Home » National News » Latest News » National » Karnataka Elections- the monastery and temple politics will decide, Win- Loose

કર્ણાટક ચૂંટણીમાં મઠ અને મંદિરનું રાજકારણ, નિશ્ચિત કરશે જય-પરાજય

Divyabhaskar.com | Updated - Apr 04, 2018, 02:57 AM

અમિત શાહ અને રાહુલ ચૂંટણી પ્રવાસે કર્ણાટકમાં, શાહ મંદિર પહોંચ્યા

  • Karnataka Elections- the monastery and temple politics will decide, Win- Loose
    +1બીજી સ્લાઈડ્સ જુઓ
    દાવણાગોરેમાં રોડ શો દરમિયાન રાહુલ ગાંધી લોકોને મળ્યા

    બેંગ્લુરુ: ભાજપ અધ્યક્ષ અમિત શાહ અને કોંગ્રેસ અધ્યક્ષ રાહુલ ગાંધી મંગળવારે કર્ણાટકના ચૂંટણી પ્રવાસે પહોંચ્યા. રાહુલનો આ બે મહિનામાં પાંચમો પ્રવાસ છે. તેમણે ચૂંટણી અભિયાનની શરૂઆત શિમોગાથી કરી. તેને યેદિયુરપ્પાનો ગઢ માનવામાં આવે છે. રાહુલે અહીં રેલી સંબોધતા કહ્યું કે વડાપ્રધાન મોદી યેદિયુરપ્પા જેવા ભ્રષ્ટાચારીઓને પ્રોત્સાહન આપી રહ્યા છે. મોદીજી વિચારે છે કે આ દેશને આગળ વધારવાની રીત નફરત, ગુસ્સો, લડાઈ છે. પરંતુ આ દેશ નફરત સાથે ક્યારેય આગળ વધી શકે નહીં. રોહિત વેમુલાની હત્યા થાય છે, ગુજરાતમાં દલિતોને મારવામાં આવે છે, એસટી-એસસી એક્ટ રદ કરી દેવાય છે, પરંતુ મોદીજી એક શબ્દ નથી બોલતા. રાહુલ બુધવારે તુમકુરુ જિલ્લામાં સિદ્ધગંગા મઠ જશે. બીજી બાજુ ભાજપ અધ્યક્ષ અમિત શાહ રાજ્યમાં કાગીનેલેમાં ઓબીસી કન્વેન્શનમાં જોડાયા હતા.

    34 વર્ષથી રાજ્યના રાજકારણમાં મઠોની દખલ

    કર્ણાટક વિધાનસભા ચૂંટણી પહેલાં મંદિર અને મઠોમાં નેતાઓની ભીડ લાગેલી છે. રાજ્યમાં 30 જિલ્લામાં 600 જેટલા મઠ છે. રાજ્યમાં લિંગાયત સમાજના 400 મઠ, વોકાલિંગા સમાજના 150 મઠ અને કુરબા સમાજના 80થી વધુ મઠ છે. આ ત્રણ સમાજના રાજ્યમાં અંદાજે 38 ટકા વોટર છે અને તે કોઈ પણ પક્ષની સરકાર બનાવવામાં મહત્વની ભૂમિકા ભજવે છે. તેથી ચૂંટણી પહેલાં ભાજપ અને કોંગ્રેસ તેમને ખુશ કરવાના પ્રયાસ કરી રહ્યા છે. રાહુલ ગાંધી અત્યાર સુધી 15 વખત અને અમિત શાહ 5થી વધુ વખત મંદિર અને મઠ જઈ ચૂક્યા છે. કર્ણાટકના રાજકારણમાં મઠોનો દબદબો 1983થી વધ્યો છે.

    - કર્ણાટકમાં મઠોનું વર્ચસ્વ 80ના દાયકામાં શરૂ થયું. જ્યારે મઠોએ આધુનિક રીતો અપનાવવાની સાથે સામાજિક અને શૈક્ષણિક કામ શરૂ કર્યા

    - 1983માં પહેલી વખત લિંગાયત મઠોએ જનતાદળના રામકૃષ્ણ હેગડેનું સમર્થન કર્યું. જોકે
    - જનતા દળ સ્થાયી સરકાર આપવામાં નિષ્ફળ રહી.
    - 1987માં લિંગાયત મઠોએ કોંગ્રેસના વીરેન્દ્ર પાટીલને સપોર્ટ કર્યો, પરંતુ વીરેન્દ્રને રાજીવ
    - ગાંધીએ એરપોર્ટ પર જ સીએમ પદેથી હટાવી દીધા.
    - 2008માં લિંગાયત મઠોએ ભાજપના યેદિયુરપ્પાને સપોર્ટ કર્યો. તેમના સીએમ પદથી હટ્યા બાદ 2013ની ચૂંટણી ભાજપ હારી ગયો.
    - કુરબા મઠોએ 2013ની વિધાનસભા ચૂંટણીમાં તેમના સમાજના સિદ્ધરામૈયાને સમર્થન આપ્યું હતું.
    આગળ વાંચો: 3 સમાજના 600 મઠ અને 38 ટકા મતદારો નિશ્ચિત કરશે જય-પરાજય
  • Karnataka Elections- the monastery and temple politics will decide, Win- Loose
    34 વર્ષથી રાજ્યના રાજકારણમાં મઠોની દખલ- ફાઈલ
    લિંગાયત -18%
     
    કર્ણાટકમાં 17થી 18 ટકા વસતી લિંગાયત સમુદાયની છે. તેનો 100 વિધાનસભા બેઠકો પર પ્રભાવ છે. 224માંથી 52 ધારાસભ્ય આ જ સમુદાયના છે. તેને ભાજપની વોટબેન્ક મનાય છે. આ વખતે સિદ્ધારમૈયાએ લિંગાયતોને લઘુમતી ધર્મનો દરજ્જો આપવાનો પ્રસ્તાવ પાસ કરતા ભાજપ માટે પડકાર છે.
     
    વોકાલિગા-12%

    રાજ્યમાં વોકાલિગાની વસતી 12 ટકા છે. તેનો 80 વિધાનસભા બેઠકો પર પ્રભાવ છે. માજી સીએમ એચ.ડી. દેવગૌવડા આ જ સમુદાયના હતા. તેમના પક્ષ જેડીએસનો તેના પર બહુ પ્રભાવ છે. આ જ સમુદાયથી રાજ્યમાં 6 મુખ્યમંત્રી થયા છે. અમિત શાહ, વોકાલિગાના ચુનચુનગિરિ મઠ જઇ આવ્યા છે.
     
    કુરબા-8%

    ત્રીજો પ્રમુખ મઠ કુરબા સમુદાયનો છે. રાજ્યમાં કુરબા વસતી 8 ટકા છે. તેનો મુખ્ય મઠ શ્રીગૈરે, દાવણગેરેમાં છે. સીએમ સિદ્ધારમૈયા આ જ સમુદાયના છે. તેમની વોટબેન્ક  અહિંદા ( લઘુમતી, પછાત વર્ગ, દલિત)ને તોડવાની કવાયતમાં અમિત શાહ ચિત્રદુર્ગમાં દલિત મઠ શરના મધરા ગુરુ પીઠ ગયા હતા.
     
    કર્ણાટકમાં 85 % હિન્દુ અને 13%   મુસ્લિમ મતદારો છે
     
    કર્ણાટકમાં 13 ટકા મુસ્લિમ અને 85 ટકા હિન્દુ મતદારો છે. રાજ્યમાં 224માંથી આશરે 200 બેઠકો પર હિન્દુ વોટર નિર્ણાયક ભૂમિકામાં છે. રાહુલ ગાંધી અત્યાર સુધી રાજ્યમાં 15 વખત મંદિર અને મઠ, ત્રણ વખત દરગાહ અને એક વખત ચર્ચમાં જઇ ચૂક્યા છે. અમિત શાહ પણ લિંગાયતોના સૌથી મોટા મઠ સિદ્ધગંગા પહોંચ્યા હતા.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ