Divya Bhaskar

Home » National News » Latest News » National » Internet, mobile phone approval during Flight Journey

હવાઈ પ્રવાસ દરમિયાન ઈન્ટરનેટ, મોબાઈલ ફોનને મંજૂરી

Divyabhaskar.com | Updated - May 02, 2018, 03:16 AM

ટેલિકોમ કમિશનની મંજૂરી, એરલાઈનને સર્વિસ પ્રોવાઈડર પસંદ કરવાનો અધિકાર, લાઈસન્સ લેવું પડશે

  • Internet, mobile phone approval during Flight Journey
    +1બીજી સ્લાઈડ્સ જુઓ
    એરલાઈનને સર્વિસ પ્રોવાઈડર પસંદ કરવાનો અધિકાર

    નવી દિલ્હી: ટેલિકોમ કમિશને વિમાનમાં મોબાઈલ ફોન અને ઈન્ટરનેટના ઉપયોગને મંજૂરી આપી દીધી છે. કમિશનના અધ્યક્ષ અને ટેલિકોમ સચિવ અરુણા સુંદરરાજને જણાવ્યું કે ત્રણથી ચાર મહિનામાં આ સુવિધા શરૂ થઈ જશે. સર્વિસ પ્રોવાઈડરે ટેલિકોમ વિભાગ પાસેથી અલગથી લાઈસન્સ લેવું પડશે. જોકે, લાઈસન્સ ફી વાર્ષિક એક રૂપિયો હશે.

    કોલિંગ-ઈન્ટરનેટ ચાર્જિસ કંપનીઓ પોતે નક્કી કરશે

    ઈન-ફ્લાઈટ સર્વિસીસના ચાર્જિસ અંગે ટેલિકોમ સચિવે કહ્યું કે તે સેટેલાઈટ સર્વિસ પ્રોવાઈડર અને એરલાઈન્સ પર નિર્ભર રહેશે. દરેક એરલાઈન પોતાનો સેટેલાઈટ પ્રોવાઈડર પસંદ કરી શકે છે.

    આગળ શું ?

    લાઈસન્સ નિયમ નિશ્ચિત થયા બાદ અરજી મગાવાશે. અત્યારે લાઈસન્સના નિયમ નિશ્ચિત થશે. ત્યાર બાદ એપ્લિકેશન મગાવાશે. આગામી ત્રણ-ચાર મહિનામાં આ સુવિધા શરૂ થઈ જશે.

    આગળ વાંચો: ભાસ્કર એક્સપર્ટ

  • Internet, mobile phone approval during Flight Journey
    કોલિંગ-ઈન્ટરનેટ ચાર્જિસ કંપનીઓ પોતે નક્કી કરશે- પ્રતિકાત્મક તસવીર

    ભાસ્કર એક્સપર્ટ: ટેલિકોમ કમિશને જે નિર્ણય કર્યો તેની ભલામણ ટેલિકોમ રેગ્યુલેટર ટ્રાઈએ જ કરી હતી. ટ્રાઈના ચેરમેન આર. એસ. શર્મા સાથે રાજીવકુમારની વાતચીત...

     

     

    ભાસ્કર :  વિમાનમાં ઈન્ટરનેટ સાથે કોલિંગની સુવિધા મળશે?
    શર્મા ઃ કોલિંગ કરવાની સુવિધા હશે, પરંતુ કોલ કરવો છે કે નહીં તે એરલાઈન્સ પર નિર્ભર રહેશે. કારણ કે કોલિંગની સુવિધા આપવાથી વિમાનમાં ઘણો શોરબકોર થવાની આશંકા રહેશે.
    ભાસ્કર : વિમાનમાં ઈન્ટરનેટની સુવિધા આપવા માટે શું સ્પેક્ટ્રમની અલગથી હરાજી કરવી પડશે?
    શર્મા ઃ ના, અલગથી સ્પેક્ટ્રમની હરાજીની જરૂર નથી. પહેલાથી સેટેલાઈટ સાથે સંકળાયેલ સિસ્ટમ છે. તેનો જ ઉપયોગ થશે.
    ભાસ્કર : કેટલા રૂપિયા થશેે?
    શર્મા ઃ તે એરલાઈન્સ પર નિર્ભર રહેશે. શક્ય છે કે તમારી ટિકિટમાં જ ઈન્ટરનેટનો ચાર્જ જોડી દેવાય. અત્યારે ટેરિફ અંગે કહી શકાય નહીં.
    ભાસ્કર :  વિમાનમાં વાઈ-ફાઈ અને ઈન્ટરનેટ બંનેની સુવિધા હશે?
    શર્મા ઃ પ્લેનમાં વાઈ-ફાઈ તો અત્યારે પણ છે. જે નવી સુવિધા અપાશે તે રિયલ ટાઈમ ઈન્ટરનેટની હશે.
    ભાસ્કર : શું આ નિર્ણયને કેબિનેટમાં લઈ જવાની જરૂર છે?
    શર્મા ઃ હું નથી માનતો કે હવે તેને કેબિનેટમાં લઈ જવાની જરૂર છે. આ મંજૂરી જ ચાલશે.

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending