આવે, કેમકે વગર સરકારે તો રાજ્ય કેવી રીતે ચલાવી શકાય

    02.41 AM: જસ્ટીસ સીકરી- અમારે એ પણ જોવું રહ્યું કે બીજેપી પોતાના દાવા અનુસાર બહુમતિ સાબિત કરી શકે છે કે નહીં

    02.39 AM: સિંઘવી- યેદિયુરપ્પાએ બહુમતી માટે 7 દિવસ માગ્યાં હતા પણ રાજ્યપાલે 15 દિવસ આપ્યા

    02.35 AM: સિંઘવી- એવું પહેલીવાર જોવા મળ્યું છે કે કોઈ પક્ષને બહુમતી સાબિત કરવા માટે 15 દિવસનો સમય આપવામાં આવ્યો છે

    02.34 AM: સિંઘવી- રાજ્યપાલ પાસે કોઈ વિકલ્પ નથી, સૌથી મોટો ગઠબંધન અથવા દળને બોલાવવા પડશે

    02.32 AM: સિંઘવી- ગોવામાં કોંગ્રેસની સૌથી મોટી પાર્ટી હતી. પરંતુ ચૂંટણી બાદ થયેલા ગઠબંધનથી બીજેપીને સરકાર બનાવવાનો તક મળી હતી

    02.25 AM: સિંઘવી કહ્યું- વર્ષ 2017માં ગોવામાં બીજેપીના સરકાર બનાવવાના નિર્ણયને સુપ્રીમ કોર્ટે સ્વીકાર્યો હતો

    02.18 AM: અભિષેક મનૂ સિંઘવી કહ્યું- જેડીએસને બહુમતીના પુરાવા સાથે સરકાર બનાવવાનો દાવો કરી દીધો છે

    02.17 AM: અભિષેક મનૂ સિંઘવીએ પૂછ્યું- બીજેપી બહુમત કેવી રીતે સાબિત કરશે?

    02.14 AM: અભિષેક મનૂ સિંઘવી કહ્યું- અમારી પાસે 117 સીટો છે. બીજેપી પાસે 104 MLA

    02.05 AM: મૂકૂલ રોહતગીએ કોર્ટમાં જતાં પહેલા કહ્યું કે રાજ્યપાલને વિજેતા સૌથી મોટી પક્ષને બોલાવવાનો અધિકાર છે. પાર્ટી બહુમત સાબિત નહી કરી શકે તો કોંગ્રેસ-જેડીએસને મોકો મળશે

    02.02 AM: મૂકૂલ રોહતગી બીજેપીનો પક્ષ રાખશે

    01.59 AM:મુકુલ રોહતગીએ કહ્યું કે કોંગ્રેસે આ મામલે ગોવા વિધાનસભાનું ઉદાહરણ નથી આપી શકતી. કોંગ્રેસે ત્યા સરકાર બનાવવાનો દાવો જ નહોતો કર્યો
    01.55 AM: સુપ્રીમ કોર્ટમાં કોંગ્રેસ અને જેડીએસની અરજી પર સુનાવણી ચાલું

    01.55 AM: સસંદની બહાર યુથ કોંગ્રેસ કાર્યકર્તાઓનું પ્રદર્શન

    01.47 AM:પૂર્વ સોલિસિટર જનરલ મુકુર રોહતગી પણ પહોંચ્યા સુપ્રીમ કોર્ટ

    01.45 AM: સુપ્રીમકોર્ટ પહોંચ્યા જજ અને વકીલ

    01.37 AM: બેંગલુરુના રિસોર્ટમાં કોંગ્રેસી વિધાયકોએ કહ્યું કે ‘માત્ર કર્ટસી મીટિંગ હતી, સાથે જમ્યા અને હવે ઘરે જઈ રહ્યા છીએ’

    01.32 AM: કોંગ્રેસના વકીલ અભિષેક મન સિંઘવી પહોંચ્યા સુપ્રીમ કોર્ટ

    01.28 AM: અભિષેક મન સિંઘવીએ ટ્વીટ કરીને કહ્યું- સુપ્રીમ કોર્ટ આ સુનાવણી મામલે લાયક સમજ્યા

    01.25 AM: સુપ્રીમકોર્ટના કોર્ટ નંહર 6માં થશે સુનાવણી

    01.20 AM: જસ્ટીસ અશોક ભુષણ, જસ્ટીસ કુમાર સીકરી અને જસ્ટીસ શરદ અરવિંદ બોબડે કરશે સુનાવણી

    01.13 AM: બંને પક્ષોને સુનાવણીની જગ્યા અને સમય બતાવવામાં આવ્યો

    01.13 AM: સુપ્રીમ કોર્ટના કોર્ટ નંબર 2માં થશે સુનાવણી

    01.12 AM: ત્રણ જજની બેંચ કરી શકે છે સુનાવણી

    01.08 AM: કોંગ્રેસ અને જીડીએસની યાચિકા પર 01.45 વાગ્યે સુપ્રીમકોર્ટમાં સુનાવણી

    12.35 AM: કોંગ્રેસ નેતા અભિષેક મન સિંઘવી મુખ્ય ન્યાયાધીશના આવાસ સ્થાને પહોંચ્યા

    12.30 AM: મુખ્ય ન્યાયાધીશ નહીં કરે સુનાવણી, અન્ય એક જજ અનિવાર્ય

    12.20 AM: સુપ્રીમ કોર્ટના રજીસ્ટ્રાર મુખ્ય ન્યાયધીશને આવાસસ્થાને પહોંચ્યા

    12.10 AM: જેડીએસ અને કોંગ્રેસના વકીલે કહ્યું કે બીજેપી પાસે 104 સીટ છે તો તે બહુમત કેવી રીતે સાબિત કરશે. BJP કોંગ્રેસના વિધાયકોને સાથે લાવવા બળજબરીપૂર્વક અથવા પૈસાથી ખરીદવાની કોશિશ કરશે.

    12.00 AM: આસિસ્ટન્ટ રજીસ્ટ્રાર CJIના આવાસ સ્થાને પહોંચ્યા.

    - સંસદની બહાર યુથ કૉંગ્રેસના સેંકડો કાર્યકરોએ એકઠાં થઈ 'ભાજપ તેરી દાદાગીરી નહિ ચલેગી'ના સૂત્રોચ્ચાર કર્યા.
    - દરમિયાન, બેંગાલૂરુમાં ઈગલટન રિસોર્ટમાં મોડી રાત્રે કૉંગ્રેસના નવનિર્વાચિત ધારાસભ્યોની બેઠક યોજાઈ. દોઢ કલાકની બેઠક પછી કેટલાંક ધારાસભ્યો ઘરે જવા રવાના. ઉલ્લેખનીય છે કે, આ એ જ ઈગલટન રિસોર્ટ છે, જ્યાં રાજ્યસભાની ચૂંટણી વખતે સર્જાયેલી કટોકટી દરમિયાન ગુજરાતના કૉંગ્રેસી ધારાસભ્યોને લઈ જવાયા હતા.

    - રાજ્યપાલે ભાજપને ફ્લોર પર બહુમતી પૂરવાર કરવા માટે 15 દિવસનો સમય આપ્યો છે. અા વિષયને લઇ કોંગ્રેસના નેતાઓએ ગવર્નર વિરૂદ્ધ અનેક ટિપ્પણીઓ કરી છે ઉપરાંત અશોક ગેહલોતતો એવું કહે છે કે PM અને શાહના દબાવમાં આવી રાજ્યપાલે નિર્ણય લીધો. કોંગ્રેસ અને જેડીએસ પાસે 117 ધારાસભ્યો સાથે બહુમતી હોવા છતા કેમ અમને સરકાર ન બનાવવા આમંત્રણ આપ્યું એ વિવાદ હવે વધુ વકરતો જાય છે.

    સુપ્રિમના ત્રણ જજની બેચ યેદિયુરપ્પાની શપથવિધિ પર રાત્રે 1.45 વાગે ફેંસલો કરશે

    વજૂભાઇએ ભાજપને સરકાર બનાવવા આમંત્રણ આપ્યાની વાતથી આ મુદ્દો સળગ્યો અને કોંગ્રેસ અને જેડીએસએ સુપ્રિમ કોર્ટ પાસે જવાની તૈયારી કરી હતી. અંતે નાટક આગળ ચાલ્યું ને તાત્કાલિક સુપ્રિમ કોર્ટ સુનાવણી કરે એ માટે કોંગ્રેસના પ્રતિનિધીઓ સુપ્રિમ કોર્ટના રજિસ્ટાર પાસે પહોંચી ગયા હતા. કૉંગ્રેસ વતી કપિલ સિબ્બલ, આર. આનંદ સહિતની ટીમ અત્યારે સર્વોચ્ચ અદાલતમાં અને જ.દ. (એસ)ના વકિલ રામૈયા પણ પહોંચ્યા.

    કૉંગ્રેસ-જદસેની દલીલ


    * સરકાર બનાવવાની તક આપવી ગેરબંધારણિય
    * 15 દિવસનો સમય ઘણો જ વધારે
    * ગોવા, મેઘાલયના ઉદાહરણો અદાલતના ધ્યાન પર મૂકાશે

    - સાંજે રાજાજી નગરના ભાજપના ધારાસભ્ય સુરેશ કુમાર અને કર્ણાટક ભાજપના ટવીટર હેન્ડલથી થયેલા ટવીટથી સત્તાસંઘર્ષ દિલચસ્પ બન્યો છે. કુમારે કહ્યું કે, `ગુરુવારે સવારે 9-30 વાગ્યે યેદિયુરપ્પા જ મુખ્યપ્રધાનના શપથ લેશે.' કર્ણાટક ભાજપે પણ એવો દાવો કર્યો. જોકે, આ દાવાની પુષ્ટિ રાજ્યપાલ તરફથી કરવામાં આવી નથી.

    બીજી બાજુ, જેડીએસ અને કોંગ્રેસે તેની વિરુદ્ધ સુપ્રીમ કોર્ટમાં જવાની ચેતવણી આપેલી છે. જેડીએસ અને કોંગ્રેસના મળીને 117 ધારાસભ્યો છે, જે સ્પષ્ટ બહુમતી જેટલા છે. કોંગ્રેસ થોડીવારમાં પ્રેસ કોન્ફરન્સ બોલાવે એવી શક્યતા છે. કોંગ્રેસે અગાઉ કહ્યું હતું કે તેમને જો સરકાર રચવાની પ્રથમ તક નહિ અપાય તો તેઓ સુપ્રીમ કોર્ટમાં જશે.

    દરમિયાન, બુધવારે ભાજપ અને જેડીએસે રાજ્યપાલ વજુભાઇ વાળાને મળીને રાજ્યમાં સરકાર બનાવવાના દાવા રજૂ કર્યા હતા. રાજ્યપાલને આપેલા દસ્તાવેજોમાં બંનેએ પોતાની પાસે બહુમતી માટે જરૂરી વિધાયકો હોવાનો દાવો કર્યો છે. રાજ્યપાલે બંને પક્ષોના પ્રસ્તાવ પર બંધારણીય રીતે વિચાર કરવાનો વાયદો કર્યો છે.

    આજે જેડીએસ ચીફ કુમારસ્વામી અને કોંગ્રેસના નેતા કર્ણાટકના રાજ્યપાલ વજુભાઈ વાળાને મળ્યા હતા. કુમારસ્વામીએ કહ્યું કે અમે રાજ્યપાલને સમર્થનનો પત્ર આપ્યો. રાજ્યપાલે અમને યોગ્ય નિર્ણયની ખાતરી આપી છે. કોંગ્રેસનું જેડીએસને સંપૂર્ણ સમર્થન છે. કુમારસ્વામીએ કહ્યું કે અમે 115 MLAનું લિસ્ટ રાજ્યપાલને આપ્યું છે.

    બીજેપી, કોંગ્રેસ અને જેડીએસ કરે છે જોડતોડની સરકાર બનાવવાનો પ્રયત્ન

    સરકાર બનાવવા વિશે બીજેપી, કોંગ્રેસ અને જેડીએસ સતત જોડ-તોડની સરકાર બનાવવાનો પ્રયત્ન કરી રહી છે. બીજેપી કહી રહી છે કે તેમના સંપર્કમાં જેડીએસ-કોંગ્રેસના ધારાસભ્યો છે. જ્યારે કોંગ્રેસ તેમના ધારાસભ્યોને એક રિસોર્ટમાં ટ્રાન્સફર કરે તેવી શક્યતા છે. બુધવારે બેંગલુરુમાં સતત દરેક પક્ષની તેમના ધારાસભ્યો સાથે બેઠક કરવામાં આવી હતી.

    - કોંગ્રેસ-જેડીએસના બધા ધારાસભ્યો રાજ ભવન પહોંચી ગયા છે. પરંતુ નિયમ પ્રમાણે માત્ર 10 ધારાસભ્યોને જ રાજભવનમાં એન્ટ્રી આપવામાં આવી છે.

    - અમે જેડીએસ-કોંગ્રેસના કોઈ પણ ધારાસભ્યને કોઈ જ રૂ. 100 કરોડની ઓફર નથી કરી

    - કોંગ્રેસ-JDSના નેતા ટૂંક સમયમાં રાજ્યપાલને મળશે

    - જેડીએસ ચીફ કુમારસ્વામીએ કહ્યું, કર્ણાટકમાં ક્યાંય મોદી લહેર નથી. ભાજપની અશ્વમેઘ યાત્રા ઉત્તરથી શરૂ થઈ હતી પરંતુ કર્ણાટકમાં અમે તેમના ઘોડા રોકી દીધા. આ જનાદેશ ભાજપની અશ્વમેઘ યાત્રા રોકવા માટે છે. ભૂલી જાઓ કે ઓપરેશન કમલ સફળ થશે.

    - કુમારસ્વામીએ એક પ્રેસ કોન્ફરન્સમાં કહ્યું કે, ભાજપ દરેક ધારાસભ્યને રૂ. 100-100 કરોડ ઓફર કરી રહ્યા છે. હવે ક્યાં ગયા તે ઈન્કમટેક્સ અધિકારીઓ અને ક્યાંથી આવ્યા આ બ્લેકમની.

    - કુમારસ્વામીને ધારાસભ્યદળની બેઠકના નેતા તરીકે પસંદ કરવામાં આવ્યા છે.
    - યેદિયુરપ્પાએ કહ્યું, પાર્ટીએ વિધાયક દળના નેતા તરીકે મને પસંદ કર્યો છે. મે રાજ્યપાલને પત્ર આપ્યો છે. તેમણે મને કહ્યું છે કે, તેઓ યોગ્ય નિર્ણય લેશે. મને આશા છે કે તેઓ મને બોલાવશે.

    - કોંગ્રેસના 78 ધારાસભ્યોમાંથી 66 સભ્યો જ બેઠકમાં હાજર રહ્યા.
    - કોંગ્રેસ ધારાસભ્યોની બેઠક શરૂ.
    - જેડીએસ ધારાસભ્યોની બેઠકમાં રાજા વેંકટપ્પા નયક્કા અને વેંકટ રાવ નડગૌડા ન રહ્યા હાજર.
    - યેદિયુરપ્પા રાજ્યપાલને મળ્યા અને સરકાર બનાવવાનો દાવો રજૂ કર્યો.
    - જેડીએસ ધારાસભ્યોની બેઠક શરૂ.
    - કેન્દ્રીય મંત્રી સદાનંદ ગૌડાએ કહ્યું, અમારા સૌથી વધારે ધારાસભ્ય છે. કોંગ્રેસ અને જેડીએસ કેવી રીતે સરકાર બનાવવાનું વિચારી શકે છે.
    - પ્રકાશ જાવડેકરે કહ્યું, લોકો બીજેપીને ઈચ્છે છે અને અમે જ સરકાર બનાવીશું.

    બેઠકમાં જેડીએસના 2 અને કોંગ્રેસના 12 ધારાસભ્યો ગેરહાજર

    બુધવારે જેડીએસ અને કોંગ્રેસે તેમના ધારાસભ્યો સાથે બેઠક કરી છે. આ બેઠકમાં જેડીએસના બે ધારાસભ્યો રાજા વેંકટપ્પા નાયકા અને વેંકટ રાવ નાદગૌડા મીટીંગમાં ગેરહાજર હોવાના અહેવાલ છે. જ્યારે કોંગ્રેસ ધારાસભ્યોની બેઠકમાં 78માંથી 66 ધારાસભ્યો જ હાજર રહ્યા છે. આ દરમિયાન રાજ્યપાલને મળ્યા પછી બીજેપી સીએમ ઉમેદવાર યેદિયુરપ્પાએ આવતી કાલે શપથ લેવાનો દાવો કર્યો છે.

    કોંગ્રેસ ધારાસભ્યએ કહ્યું- મને ઓફર મળી


    - કોંગ્રેસ ધારાસભ્ય અમેર ગૌડા લિંગાનાગૌડા પાટિલ બાય્યાપુરે એજન્સીને જણાવ્યું છે કે, તેમને ભાજપના નેતાનો ફોન આવ્યો હતો. તેમણે કહ્યું હતું કે, અમારી સાથે આવી જાઓ અમે તેમને મંત્રાલય આપીશું. અમે તમને મંત્રી બનાવી દઈશું. પરંતુ મે ના પાડી દીધી. અમારા મુખ્યમંત્રી એચડી કુમારસ્વામી છે.

    - કોંગ્રેસ નેતા ડી શિવકુમારે કહ્યું કે, ભાજપ અમારા નેતાઓના સંપર્કમાં છે. તે અમને ખબર છે. બધા ઉપર ખૂબ વધારે પ્રેશર છે. પરંતુ તે સરળ નથી. કારણકે બંને પાર્ટીઓને ઘણાં સારા મત મળ્યા છે. બધા આ બધુ જોઈ રહ્યા છે.
    - પૂર્વ મુખ્યમંત્રી સિદ્ધારમૈયાએ કહ્યું છે કે, દરેક કોંગ્રેસ એમએલએ અમારી પાસે છે. કોઈ બહાર નથી. અમે સરકારી બનાવીશું.
    - ગુલામ નબી આઝાદે બુધવારે કહ્યું છે કે, ભાજપ પાસે 104 ધારાસભ્યો છે. કોંગ્રેસ અને જેડીએ પાસે 117 છે. હવે રાજ્યપાલે સાચો નિર્ણય લેવાનો છે.

    જેડીએસએ કહ્યું- અમારા દરેક નેતા વિશ્વસનીય છે


    જેડીએસ નેતા સરવાનાએ કહ્યું છે કે, અમને નથી ખબર કે તેઓ શું ઓફર કરી રહ્યા છે. પરંતુ તે અમારા લોકોનો સંપર્ક કરવાનો પ્રયત્ન કરી રહ્યા છે. અમે બધા એક સાથે છીએ. અમારી પાર્ટીને કોઈ અડી શકે તેમ પણ નથી. અમારા દરેક એમએલએ વિશ્વસનીય છે.

    ભાજપે સરકાર બનાવવાના પ્રયત્નો શરૂ કર્યા


    કર્ણાટકમાં કોઈ પણ પક્ષને બહુમતી મળી નથી ત્યારે હવે અહીં બીજેપીએ સરકાર બનાવવાના પ્રયત્નો શરૂ કર્યા છે. સૂત્રોના જણાવ્યા પ્રમાણે ભાજપના સીએમ પદના ઉમેદવાર યેદિયુરપ્પાએ ફરીએ ઓપરેશન લોટ્સ શરૂ કર્યું છે. હાવ યેદિયુરપ્પા કોંગ્રેસના ચાર અને જેડીએસના છ ધારાસભ્યોના સંપર્કમાં છે. તેમણે આ દરેક લોકોને મંત્રી પદ ઓફર કરીને તોડવાનો પ્રયત્ન કર્યો છે. ભાજપે તેમને વિકલ્પ આપ્યો છે કે, બહુમત પરિક્ષણ વખતે તેઓ ભાજપને વોટ આપે અથવા ગેરહાજર રહે.

    યેદિયુરપ્પાએ શપથ માટે 17 મેનું મુહૂર્ત કઢાવ્યું


    સૂત્રોના જણાવ્યા પ્રમાણે ભાજપે કોંગ્રેસ અને જેડીએસના અમુક ધારાસભ્યોને ઓફર કરી છે. પાર્ટી તેમને દરેક સ્થિતિમાં સપોર્ટ કરવા માટે તૈયાર છે. જો આ ધારાસભ્યો ભાજપને વોટ આપે અથવા ફ્લોર ટેસ્ટ દરમિયાન ગેરહાજર રહે તો બંને રીતે સરકાર બનવાના ગણીતમાં મોટો ફેર પડી શકે છે. આ સંજોગોમાં ભાજપે તેમને ટીકિટ આપીને પેટા ચૂંટણી લડવા માટેનો વિકલ્પ આપ્યો છે. તેઓ ન ઈચ્છે તો તેઓ તેમના સંબંધીઓને પણ આ સીટ પર ચૂંટણી લડવા માટે ઓપ્શન આપી શકે છે. જો કોઈ ધારાસભ્ય પેટા ચૂંટણી ન લડવા ઈચ્છતા હોય તો તેમને વિધાન પરિષદમાં એડ્જસ્ટ કરવામાં આવશે.

    આજે ત્રણેય પક્ષની તેમના ધારાસભ્યો સાથે બેઠક

    બીજેપીના મુખ્યમંત્રી પદથી ઉમેદવાર બીએસ યેદિયુરપ્પાની આગેવાનીમાં 11 વાગે પાર્ટીના ધારાસભ્યોની બેઠક થવાની છે. બેઠકમાં દરેક 104 ધારાસભ્યો હાજર રહેશે તેવી શક્યતા છે. પાર્ટીના સ્ટેટ હેડક્વાર્ટરમાં થનારી આ બેઠકમાં કેન્દ્રીય પ્રતિનિધિઓ પણ હાજર રહેશે.

    બીજી બાજુ કોંગ્રેસના અગ્રણી નેતાઓની પણ કર્ણાટક પ્રદેશ કોંગ્રેસ કમિટીની ઓફિસમાં 78 ધારાસભ્યો સાથે બેઠક થવાની છે. આ બેઠકમાં સિદ્ધારમૈયા અને કોંગ્રેસનું કેન્દ્રીય પ્રતિનિધિમંડળ પણ સામેલ થશે.

    સૌની નજર રાજ્યપાલ ઉપર

    જોકે આ બધા વચ્ચે સૌની નજર રાજ્યપાલ ઉપર ટકેલી છે કે તેઓ સરકાર બનાવવા માટે કોને આમંત્રણ આપે છે. રાજ્યપાલ પાસે હજુ પણ બે વિકલ્પ છે. પહેલો એ કે બીજેપી સૌથી મોટી પાર્ટી છે. તેમને બોલાવે અને બહુમત સાબીત કરવા કહે અથવા જેડીએસ અને કોંગ્રેસને ગઠબંધનની સરકાર બનાવવા માટે આમંત્રણ આપે. કારણકે તેમને વધારે મત મળ્યા છે. નિષ્ણાતોના જણાવ્યા પ્રમાણે હવે સંપૂર્ણ રીતે રાજ્યપાલ ઉપર આધાર છે કે, તેઓ પહેલા સરકાર બનાવવાનો મોકો કોને આપે છે.

    આગળની સ્લાઈડમાં જુઓ અન્ય તસવીરો

  • કર્ણાટકમાં આજે કોની બનશે સરકાર?| Karnataka Government Formation today
    +12બીજી સ્લાઈડ્સ જુઓ
  • કર્ણાટકમાં આજે કોની બનશે સરકાર?| Karnataka Government Formation today
    +11બીજી સ્લાઈડ્સ જુઓ
    કુમારસ્વામીએ મીડિયાને જણાવ્યું કે અમે રાજ્યપાલને 115 MLAનું લિસ્ટ આપ્યું છે.
  • કર્ણાટકમાં આજે કોની બનશે સરકાર?| Karnataka Government Formation today
    +10બીજી સ્લાઈડ્સ જુઓ
    કુમારસ્વામી ગર્વનરને મળવા પહોંચ્યા રાજભવન
  • કર્ણાટકમાં આજે કોની બનશે સરકાર?| Karnataka Government Formation today
    +9બીજી સ્લાઈડ્સ જુઓ
    કોંગ્રેસ-જેડીએસના ધારાસભ્યો રાજભવન જવા રવાના
  • કર્ણાટકમાં આજે કોની બનશે સરકાર?| Karnataka Government Formation today
    +8બીજી સ્લાઈડ્સ જુઓ
    કુમારસ્વામીએ બીજેપી પર લગાવ્યા આરોપ
  • કર્ણાટકમાં આજે કોની બનશે સરકાર?| Karnataka Government Formation today
    +7બીજી સ્લાઈડ્સ જુઓ
    જેડીએસ અને કોંગ્રેસ એમએલએ કુમારસ્વામીને સમર્થન આપવા સહી કરીને ખાતરી આપી છે.
  • કર્ણાટકમાં આજે કોની બનશે સરકાર?| Karnataka Government Formation today
    +6બીજી સ્લાઈડ્સ જુઓ
    જેડીએસ અને કોંગ્રેસ એમએલએ કુમારસ્વામીને સમર્થન આપવા સહી કરીને ખાતરી આપી છે.
  • કર્ણાટકમાં આજે કોની બનશે સરકાર?| Karnataka Government Formation today
    +5બીજી સ્લાઈડ્સ જુઓ
  • કર્ણાટકમાં આજે કોની બનશે સરકાર?| Karnataka Government Formation today
    +4બીજી સ્લાઈડ્સ જુઓ
    પ્રકાશ જાવડેકરની તેમના ધારાસભ્યો સાથે બેઠક
  • કર્ણાટકમાં આજે કોની બનશે સરકાર?| Karnataka Government Formation today
    +3બીજી સ્લાઈડ્સ જુઓ
    જેડીએસની બેઠક દરમિયાનની તસવીર
  • કર્ણાટકમાં આજે કોની બનશે સરકાર?| Karnataka Government Formation today
    +2બીજી સ્લાઈડ્સ જુઓ
    જેડીએસની વચ્ચે શરૂ થઈ ચર્ચા વિચારણા
  • કર્ણાટકમાં આજે કોની બનશે સરકાર?| Karnataka Government Formation today
    +1બીજી સ્લાઈડ્સ જુઓ
    યેદિયુરપ્પા મંગળવારે રાજ્યપાલને મળ્યા
  • કર્ણાટકમાં આજે કોની બનશે સરકાર?| Karnataka Government Formation today
    જેડીએસ નેતા એચડી કુમારસ્વામી અને સિદ્ધારમૈયાએ મંગળવારે રાજ્યપાલ સાથે મુલાકાત કરી હતી
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending