Divya Bhaskar

Home » National News » Latest News » National » Kerala Love Jihad Hadiya file Affidavit in Supreme Court

કેરળ લવ જેહાદઃ હાદિયાએ SCમાં કહ્યું- હું શફીનની પત્ની તરીકે જ રહેવા માંગુ છું

Divyabhaskar.com | Updated - Feb 20, 2018, 06:04 PM

અખિલા અશોકન ઉર્ફે હાદિયાએ એફિડેવીટ રજૂ કરી કહ્યું છે કે તે મુસ્લિમ છે અને મુસ્લિમ જ રહેવા માંગે છે.

  • Kerala Love Jihad Hadiya file Affidavit in Supreme Court
    +1બીજી સ્લાઈડ્સ જુઓ
    કેરળમાં અખિલા અશોકન ઉર્ફે હાદિયાએ શફીન નામના મુસ્લિમ યુવક સાથે ડિસેમ્બર, 2016માં નિકાહ કર્યાં હતા (ફાઈલ)

    નવી દિલ્હીઃ કેરળના ચર્ચિત લવ જેહાદ કેસમાં અખિલા અશોકન ઉર્ફે હાદિયાએ એફિડેવીટ રજૂ કરી છે. જેમાં કહેવામાં આવ્યું છે કે તે મુસ્લિમ છે અને મુસ્લિમ જ રહેવા માંગે છે. તેણે એમ પણ કહ્યું કે તે શફીન જહાંની પત્ની જ રહેવા માંગે છે. મહત્વપૂર્ણ છે કે હાદિયાએ શફીન નામના મુસ્લિમ યુવક સાથે ડિસેમ્બર 2016માં લગ્ન કર્યા હતા. યુવતીના પિતા એમ અશોકને આરોપ લગાવ્યો હતો કે આ લેવ જેહાદનો મામલો છે. તેમની દીકરીનું બળજબરીથી ધર્મ પરિવર્તન કરી લગ્ન કરવામાં આવ્યા છે. સુપ્રીમ કોર્ટ 22 ફેબ્રુઆરીએ આ મામલામાં સુનાવણી કરશે.

    અગાઉની સુનાવણીમાં સુપ્રીમ કોર્ટે શું કહ્યું હતું?


    - સુપ્રીમ કોર્ટમાં આ કેસની સુનાવણી ચીફ જસ્ટિસ દીપક મિશ્રા, જસ્ટિસ એ એમ ખાનવિલકર અને જસ્ટિસ ડી વાય ચંદ્રચૂડની બેન્ચ કરી રહી છે.
    - 23 જાન્યુઆરીએ થયેલી સુનાવણીમાં બેન્ચે કહ્યું હતું કે એનઆઈએને હાદિયા અને શફીનના લગ્નની માન્યતાની તપાસ કરવાનો અધિકાર નહીં મળે. હાઈકોર્ટે લગ્નને રદ કરી દીધા હતા.
    - મામલામાં કપિલ સિબ્બલ શફીન તરફથી રજૂઆત કરવા આવ્યા હતા. તેઓએ કેસની તપાસ કોઈ નિવૃત્ત જજથી કરાવવાની માંગ કરી. કેસની સુનાવણી કરી રહેલી પૂર્વ બેન્ચે આવો જ ઓર્ડર આપ્યો હતો.
    - હાદિયાના પિતાના વકીલ એ. રઘુનાથે કહ્યું કે, અમને આશા છે કે એનઆઈએ પોતાનો રિપોર્ટ રજૂ કરશે. કોર્ટે યુવતીને પોતાનો અભ્યાસ ચાલુ રાખવાની મંજૂરી આપી છે. તે સુરક્ષિત છે, એ ખુશીની વાત છે.

    સુપ્રીમ કોર્ટમાં પહેલાં શું થયું હતું?

    - 27 નવેમ્બરે હાદિયાના પતિ શફીન તરફથી વકીલ કપિલ સિબ્બલે દલીલ કરી હતી કે, “જ્યારે હાદિયા અહીં હતી તો કોર્ટે NIAની બદલે તેની વાત સાંભળવી જોઈએ. તેને તેના જીવનના નિર્ણયો લેવાનો હક્ક છે.”

    - હાદિયાના પિતાના વકીલે કહ્યું હતું કે, “NIA દ્વારા શરૂઆતી રિપોર્ટ સબમિટ કરાયો છે. તેને જોઈ લેવો જોઈએ અને તે બાદ આગળની વાત જાણવી જોઈએ.”

    - આ પહેલાં NIA દ્વારા સુપ્રીમ કોર્ટમાં 100 પેજની તપાસ રિપોર્ટ પણ સોંપવામાં આવી છે.


    કોર્ટે હાદિયાને પૂછ્યું હતું કે શું તે અભ્યાસ ચાલુ રાખવા માંગે છે?

    - સુપ્રીમ કોર્ટના CJI જસ્ટિસ દીપક મિશ્રાએ હાદિયાને પૂછ્યું કે, “શું તમે રાજ્ય સરકારના ખર્ચે તમારો અભ્યાસ યથાવત રાખવા માગો છો?”
    - જવાબમાં હાદિયાએ કહ્યું કે, “હું યથાવત રાખવા માંગુ છું પરંતુ રાજ્યના ખર્ચે નહીં કારણ કે મારા પતિ આ ખર્ચ ઉઠાવી શકે છે.”
    - આ પહેલાં હાદિયાએ કહ્યું હતું કે, “હું એક મુસ્લિમ છું, પતિની પાસે જવા માંગુ છું. કોઈ મારો ધર્મ બદલાવવા માટે દબાણ ન કરી શકે.”
    - સુપ્રીમ કોર્ટે હાદિયાને તેના અભિયાસ માટે તામિલનાડુના સલેમની એક કોલેજ લઈ જવાના આદેશ આપ્યાં હતા. સાથે જ આદેશ આપ્યાં હતા કોલેજે તેને હોસ્ટેલ ફેસિલિટ આપવી જોઈએ. હાદિયા હોમિયોપેથીનો કોર્ષ કરી રહી છે.
    - કોર્ટે તેને સિક્યોરિટી આપવાના પણ આદેશ આપ્યાં હતા. સલેમની હોમિયોપેથિક કોલેજના ડીનને હાદિયાએ કન્વીનર એપોઈન્ટ કર્યા હતા. હાદિયા તે વાતની પણ છૂટ અપાઈ હતી કે કોઈ પરેશાન થાય તો તે તેમનો સંપર્ક કરી શકે છે.

    આગળની સ્લાઈડમાં વાંચો શું છે સમગ્ર કેસ?

  • Kerala Love Jihad Hadiya file Affidavit in Supreme Court
    સુપ્રીમ કોર્ટમાં આ કેસની સુનાવણી CJI દિપક મિશ્રા, જસ્ટિસ એ.એમ.ખાનવિલકર અને જસ્ટિસ ડી.વાય.ચંદ્રચૂડની બેંચ કરી રહી છે

    શું છે સમગ્ર મામલો?


    - કેરળમાં અખિલા અશોકન ઉર્ફે હાદિયાએ શફીન નામના મુસ્લિમ યુવક સાથે ડિસેમ્બર, 2016માં નિકાહ કર્યાં હતા. યુવતીના પિતા એમ. અશોકનનો આરોપ હતો કે આ લવ જેહાદનો મામલો છે. તેની દીકરીનું પરાણે ધર્માંણતરણ કરાવી લગ્ન કરાવવામાં આવ્યાં છે.
    - યુવતીના પિતાની પિટીશન પર હાઈકોર્ટે 25 મે, 2017નાં રોજ આ લગ્ન રદ કર્યાં હતા. અને હાદિયાને તેના માતા-પિતા પાસે રાખવાના આદેશ આપ્યાં હતા. જે બાદ શફીને સુપ્રીમ કોર્ટનો દરવાજો ખખડાવ્યો હતો. કોર્ટે યુવતીના પિતાને તેને કોર્ટમાં હાજર કરવાના આદેશ આપ્યાં હતા.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending