Home » National News » Latest News » National » HD Kumarswamy Said if cannot clear farmers debt within 7 days will resign

7 દિવસોમાં ખેડૂતોના દેવાં માફ ન કરું તો રાજીનામું આપીશ: કુમારસ્વામી

Divyabhaskar.com | Updated - May 28, 2018, 12:31 PM

કુમારસ્વામી આજે સીએમ બન્યા પછી પહેલીવાર વડાપ્રધાન નરેન્દ્ર મોદીની મુલાકાત કરશે

  • HD Kumarswamy Said if cannot clear farmers debt within 7 days will resign
    +2બીજી સ્લાઈડ્સ જુઓ
    કર્ણાટકના મુખ્યમંત્રી કુમારસ્વામીએ રવિવારે પં. નહેરૂને શ્રદ્ધાંજલિ અર્પણ કરી.

    બેંગલુરૂ: કર્ણાટકના મુખ્યમંત્રી એચડી કુમારસ્વામીએ જનતાને કરેલા વાયદાઓ પૂરા ન કરી શકવાની સ્થિતિમાં રાજીનામું મૂકવાના સંકેત આપ્યા. તેમણે રવિવારે કહ્યું કે અમે ઇલેક્શન મેનિફેસ્ટોમાં ખેડૂતોના દેવાં માફ કરવાની વાત કરી હતી. મંત્રીમંડળના વિસ્તારને લઇને કેટલાક મુદ્દાઓ પર કોંગ્રેસ નેતાઓ સાથે વાત થવાની છે. કોંગ્રેસને મનાવવાની કોશિશ કરી રહ્યા છીએ. જો એક અઠવાડિયામાં ખેડૂતોને આપેલાં વચનો પૂરાં ન કરી શક્યો તો મુખ્યમંત્રી પદ છોડી દઇશ. બીજી બાજુ, વિપક્ષના નેતા બી.એસ. યેદિયુરપ્પા વિધાનસભામાં જલ્દી દેવાંમાફીની માંગ કરી ચૂક્યા છે. ઉલ્લેખનીય છે કે જેડીએસે કોંગ્રેસ સાથે મળીને સરકાર બનાવી છે. આજે કુમારસ્વામી નવી દિલ્હીમાં વડાપ્રધાન નરેન્દ્ર મોદી સાથે મુલાકાત કરશે. અધિકારીએ જણાવ્યું કે કુમારસ્વામી મોદીને વડાપ્રધાન ઓફિસમાં મળશે. આ એક શિષ્ટાચારરૂપી મુલાકાત છે.

    હું કોંગ્રેસની દયા પર નિર્ભર છું- કુમારસ્વામી

    - મુખ્યમંત્રીએ કહ્યું, "હવે અમારે કોંગ્રેસ સાથે ખેડૂતોના દેવાં માફ કરવાની પ્રક્રિયા પર વાત કરવાની છે. કર્ણાટક મંત્રીમંડળના વિસ્તારને લઇને કેટલાક મુદ્દાઓ પર પણ

    ચર્ચા થવાની છે. મને પર્યાપ્ત જનાદેશ મળ્યો નથી અને ગઠબંધનમાં સહયોગી કોંગ્રેસની દયા પર નિર્ભર છું. ખેડૂતોને જીવ આપવાની જરૂર નથી, થોડી ધીરજ રાખો.

    અઠવાડિયામાં દેવાંમાફીનું એલાન કરીશ અથવા તો પદ પરથી રાજીનામું આપી દઇશ. હું નથી ઇચ્છતો કે કોઇ મને ખુરશી છોડવા માટે કહે."

    બીજેપી ખેડૂતોને ઉશ્કેરી રહી છે: મુખ્યમંત્રી

    - કુમારસ્વામીએ કહ્યું કે યેદિયુરપ્પા ખેડૂતોને ઉશ્કેરી રહ્યા છે. જ્યાં સુધી કુમારસ્વામી મુખ્યમંત્રી છે, ખેડૂતોના હિતોનું ધ્યાન રાખવામાં આવશે અને બીજેપી જેવી

    તાકાતોથી દૂર રાખીશું. તે લોકો સમાજને તોડી રહ્યા છે જ્યારે અમારી સરકાર કર્ણાટકને એકસાથે જોડેલું રાખવા માંગે છે.

    જેડીએસએ 24 કલાકમાં દેવામાફીની વાત કરી હતી

    - જનતાદળ (એસ)એ પોતાના મેનિફેસ્ટોમાં વચન આપ્યું હતું કે તે સત્તામાં આવવાના 24 કલાકની અંદર સાર્વજનિક ઉપક્રમો અને સહકારી બેંકો પાસેથી લેવામાં આવેલા

    દેવાં સહિત તમામ પ્રકારના કૃષિ દેવાં માફ કરી દેશે.

  • HD Kumarswamy Said if cannot clear farmers debt within 7 days will resign
    +1બીજી સ્લાઈડ્સ જુઓ
    કુમારસ્વામી વડાપ્રધાન કાર્યાલયમાં પીએમ મોદીને મળશે. (ફાઇલ)
  • HD Kumarswamy Said if cannot clear farmers debt within 7 days will resign
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending