Divya Bhaskar

Home » National News » Latest News » National » આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government

કર્ણાટકમાં સરકાર રચવા બે દાવેદારઃ વજૂભાઇ કોને મોકો આપશે જોવું રહ્યું?

Divyabhaskar.com | Updated - May 16, 2018, 02:44 AM

કર્ણાટકમાં ભાજપ હવે એડીચોટીનું ઝોર લગાવશે તો જ સરકાર બનાવશે

  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +10બીજી સ્લાઈડ્સ જુઓ
    કોંગ્રેસ-JDSના નેતાઓ રાજ્યપાલને મળવા પહોંચ્યા

    બેંગાલૂરુઃ કર્ણાટક વિધાનસભા ચૂંટણીના બદલાઈ રહેલા વલણોની વચ્ચે કોંગ્રેસ હજુ હિંમત હારી નથી. અત્યારે કોંગ્રેસ શરૂઆતના વલણોમાં બીજેપી પછીની બીજા નંબરની મોટી પાર્ટી બનતી જોવા મળી રહી છે. બીજેપી બહુમતથી થોડેક જ પાછળ છે અને કોંગ્રેસ કર્ણાટકમાં ઓછામાં ઓછી એકવાર સરકાર બનાવવાનો પ્રયત્ન કરવા માંગે છે. પરિણામે કોંગ્રેસ બહારથી જેડીએસને સમર્થન આપશે. કર્ણાટકમાં હાજર કોંગ્રેસના સિનિયર નેતા ગુલામનબી આઝાદે પત્રકારોને જણાવ્યું કે તેમની દેવેગોડા અને તેમના દીકરા કુમારસ્વામી બંને સાથે ફોન પર વાત થઇ છે. તેમણે જણાવ્યું કે જેડીએસે આ પ્રસ્તાવનો સ્વીકાર કર્યો છે.

    મોદીએ કર્ણાટકની જનતા અને કાર્યકર્તાઓને ધન્યવાદ આપ્યા


    - વડાપ્રધાન નરેન્દ્ર મોદીએ કહ્યું કે હું કર્ણાટકના ભાઇ-બહેનોને સમર્થન આપવા બદલ ધન્યવાદ આપું છું. કર્ણાટકની જનતાએ વિકાસના એજન્ડાને સમર્થન આપ્યું. તેના કારણે ભાજપ રાજ્યમાં સૌથી મોટી પાર્ટી તરીકે ઊભી. હું એવા કાર્યકરોને પણ ધન્યવાદ આપું છે કે જેમણે રાત-દિવસ મહેનત કરી અને પાર્ટીનું કામ કર્યું.

    કર્ણાટક ચૂંટણી પરિણામ UPDATES

    - ભાજપની સંસદીય દળની બેઠક નવી દિલ્હી ખાતે મળશે

    - JDSએ પોતાના ધારાસભ્યોની બેઠક બોલાવી

    - JDS અને કોંગ્રેસ પાસે સરકાર રચવા પૂરતું સંખ્યાબળ છે. ભાજપ કોઈકાળે સરકાર નહીં બનાવી શકે- વિરપ્પા મોઈલ, કોંગ્રેસ નેતા

    - એચ.ડી.કુમારસ્વામી, સિદ્ધારમૈયા, ગુલામનબી આઝાદ અને મલ્લિકાર્જુન ખડગે રાજભવન પહોંચ્યા હતા.

    - યેદિયુરપ્પાની મુલાકાત બાદ કુમારસ્વામી રાજ્યપાલને મળવા પહોંચ્યા.

    - યેદિયુરપ્પાના કર્ણાટકના ગર્વનર વજુભાઈ વાળાને મળ્યાં.

    - રાજ્યપાલ સાથે મુલાકાત બાદ યેદિયુરપ્પાએ કહ્યું ગર્વનરે અમને બહુમત સાબિત કરવાનો એક સપ્તાહનો સમય આપ્યો છે.

    - અમે સરકાર બનાવીશું અને વિધાનસભા ગૃહમાં બહુમત સાબિત કરીશું- યેદિયુરપ્પા

    - અમે શીર્ષ નેતૃત્વની સલાહ બાદ ભવિષ્યની રણનીતિ નક્કિ કરીશુ- યેદિયુરપ્પા

    - ભાજપના મુખ્યમંત્રી પદના ઉમેદવાર યેદિયુરપ્પાએ સરકાર બનાવવા માટે JDSને સમર્થન આપવાના કોંગ્રેસના પ્રસ્તાવ પર ટીપ્પણી કરવાનો ઈન્કાર કર્યો.

    - કર્ણાટકના મુખ્યમંત્રી સિદ્ધારમૈયાએ રાજ્યપાલ વજુભાઈ વાળાને પોતાનું રાજીનામું આપ્યું
    - JDSના એચ.ડી.કુમારસ્વામીએ કર્ણાટકના ગર્વનરને મળવાનો સમય માંગ્યો. લખ્યું અમે કોંગ્રેસનું સમર્થન સ્વીકાર્યુ છે.

    - કોંગ્રેસના નેતા શિવકુમારે દાવો કર્યો કે બે અપક્ષ ઉમેદવારે કોંગ્રેસને સમર્થન આપ્યું છે. અમારી પાસે પૂરતું સંખ્યાબળ છે.

    - 3 ભાજપના નેતા દિલ્હીથી કર્ણાટક માટે રવાના. યેદિયુરપ્પા દિલ્હી નહીં જાય.

    જેડીએસ ચલાવશે સરકાર- આઝાદ

    - ગુલામ નબી આઝાદે કહ્યું કે જેડીએસ સરકાર ચલાવશે. તેમણે આગળ કહ્યું કે સાંજે ગવર્નર સાથે મળીને સરકાર બનાવવાનો દાવો રજૂ કરવામાં આવશે. ગવર્નરને કહેવામાં આવશે કે અમારી પાસે બીજેપી કરતા વધુ સીટ્સ છે.

    સોનિયા ગાંધીએ કરેલો આઝાદને ફોન

    - આ પહેલા મંગળવારે બપોરે યુપીએની ચેરપર્સન સોનિયા ગાંધીએ કર્ણાટકમાં હાજર કોંગ્રેસના વરિષ્ઠ નેતા ગુલામ નબી આઝાદને ફોન કરીને કહ્યું કે તે જેડીએસ પ્રમુખ એચડી દેવેગોડા સાથે વાત કરે.

    - સોનિયા ગાંધીએ ગુલામ નબી આઝાદને કહ્યું છે કે તે તાત્કાલિક સિદ્ધારમૈયા સાથે વાત કરે. કોંગ્રસ તરફથી દેવેગોડાના દીકરા કુમારસ્વામીને સીએમ બનાવવાનો પ્રસ્તાવ આપી શકાય છે.
    - કોંગ્રેસ અને જેડીએસ મળીને સરકાર બનાવી શકે એમ છે, પરંતુ બીજેપી સૌથી મોટી પાર્ટી બનીને સામે આવે છે તો સરકાર બનાવવા અને બહુમત સાબિત કરવાનું પહેલું આમંત્રણ તેમને જ મળી શકે છે.

    બીજેપી સૌથી મોટી પાર્ટી

    કર્ણાટક વિધાનસભાની 222 સીટો પર ચાલી રહેલી મતગણતરીના શરૂઆતના વલણમાં ભાજપ બહુમત નજીક જોવા મળી રહી છે. પહેલાં અડધા કલાકમાં કોંગ્રેસે બઢત બનાવી રાખી હતી. ભાજપ માટે આ ચૂંટણી દક્ષિણમાં ફરી એકવખત પોતાની નવી શરૂઆત માટે મહત્વની છે તો કોંગ્રેસ માટે આ અસ્તિત્વની લડાઈ છે. કર્ણાટક છોડીને કોંગ્રેસની સરકાર પંજાબ, મિઝોરમ અને પુડ્ડુચેરીમાં જ બચી છે.

    છેલ્લી ચૂંટણીની જેમ , વોટની ટકાવારી વધવાથી બદલાઈ ગઈ સરકાર


    - કર્ણાટકમાં 12 મેના રોજ 224 સીટોમાંથી 222 પરે એક ફેઝમાં ચૂંટણી યોજાઈ હતી. રાજ્યની રચનાના 46 વર્ષ બાદ આ વખતે સૌથી વુધ 72.13% વોટિંગ થયું. 2008 (65.1%)ની સામે 2013 (71.45%)માં લગભગ 6% વોટિંગ વધુ થયું હતું. ત્યારે સરકાર બદલાઈ ગઈ હતી અને બીજેપીએ પહેલીવાર રાજ્યમાં પૂર્ણ બહુમતની સાથે સરકાર બનાવી હતી. આ વખતે પણ એવું જ થયું. કોંગ્રેસ સત્તાથી બહાર થઈ ગઈ.

    કોંગ્રેસનો વોટ શેર વધ્યો પરંતુ સીટો અડધી થઈ ગઈ


    - બીજેપી અને કોંગ્રેસ બંનેના વોટ શેરમાં વધારો થયો.
    - કોંગ્રેસના વોટ શેરમાં 1.3% વધારો થયો છતાં સીટો 122થી અડધી થઈ ગઈ.

    આ 3 કારણોથી બીજેપીએ કર્ણાટકમાં કરી વાપસી

    1) આ વખતે યેદિયુરપ્પાની વાપસી થઈ, ગઈ વખતની જેમ વોટ કપાયા નહીં
    - કર્ણાટકમાં બીજેપીએ જ્યારે પહેલીવાર પોતાના બળે સરકાર બનાવી હતી તો 2008માં કમાન યેદિયુરપ્પાને સોંપી હતી. પરંતુ બાદમાં માઇનિંગ ગોટાળામાં આરોપ લાગવાના કારણે યેદિયુરપ્પાને મુખ્યમંત્રી પદ છોડવું પડ્યું. બાદમાં પાર્ટીથી નારાજ થઈને યેદિયુરપ્પાએ બીજી પાર્ટી કર્ણાટક જનતા પક્ષ બનાવી લીધો અને 2013ની ચૂંટણી સ્વતંત્ર રીતે લડ્યા.
    - 2013ની ચૂંટણીમાં બીજેપીના હાથમાંથી સત્તા છીનવાઈ ગઈ. યેદિયુરપ્પાની પાર્ટીને 6 સીટો મળી પરંતુ 9.8% વોટ મળ્યા. માનવામાં આવ્યું કે આ 9.8% વોટ શેરે બીજેપીનો રસ્તો રોકી દીધો. આ વખતે એવું નહોતું. પાર્ટીમાં વાપસી કરી ચૂકેલા યેદિયુરપ્પા જ રાજ્યમાં પાર્ટીનો ચહેરો અને સીએમ પદના ઉમેદવાર હતા. તેના કારણે અગાઉની ચૂંટણીની જેમ બીજેપીના વોટ કપાયા નહીં.

    2) સિદ્ધારમૈયાનું લિંગાયત કાર્ડ ઉલટું પડ્યું, કોંગ્રેસને નુકસાન થયું


    - સિદ્ધારમૈયા ચૂંટણીની તારીખોનું એલાન થયા પહેલા જ રાજ્યમાં લિંગાયત કાર્ડ રમ્યા. આ સમુદાયને ધાર્મિક અલ્પસંખ્યકનો દરજ્જો આપવા વિધાનસભામાં પ્રસ્તાવ પસાર કરીને કેન્દ્રની મંજૂરી માટે મોકલી આપ્યો. માનવામાં આવી રહ્યું છે કે સિદ્ધારમૈયાનો આ દાવ ઉલટો પડ્યો. રાજ્યમાં લિંગાયતની વસતી 17%થી ઘટીને 9% માનવામાં આવી. માનવામાં આવ્યું કે વસતીને ઓછી આંકવાથી આ જૂત કોંગ્રેસથી નારાજ થઈ ગયું. આ પગલાથી વોક્કાલિંગા સમુદાય અને લિંગાયતોના વીરાશૈવમાં પણ નારાજગી હતી.

    3) મોદીએ 21 રેલીઓ દ્વારા 115 સીટોને કવર કરી


    - મોદીએ આ ચૂંટણીમાં 21 રેલીઓ કરી. કર્ણાટકમાં કોઈ વડાપ્રધાનની આ સૌથી વધુ રેલીઓ હતી. બે વાર નમો એપથી લાઇવ ચર્ચા કરી. રાજ્યમાં લગભગ 29 હજાર કિલોમીટરનો પ્રવાસ કર્યો. આ દરમિયાન મોદી એક પણ ધાર્મિક સ્થળ પર ન ગયા.
    - મોદીએ 20 કરોડ વસતી અને 403 સીટોવાળા ઉત્તર પ્રદેશમાં 24 રેલીઓ કરી હતી. કર્ણાટકની વસતી 6.4 કરોડ અને 224 સીટો છે. મોદીએ સૌથી વધુ 34 રેલીઓ ગુજરાતમાં અને 31 બિહાર ચૂંટણીમાં કરી હતી.

    આ ચૂંટણી કેમ મહત્વપર્ણ હતી? 5 કારણો જાણવા આગળની સ્લાઇડ્સ ક્લિક કરો

  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +9બીજી સ્લાઈડ્સ જુઓ
    વજુભાઈ વાળાને મળ્યા બાદ યેદિયુરપ્પાએ જણાવ્યું કે, ગવર્નરે અમને બહુમત સાબિત કરવા એક સપ્તાહનો સમય આપ્યો છે.
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +8બીજી સ્લાઈડ્સ જુઓ
    100 ટકા સરકાર અમે જ બનાવીશુંઃ યેદુરપ્પા
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +7બીજી સ્લાઈડ્સ જુઓ
    કોંગ્રેસે જનતા દળ સેક્યુલરને બહારથી સમર્થન આપવાની દરખાસ્ત મૂકી છે. બંને પક્ષના નેતાઓ સાથે રાજ્યપાલને રજૂઆત કરવા જશે. (ફાઇલ)
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +6બીજી સ્લાઈડ્સ જુઓ

    આ ચૂંટણી કેમ મહત્વપર્ણ હતી? 5 કારણો

     

    1) નરેન્દ્ર મોદીઃ કોઈ વડાપ્રધાને પહેલીવાર કર્ણાટકમાં લગભગ 215 સીટોને કવર કરવામાટે 21 રેલીઓ કરી. બીજેપીની 20 રાજ્યોમાં સરકાર છે. તેમાંથી 2014માં વડાપ્રધાન બન્યા બાદ મોદીના નેતૃત્વમાં બીજેપીએ 14 રાજ્યોમાં ચૂંટણી જીતી.
    2) રાહુલ ગાંધીઃ ડિસેમ્બર 2017માં કોંગ્રેસ અધ્યક્ષ બન્યા. ત્રિપુરા, મેઘાલય અને નાગાલેન્ડ ચૂંટણી બાદ બીજી વાર આ ભૂમિકામાં. હજુ પંજાબ, મિઝોરમ અને પુડ્ડુચેરીમાં સરકાર છે. 2014 લોકસભા ચૂંટણીમાં કોંગ્રેસે કર્ણાટકમાં સૌથી વધુ 9 સીટો જીતી હતી. ત્યારે તેઓ કુલ 44 સીટો જીતી શક્યા હતા. હવે તે વધીને 48 થઈ ગઈ છે. 
    3) સિદ્ધારમૈયાઃ 40 વર્ષમાં 5 વર્ષ કાર્યકાળ પૂરો કરનારા રાજ્યના બીજા મુખ્યમંત્રી છે. આ પહેલા ડી દેવરાજ ઉર્સ (1972થી 1977)એ પોતાનો 5 વર્ષનો કાર્યકાળ પૂરો કર્યો હતો. કર્ણાટક રાજ્ય 1968માં અસ્તિત્વમાં આવ્યું હતું. તે પહેલા મૈસૂર સ્ટેટમાં એસ નિજલિંગપ્પા (1962-1968)એ 5 વર્ષનો કાર્યકાળ પૂરો કર્યો હતો.
    4) યેદુયુરપ્પાઃ ગઈ ચૂંટણીમાં યેદિયુરપ્પાએ બીજેપીથી અલગ થઈને નવી પાર્ટી બનાવી હતી. પરિણામે પાર્ટીને સત્તા ગુમાવી પડી હતી. હવે તેમની જ આગેવાનીમાં વાપસીની આશા છે. તે એટલા માટે કે 2014 લોકસભામાં તેમની વાપસી બાદ પાર્ટીને 17 સીટો મળી હતી. 
    5) એચડી કુમારસ્વામીઃ જેડીએસના ચીફ કુમારસ્વામી સરકાર બનાવવાનો દાવો કરી રહ્યા છે. બસપાએ 1996 બાદ પહેલીવાર ચૂંઠણી પહેલા કોઈ પાર્ટી સાથે ગઠબંધન કર્યું છે. કોંગ્રેસ અને બીજેપીના વોટ કાપવા માટે એનસીપી, ટીઆરએસ અને એઆઈએમઆઈએમે પણ જેડીએસને સમર્થન આપ્યું છે.

  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +5બીજી સ્લાઈડ્સ જુઓ
    બીજેપી કાર્યકરોએ બેંગલુરુના પાર્ટી કાર્યાલય ખાતે ઉજવણી કરી.
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +4બીજી સ્લાઈડ્સ જુઓ
    શરૂઆતની મતગણતરીમાં કોંગ્રેસને નુકસાન થઈ રહ્યું હોવાનું વલણ.
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +3બીજી સ્લાઈડ્સ જુઓ
    બીજેપીના CM પદના ઉમેદવાર યેદુયુરપ્પાએ મંગળવાર સવારે મંદિરમાં પૂજા કરી હતી.
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +2બીજી સ્લાઈડ્સ જુઓ
    મંગળવાર સવારથી મત ગણતરીની શરૂઆત થઈ હતી.
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
    +1બીજી સ્લાઈડ્સ જુઓ
  • આજે કર્ણાટક વિધાનસભા ચૂંટણીના પરિણામ | Karnataka assembly election results Today- Who will become government
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending