Divya Bhaskar

Home » National News » Latest News » National » J&K: infiltration of 20 terrorists attack on 183 CRPF Battalion in Pulvama High Alert in Vally

J&K: 20 આતંકીની ઘૂસણખોરી, આત્મઘાતી હુમલાની આશંકા

Divyabhaskar.com | Updated - Jun 01, 2018, 11:28 AM

શ્રીનગરમાં આગામી 2-3 દિવસમાં ફિદાયીન હુમલા અને આતંકીઓ દ્વારા હિટ એન્ડ રનની ઘટનાને અંજામ આપવાની આશંકા છે

  • J&K: infiltration of 20 terrorists attack on 183 CRPF Battalion in Pulvama High Alert in Vally
    +1બીજી સ્લાઈડ્સ જુઓ
    સૈનિકોને પુલવામામાં શંકાસ્પદ IED મિકેનિઝમ ભરેલી 3 બેગ્સ મળી આવી છે.

    શ્રીનગર: જમ્મુ-કાશ્મીરમાં ગુપ્ત વિભાગે ઘાટીમાં એલર્ટ જાહેર કર્યું છે. રિપોર્ટ્સ પ્રમાણે, શ્રીનગરમાં આગામી 2-3 દિવસમાં ફિદાયીન હુમલા અને આતંકીઓ દ્વારા હિટ એન્ડ રનની ઘટનાને અંજામ આપવાની આશંકા છે. હુમલો સુરક્ષાદળો અને તેની સાથે જોડાયેલા સંસ્થાનો પર પણ થઇ શકે છે. એક અધિકારીના જણાવ્યા પ્રમાણે, સરહદ પારથી જમ્મુ-કાશ્મીરમાં 20 આતંકીઓની ઘૂસણખોરીના સમાચાર છે. આશંકા છે કે મોટાભાગના આતંકીઓ જૈશ-એ-મોહમ્મદ સંગઠનના છે. આ સાથે શુક્રવારે જમ્મુ-કાશ્મીરના પુલવામામાં આતંકવાદીઓએ સીઆરપીએફની 183 બટાલિયનના બંકર પર ફાયરિંગ કર્યું. ત્યારબાદ ત્યાં સીઆરપીએફ સર્ચ ઓપરેશન કરી રહ્યું છે, જે દરમિયાન સૈનિકોને ત્યાં શંકાસ્પદ IED મિકેનિઝમ ભરેલી 3 બેગ્સ મળી આવી છે. સર્ચ ઓપરેશન ચાલુ છે. ઉલ્લેખનીય છે કે કેન્દ્ર સરકારે જાહેરાત કરી હતી કે રમજાનના મહિનામાં આતંકીઓ વિરુદ્ધ ઓપરેશન નહીં ચલાવવામાં આવે. સરકાર તરફથી એમપણ કહેવામાં આવ્યું હતું કે આતંકીઓ તરફથી હુમલા થવાની પરિસ્થિતિમાં સુરક્ષાદળ જવાબી કાર્યવાહી કરશે.

    જૈશ-એ-મોહમ્મદના આતંકીઓએ કરી ઘૂસણખોરી

    - ઇન્ટેલિજન્સ ઇનપુટની વાત માનીએ તો એવા તમામ આતંકીઓ જૈશ-એ-મોહમ્મદ સંગઠનના સભ્યો હોવાનું જણાવવામાં આવી રહ્યું છે. ઓફિસરે જણાવ્યું કે સુરક્ષાદળોને જમ્મુ-કાશ્મીર અને દિલ્હી-એનસીઆરમાં હાઇ-એલર્ટ પર રાખવામાં આવ્યા છે.

    - અધિકારીએ એમપણ કહ્યું કે કાશ્મીરનો માહોલ બગાડવા માટે આટલા મોટાપાયે ઘૂસણખોરીની કોશિશ કરવામાં આવી છે. સુરક્ષાદળોને ચોકસાઇ રાખવાનું કહેવામાં આવ્યું છે.

    સીઆરપીએફના બંકર પર ફાયરિંગ કરીને આતંકી ફરાર

    - શુક્રવારે જમ્મુ-કાશ્મીરના પુલવામામાં આતંકવાદીઓએ સીઆરપીએફની 183 બટાલિયનના બંકર પર ગ્રેનેડથી હુમલો અને ફાયરિંગ કર્યું. આ હુમલો તે સમયે થયો જ્યારે સીઆરપીએફની બટાલિયન પુલવામામાં ઇદગાહ તરફ જઇ રહી હતી. આ હુમલામાં કોઇ જાનહાનિ થઇ નથી. આતંકવાદી સેનાના બંકર પર ફાયરિંગ કરીને ફરાર થઇ ગયા. સીઆરપીએફએ આખા વિસ્તારને ઘેરી લીધો છે અને આતંકીઓની શોધ શરૂ કરી દીધી છે.

  • J&K: infiltration of 20 terrorists attack on 183 CRPF Battalion in Pulvama High Alert in Vally
    સેનાએ 31મેના રોજ હંદવાડામાં અથડામણમાં 2 આતંકીઓને ઠાર માર્યા હતા. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending