Divya Bhaskar

Home » National News » Latest News » National » INSV Tarini with 6 female Navy officers reached capetown will return to India this month

સાગર પરિક્રમા પર નીકળેલી નેવીની 6 મહિલા ઓફિસર પહોંચી કેપટાઉન

Divyabhaskar.com | Updated - Mar 02, 2018, 04:10 PM

તારિણી દુનિયાની પહેલી એવી સેઇલબોટ છે, જેની તમામ ક્રૂ-મેમ્બર્સ મહિલાઓ છે

  • INSV Tarini with 6 female Navy officers reached capetown will return to India this month
    +4બીજી સ્લાઈડ્સ જુઓ
    તારિણીની કમાન લેફ્ટનન્ટ કમાન્ડર વર્તિકા જોશીના હાથોમાં છે. ટીમમાં લેફ્ટનન્ટ કમાન્ડર પ્રતિભા જામવાલ, પી. સ્વાતિ, લેફ્ટનન્ટ એસ. વિજયા દેવી, બી. ઐશ્વર્યા અને પાયલ ગુપ્તા સામેલ છે. (ફાઇલ)

    કેપટાઉન (સાઉથ આફ્રિકા): સાગર પરિક્રમા પર નીકળેલી ઇન્ડિયન નેવીની સેઇલબોટ INSV તારિણી શુક્રવારે કેપટાઉન પહોંચી. તારિણી દુનિયાની પહેલી એવી સેઇલબોટ છે, જેની તમામ ક્રૂ-મેમ્બર્સ મહિલાઓ છે. તારિણી 10 સપ્ટેમ્બર, 2017ના રોજ પણજીથી રવાના થઇ હતી. આ ઓસ્ટ્રેલિયાના ફ્રેમન્ટલ, ન્યુઝીલેન્ડના લિટલેટન અને ફોકલેન્ડ્સના પોર્ટ સ્ટેનલે થઇને કેપટાઉન પહોંચી. કેપટાઉનથી આ જ મહિને સેઇલબોટ ભારત પરત ફરશે.

    કેટલા સમયમાં પૂરી થશે સાગર પરિક્રમા?

    - INSV તારિણી દુનિયાના ઘણા સાગરોને પાર કરીને 6 મહિના પછી ભારત પાછી ફરશે. તારિણી પાંચ તબક્કામાં સાગર પરિક્રમા પૂરી કરશે. સફર દરમિયાન રાશન અને સમારકામ માટે તારિણી પહેલા ફ્રેમન્ટલ, લિટલેટન, પોર્ટ સ્ટેનલેમાં રોકાઇ હતી.

    - તારિણીની કમાન લેફ્ટનન્ટ કમાન્ડર વર્તિકા જોશીના હાથોમાં છે. ટીમમાં લેફ્ટનન્ટ કમાન્ડર પ્રતિભા જામવાલ, પી. સ્વાતિ, લેફ્ટનન્ટ એસ. વિજયા દેવી, બી. ઐશ્વર્યા અને પાયલ ગુપ્તા સામેલ છે.

    અત્યાર સુધીની સફરમાં સૌથી મુશ્કેલ શું રહ્યું?

    - અત્યાર સુધીના સફરમાં સધર્ન ચિલીની પાસે હોનોર્સ આઇલેન્ડ પર આવેલા કેપ હોર્નને પાર કરવું સૌથી મુશ્કેલ રહ્યું. કેપ હોર્ન પાસે જ એટલાન્ટિક અને પેસિફિક સમુદ્ર એકબીજામાં મળે છે. કેપહોર્નમાં સૂસવાટા મારતો પવન, ઝડપી પ્રવાહ અને આઇસબર્ગના કારણે તેને જહાજો માટેનું કબ્રસ્તાન કહેવામાં આવે છે.

    - 1914માં પનામા કેનાલ ખુલ્યા પછી કેપહોર્નની આસપાસથી શિપ્સ લઇ જવાનું ઓછું કરી દીધું. તારિણીએ જાન્યુઆરીમાં કેપહોર્ન પાર કર્યું હતું.
    - કેપહોર્ન પાર કરવા પર નરેન્દ્ર મોદીએ ક્રૂ મેમ્બર્સને અભિનંદન પાઠવ્યા હતા. તેમણે ટ્વીટ કરી હતી, "અદ્ભુત ખબર! ખુશી થઇ કે INSV તારિણીએ કેપહોર્નનું ચક્કર પૂરું કરી લીધું છે. અમે તેમની ઉપલબ્ધિઓ પર ગર્વ કરીએ છીએ."

    આગળની સ્લાઇડમાં વાંચો તારિણીમાં શું છે ખાસ?

  • INSV Tarini with 6 female Navy officers reached capetown will return to India this month
    +3બીજી સ્લાઈડ્સ જુઓ
    INSV તારિણી દુનિયાના ઘણા સમુદ્રોને પાર કરીને 6 મહિના પછી ભારતમાં પરત ફરશે.

    તારિણીમાં શું છે ખાસ?

     

    - મહાદેઇ પછી તારિણી નેવીની બીજી સેઇલબોટ છે. તેને ગોવાના એક્વેરિયસ શિપયાર્ડ લિમિટેડમાં તૈયાર કરવામાં આવી. તારિણીને બનાવવામાં ફાઇબર ગ્લાસ, એલ્યુમિનિયમ અને સ્ટીલનો ઉપયોગ કરવામાં આવ્યો. 

    - તારિણીમાં 6 સઢ લાગ્યા છે, જે અઘરામાં અઘરી પરિસ્થિતિમાં પણ મુસાફરી કરવાની તાકાત આપી રહ્યા છે. સેઇલબોટમાં લાગેલા લેટેસ્ટ સેટેલાઇટ સિસ્ટમ દ્વારા ક્રૂ સાથે દુનિયાના કોઇપણ હિસ્સામાંથી સંપર્ક કરી શકાય છે. 

    - તારિણીના તમામ ટ્રાયલ 30 જાન્યુઆરી, 2018ના રોજ પૂરા થયા હતા. તેની ટેક્નીક ડેવલપ કરવામાં મહાદેઇ ચલાવવાનો અનુભવ ઘણો કામ આવ્યો છે. માર્ચ 2016માં તત્કાલીન સંરક્ષણ મંત્રી મનોહર પાર્રિકરે તારિણીના નિર્માણનો આગાઝ કર્યો હતો. 

    - સેઇલબોટનું નામ ઓડિશામાં પ્રખ્યાત તારા-તારિણી મંદિરના નામ પર રાખવામાં આવ્યું. સંસ્કૃતમાં તારિણીનો અર્થ નૌકાને પાર લગાવનારો થાય છે. 

     

    આગળની સ્લાઇડ્સમાં જુઓ અન્ય ફોટાઓ

  • INSV Tarini with 6 female Navy officers reached capetown will return to India this month
    +2બીજી સ્લાઈડ્સ જુઓ
    તારિણી 10 ડિસેમ્બર, 2017ના રોજ પણજીથી રવાના થઇ હતી. (ફાઇલ)
  • INSV Tarini with 6 female Navy officers reached capetown will return to India this month
    +1બીજી સ્લાઈડ્સ જુઓ
    તારિણી દુનિયાની પહેલી એવી સેઇલબોટ છે, જેની તમામ ક્રૂ-મેમ્બર્સ મહિલાઓ છે. (ફાઇલ)
  • INSV Tarini with 6 female Navy officers reached capetown will return to India this month
    કેપહોર્ન પાર કરવા પર નરેન્દ્ર મોદીએ ક્રૂ મેમ્બર્સને અભિનંદન પાઠવ્યા હતા. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending