Home » National News » Latest News » National » Mahdya Pradesh Bhayyuji Maharaj allegedly shoots himself

'હું ઘણો પરેશાન છું, જઈ રહ્યો છું,' લખી ભૈયુજી મહારાજે કર્યું સુસાઈડ

Divyabhaskar.com | Updated - Jun 12, 2018, 05:57 PM

મધ્યપ્રદેશ સરકારે પ્રદેશમાં જે પાંચ સંતને રાજ્ય મંત્રીનો દરજ્જો અપાયો છે તેમાંથી એક ભૈયુજી મહારાજ પણ હતા

  • ભૈયુજી મહારાજે કથિત રીતે પોતાને જ ગોળી મારી આત્મહત્યા કરી (ફાઈલ)

    ઈન્દોરઃ મધ્યપ્રદેશના ઈન્દોરમાં ભૈયુજી મહારાજે પોતાને જ ગોળી મારી આત્મહત્યા કરી છે. જાણકારી મુજબ ભૈયુજી મંગળવારે બપોરે સિલ્વર સ્પ્રિંગ સ્થિત પોતાના બંગલાના બીજા માળે પોતાને ગોળી મારી દીધી હતી. ભૈયુજી મહારાજે આત્મહત્યા કરવા માટે પોતાની લાયસન્સવાળી રિવોલ્વરનો ઉપયોગ કર્યો હતો. પોલીસે ભૈયુજી મહારાજની પિસ્તોલ અને સુસાઈડ નોટ કબજે કરી વધુ તપાસ હાથ ધરી છે. મળતી માહિતી મુજબ છેલ્લાં ત્રણ દિવસથી પારિવારિક વિવાદના કારણે તેઓ ઘણાં પરેશાન હતા. ડિપ્રેશનને કારણે તેઓએ પોતાને જ ગોળી મારી દીધી હતી. ભૈયુજી મહારાજને સારવાર માટે ઈન્દોરની બોમ્બે હોસ્પિટલમાં ખસેડવામાં આવ્યા હતા પરંતુ હોસ્પિટલ પહોંચે તેના અડધો કલાક પહેલાં જ તેઓનું નિધન થયું હતું. મધ્યપ્રદેશ સરકારે પ્રદેશમાં જે પાંચ સંતને રાજ્ય મંત્રીનો દરજ્જો આપવાની દરખાસ્ત કરી હતી તેમાંથી એક ભૈયુજી મહારાજ પણ હતા. જો કે તેઓએ આ ઓફર ફગાવી દીધી હતી.

    'મારી મોત માટે કોઈ જવાબદાર નથી'


    - ભૈયુજી મહારાજે આત્મહત્યા કરવા માટે પોતાની લાયસન્સવાળી રિવોલ્વરનો ઉપયોગ કર્યો હતો.
    - સૂત્રો દ્વારા મળતી માહિતી મુજબ તેમની પાસેથી મળેલી સુસાઈડ નોટમાં તેમને લખ્યું છે કે તેમના મોત માટે કોઈ જવાબદાર નથી.
    - આ ઉપરાંત તેઓએ સુસાઈડ નોટમાં લખ્યું છે કે તેમના પરિવારમાં વિવાદ હતો. તે કારણસર જ તેઓ અવસાદગ્રસ્ત થઈ ગયા હતા. જો કે પોલીસ હાલ આ મામલે તપાસ કરી રહી છે.
    - પોલીસે સુસાઈડ નોટ અને પિસ્તોલ કબજે કરી તપાસ શરૂ કરી છે. આ ઉપરાંત પરિવારના લોકોની પણ પૂછપરછ કરવામાં આવી શકે છે.

    જમણા લમણે ગોળી મારી, હોસ્પિટલ પહોંચે તે પહેલાં જ મોત

    - સીએસપી જયંત રાઠોડના જણાવ્યા મુજબ, "ભૈયુજી મહારાજે સિલ્વર સ્પ્રિંગ સ્થિત પોતાના ઘરમાં પોતાને ગોળી મારી હતી. તેના માથાના ભાગે ગોળી વાગી હતી."

    - બોમ્બે હોસ્પિટલના ડૉ.રાહુલ પરાશરના જણાવ્યા મુજબ, "ભૈયુજી મહારાજને જ્યારે હોસ્પિટલ લાવવામાં આવ્યાં, તેના અડધા કલાક પહેલાં જ તેમનું મોત થઈ ગયું હતું. તેમના જમણા લમણે ગોળી વાગી હતી."

    વાંચોઃ આત્મહત્યા કર્યા પહેલાના 7 કલાકમાં ભૈયુજી મહારાજે કર્યા આ 7 ટ્વિટ

    પોતાને દેવાંમાં ડૂબેલા બતાવીને સાર્વજનિક જીવનથી સંન્યાસ લીધો હતો


    - મહારાષ્ટ્ર અને મધ્યપ્રદેશમાં ખાસ જગ્યા બનાવનાર ભૈયુજી મહારાજે પોતાને દેવાંમા ડૂબેલ ગણાવ્યાં હતા. તેઓએ સાર્વજનિક જીવનથી સંન્યાસ લેવાની પણ જાહેરાત કરી હતી. સંન્યાસ લીધા બાદ તેમના સાર્વજનિક અને આધ્યાત્મિક કાર્યો સંચાલિત થતા રહ્યાં. સિંહસ્થ પહેલાં મળેલા ધર્મ સંમેલનમાં સરકારે તેમને આમંત્રિત ન કરતા તેઓ નારાજ હતા.

    રાજ્ય મંત્રીની ઓફર ફગાવી હતી


    - મધ્યપ્રદેશ સરકારે 2 જુલાઈ, 2017નાં રોજ 6.67 કરોડ છોડ લગાવવાના દાવાને મહાકૌભાંડ ગણાવીને કેટલાંક સંતોએ 'નર્મદા કૌભાંડ રથ યાત્રા' કાઢવાની જાહેરાત કરી હતી. જેમાં નર્મદાનંદજી, હરિહરાનંદજી, કોમ્પ્યુટર બાબા, ભૈયુજી મહારાજ અને પંડિત યોગેન્દ્ર મહંત સામેલ હતા.
    - રાજ્ય સરકારે એપ્રિલ 2018માં આ તમામને રાજ્યમંત્રીનો દરજ્જો આપ્યો હતો. જો કે ભૈયુજી મહારાજે સરકારની આ ઓફરને લેવાનો ઈન્કાર કર્યો હતો. તેઓએ કહ્યું હતું કે નર્મદા મૈયાની સેવા કોઈપણ પદ વગર પણ કરતા રહીશુ.

    આગળ વાંચો ભૈયુજી મહારાજની સુસાઈડ નોટ

  • Mahdya Pradesh Bhayyuji Maharaj allegedly shoots himself
    +5બીજી સ્લાઈડ્સ જુઓ
    ભૈયુજી મહારાજની સુસાઈડ નોટ

    આગળ વાંચો કોણ હતા ભૈયુજી મહારાજ?

  • Mahdya Pradesh Bhayyuji Maharaj allegedly shoots himself
    +4બીજી સ્લાઈડ્સ જુઓ
    સપ્ટેમ્બર, 2011માં ગુજરાતના મુખ્યમંત્રી તરીકે નરેન્દ્ર મોદીએ સદ્ભાવના ઉપવાસ પર બેઠાં હતા. ત્યારે ઉપવાસ ખોલાવવા માટે તેઓએ ભૈયુજી મહારાજને આમંત્રિત કર્યાં હતા (ફાઈલ)

    મોદી, અન્નાના અનશન સમયે ભૈયુજી મહારાજ દેશભરમાં ચર્ચામાં આવ્યાં


    - ભૈયુજી મહારાજ વર્ષ 2011માં ત્યારે ચર્ચામાં આવ્યાં જ્યારે અન્ના હજારેના અનશનને ખતમ કરાવવા તત્કાલીન UPA સરકારે તેમના દૂત બનાવીને મોકલ્યાં હતા. બાદમાં અન્નાએ તેમના હાથે જ્યૂસ પીને અનશન તોડ્યું હતું. તે સમયે તેમની સાથે મહારાષ્ટ્રના પૂર્વ મુખ્યમંત્રી વિલાસરાવ દેશમુખ પણ હતા.
    - વડાપ્રધાન બન્યાં પહેલાં સપ્ટેમ્બર, 2011માં ગુજરાતના મુખ્યમંત્રી તરીકે નરેન્દ્ર મોદીએ સદ્ભાવના ઉપવાસ પર બેઠાં હતા. ત્યારે ઉપવાસ ખોલાવવા માટે તેઓએ ભૈયુજી મહારાજને આમંત્રિત કર્યાં હતા.

     

    આગળ વાંચો કોણ છે ભૈયુજી મહારાજના આશ્રમમાં કોણ કોણ આવી ચુક્યું છે?

  • Mahdya Pradesh Bhayyuji Maharaj allegedly shoots himself
    +3બીજી સ્લાઈડ્સ જુઓ
    મનસેના રાજ ઠાકરે સાથે ભૈયુજી મહારાજ (ફાઈલ)

    પ્રતિભા પાટિલથી શરદ યાદવ સુધીની સેલિબ્રિટીઓ આવી ગઈ છે તેમના આશ્રમમાં


    - પૂર્વ રાષ્ટ્રપતિ પ્રતિભા પાટિલ, વડાપ્રધાન નરેન્દ્ર મોદી, મહારાષ્ટ્રના પૂર્વ મુખ્યમંત્રી વિલાસરાવ દેશમુખ, શરદ પવાર, લતા મંગેશકર, ઉદ્ધવ ઠાકરે અને મનસેના રાજ ઠાકરે, આશા ભોંસલે, અનુરાધા પોંડવાલ, ફિલ્મ સ્ટાર મિલિંદ પણ તેમના આશ્રમ આવી ચુક્યા છે. 

     

    આગળ વાંચો કોણ છે ભૈયુજી મહારાજ? 

  • Mahdya Pradesh Bhayyuji Maharaj allegedly shoots himself
    +2બીજી સ્લાઈડ્સ જુઓ
    મધ્યપ્રદેશ સરકારે પ્રદેશમાં જે પાંચ સંતને રાજ્ય મંત્રીનો દરજ્જો આપવાની દરખાસ્ત કરી હતી તેમાંથી એક ભૈયુજી મહારાજ પણ હતા. જો કે તેઓએ આ ઓફર ફગાવી દીધી હતી (ફાઈલ)

    કોણ છે ભૈયુજી મહારાજ?


    - ભૈયુજી મહારાજને રાજકીય રીતે તાકાતવર સંત ગણવામાં આવતા હતા. 
    - 1968માં જન્મેલા ભૈયુજી મહારાજનું સાચું નામ ઉદયસિંહ દેશમુખ છે અને તેમના પિતા મહારાષ્ટ્રમાં કોંગ્રેસના દિગ્ગજ નેતા રહ્યાં છે. 
    - ભૈયુજી મહારાજા ઉર્ફે ઉદયસિંહ દેશમુખનો જન્મ શુજાલપુરમાં એક જમીનદાર પરિવારમાં થયો હતો.

    - ભૈયુજી મહારાજનો મુખ્ય આશ્રમ ઈન્દોર સ્થિત બાપટમાં છે.
    - સદગુરુ દત્ત ધાર્મિક ટ્રસ્ટ તેમના સાનિધ્યમાં સંચાલિત થાય છે. પોતાના ટ્રસ્ટની મદદથી તેઓ સ્કોલરશિપ આપતા હતા. કેદીઓના બાળકોને ભણાવતા હતા તેમજ ખેડૂતોને ખાદ્ય બીજ પણ નિઃશુલ્ક આપતા હતા. 
    - અનેક રાજકીય નેતાઓ અને ફિલ્મી હસ્તિઓ તેમના આશ્રમની મુલાકાત લઈ ચુક્યાં છે. 

     

    આગળ વાંચો મોડલ પણ રહી ચુક્યાં છે ભૈયુજી મહારાજ

  • Mahdya Pradesh Bhayyuji Maharaj allegedly shoots himself
    +1બીજી સ્લાઈડ્સ જુઓ
    ભૈયુજી મહારાજને રાજકીય રીતે તાકાતવર સંત ગણવામાં આવતા હતા (ફાઈલ)

    મોડલથી સંત સુધીની સફર

     

    - યુવાનીના દિવસોમાં સિયારામ શૂટિંગ શર્ટિંગ માટે પોસ્ટર મોડલિંગ કરનારા ભૈયુજી મહારાજ તલવારબાજી, ઘોડેસવારી અને ખેતીનું કામ પણ સારી રીતે કરી શકતા હતા.
    - ભૈયુજી મહારાજ માટે ખાસ વાત એ કહેવાતી કે તેઓ ફેસ રીડર પણ હતા. 

     

    આગળ વાંચો ભૈયુજી મહારાજના પરિવાર અંગે

  • Mahdya Pradesh Bhayyuji Maharaj allegedly shoots himself
    30 એપ્રિલ, 2017નાં રોજ મધ્યપ્રદેશના શિવપુરીની ડૉ. આયુષીની સાથે તેમને બીજા લગ્ન કર્યાં હતા (ફાઈલ)

    પહેલી પત્નીના મોતના બે વર્ષ બાદ કર્યાં હતા બીજા લગ્ન


    - ભૈયુજી મહારાજની પહેલી પત્ની માધવીનું નવેમ્બર, 2015માં પુણેમાં નિધન થઈ ગયું હતું. માધવી મહારાષ્ટ્રના ઔરંગાબાદના રહેવાસી હતા. પ્રથમ લગ્નથી તેમની દીકરી કુહૂ છે, જે પુણેમાં અભ્યાસ કરી રહી છે.
    - 30 એપ્રિલ, 2017નાં રોજ મધ્યપ્રદેશના શિવપુરીની ડૉ. આયુષીની સાથે તેમને બીજા લગ્ન કર્યાં હતા. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending