Home » National News » Desh » Husband said he will live only with GF if stopped he will kill wife and children

પ્રેમમાં ડૂબેલો 'બેવફા' પતિ બોલ્યો- ફક્ત GF સાથે રહીશ, મને રોક્યો તો ગોળી મારી દઇશ

Divyabhaskar.com | Updated - Jun 08, 2018, 07:20 AM

બુલંદશહેરમાં એક વ્યક્તિએ પોતાની પત્ની, 9 વર્ષના દીકરા અને ટીનએજ દીકરીને ઘરેથી કાઢી મૂકી

  • Husband said he will live only with GF if stopped he will kill wife and children
    +1બીજી સ્લાઈડ્સ જુઓ
    પ્રેમમાં ગાંડાતૂર બનેલા પતિએ પત્ની અને બાળકોને ઘરમાંથી કાઢી મૂક્યાં.

    બુલંદશહેર: અહીંયા એક વ્યક્તિએ પોતાની પત્ની, 9 વર્ષના દીકરા અને ટીનએજ દીકરીને ઘરેથી કાઢી મૂકી. પત્નીનો આરોપ છે કે પતિના એક અન્ય મહિલા સાથે ગેરકાયદે સંબંધો છે, જે કારણથી તેણે આ પગલું ભર્યું છે. હવે આ મહિલા ન્યાય માટે દર-દરની ઠોકરો ખાઈ રહી છે.

    'ગર્લફ્રેન્ડ સાથે રહીશ, જે રસ્તામાં આવ્યું તેને ગોળીથી ઉડાવી દઇશ'

    - દિલ્હીની પૂનમના લગ્ન વર્ષ 2008માં સિકંદરાબાદમાં રહેતા રવિ ગુપ્તા સાથે થયા હતા. આ તેમના બીજા લગ્ન હતા. પહેલા લગ્નથી તેમને એક દીકરી છે.

    - પૂનમ જણાવે છે કે, "મારા પતિના કોઇ મહિલા સાથે ગેરકાયદે સંબંધો છે. તે મહિલા પણ પરિણિત છે. તે આખા પરિવારની સામે બેસીને તે મહિલા સાથે ફોન પર અશ્લીલ વાતો કરે છે અને મેસેજ મોકલે છે. જો હું કે મારી દીકરી તેને રોકવાનો પ્રયત્ન કરીએ તો તે અમને મારવા પર ઉતારુ થઇ જાય છે."

    - "તેણે એક અઠવાડિયા પહેલા (31 મેના રોજ) અમને ત્રણેયને ઘરમાંથી કાઢી મૂક્યા છે. તે કહે છે કે તે ફક્ત તે જ મહિલાને સાથે રાખશે. જે પણ તેને રોકવાની કોશિશ કરશે તેને તે ગોળીથી ઉડાવી દેશે."

    17 વર્ષની દીકરી અને 9 વર્ષનો દીકરો

    - રવિ અને પૂનમને એક દીકરો પણ છે, જેની ઉંમર 9 વર્ષ છે. પૂનમના પહેલા લગ્નથી એક દીકરી છે, જેની ઉંમર 17 વર્ષ છે.

    - પૂનમે જણાવ્યું, "પહેલા પતિ સાથે મારા તલાક થઇ ગયા છે. ત્યારબાદ મારી મુલાકાત રવિ સાથે થઇ. તે સિકંદરાબાદમાં ઇ-રિક્ષા ચલાવે છે. શરૂઆતમાં તેનો વ્યવહાર સારો હતો, પરંતુ પછી તેને દારૂની લત લાગી ગઇ. તે દરરોજ નશામાં મારપીટ કરતો હતો. હું એ જ વિચારતી હતી કે દીકરી મોટી થઇ રહી છે, એક દીકરો પણ થઇ ચૂક્યો છે. બાળકો માટે આ બધું સહન કરતી રહી. પરંતુ, છેલ્લા બે વર્ષથી તેણે તમામ હદો પાર કરી દીધી."

    - "જે મહિલા સાથે તેનું અફેર છે, તે પણ પરિણિત છે. તે પણ તેના પતિની સામે જ તેની સાથે વાતો કરે છે. આજે એણે અમને ત્રણેયને ઘરમાંથી કાઢી મૂક્યા છે."
    - આખા મામલામાં એસપી રઇસ અખ્તરનું કહેવું છે કે મામલાની તપાસ કરાવવામાં આવી રહી છે. બંને પક્ષે વાત કરીને જ કાર્યવાહી કરવામાં આવશે. હાલ પતિ ફરાર છે.

  • Husband said he will live only with GF if stopped he will kill wife and children
    પ્રતીકાત્મક તસવીર
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ