Home » National News » Desh » Girl asked for toilet in home as her wedding gift from father in Zabua MP

લગ્નના છ દિવસ પહેલા દીકરીએ માંગી આવી ભેટ, પિતાએ લીધો એક સારો સંકલ્પ

Divyabhaskar.com | Updated - Apr 08, 2018, 03:53 PM

છ દિવસ પછી પારકે ઘેર જનારી દીકરીએ જ્યારે પિતા પાસે ઘરમાં શૌચાલય બનાવવાની માંગણી કરી તો તેઓ તેની ઇચ્છાને નકારી શક્યા નહીં

  • Girl asked for toilet in home as her wedding gift from father in Zabua MP
    +1બીજી સ્લાઈડ્સ જુઓ
    ઘરમાં શૌચાલય બનાવવાની શરૂઆત દીકરી શાંતાના હાથે કરાવી.

    ઝાબુઆ (મધ્યપ્રદેશ): છ દિવસ પછી પારકે ઘેર જનારી દીકરીએ જ્યારે પિતા પાસે ઘરમાં શૌચાલય બનાવવાની માંગણી કરી તો તેઓ તેની ઇચ્છાને નકારી શક્યા નહીં. તેમણે દીકરીની માંગણી માટે હામી તો ભરી જ પરંતુ, તે સાથે જ એવો સંકલ્પ પણ કર્યો કે દીકરીના લગ્નમાં આવનાર તમામ મહેમાનોને પણ પોતપોતાના ઘરોમાં શૌચાલય બનાવવા માટે પ્રેરિત કરશે. પિતાએ ઘરમાં શૌચાલય બનાવડાવવાનું શરૂ કરાવી દીધું છે અને દીકરીએ પહેલો પાવડો મારીને તેની શરૂઆત કરી.

    સ્વચ્છ ભારત અભિયાનની દેખરેખ સમિતિના સભ્યોએ શૌચાલય બનાવડાવવા કહ્યું

    - આ પ્રેરણાદાયક મામલો ગ્રામ પંચાયત બોડાયતાનો છે. સ્વચ્છ ભારત અભિયાનની દેખરેખ સમિતિના સદસ્યો સાથે ફીડબેક ફાઉન્ડેશનના રાજેશ શુક્રવારે સવારે ગામના જગદીશ કટારાના ઘરે પહોંચ્યા, તો ત્યાં તેમની દીકરી શાંતાના લગ્નની તૈયારીઓ ચાલી રહી હતી.

    - 5મા ધોરણ સુધી ભણેલી શાંતાના લગ્ન 12 એપ્રિલના રોજ પાસેના ગામ કસાબર્ડીમાં રાકેશ શોભારામ ડોડિયા સાથે થવાના છે.

    - તેમણે શાંતાને પહેલો સવાલ કર્યો કે તારા ઘરમાં શૌચાલય છે? 'ના'માં જવાબ મળ્યો એટલે તેમણે તેની સાસરી વિશે પૂછ્યું.

    - જ્યારે શાંતાએ જણાવ્યું કે સાસરે તમામ લોકો શિક્ષિત છે, તો શૌચાલય ન હોવાનો પ્રશ્ન જ નથી ઊભો થતો. તેના પર તેમણે શાંતાને પોતાના ઘરમાં પણ શૌચાલય બનાવડાવવા માટે કહ્યું.

    - થનાર પતિ રાકેશ ખેતી અને મિસ્ત્રીનું કામ કરે છે અને તે 10મા ધોરણ સુધી ભણ્યો છે.

    સાસરીમાં કેવી રીતે જણાવીશ

    - આ સમજાવટનો શાંતા પર એવો અસર થયો કે તેણે પિતાની સામે ઘરમાં શૌચાલય બનાવવાની માંગ રાખી દીધી. તેણે પિતાએ કહ્યું કે, 'સાસરે જઇને કેવી રીતે જણાવીશ કે મારા ઘરમાં શૌચાલય સુદ્ધાં નથી.'

    - ટુંક સમયમાં પારકે ઘરે જનારી દીકરીની વાત પિતા કેવી રીતે ટાળે! તેમણે તરત જ હા પાડી દીધી.
    - શુક્રવારે સવારે ઘરમાં શૌચાલયનું નિર્ણાણ શરૂ થઇ ગયું, જેની શરૂઆત શાંતાના હાથે કરાવવામાં આવી. શાંતાએ ગામલોકોને પણ અપીલ કરી કે તેઓ પણ પોતાના ઘરમાં શૌચાલયનું નિર્માણ કરાવે અને તેનો ઉપયોગ કરે.

  • Girl asked for toilet in home as her wedding gift from father in Zabua MP
    પિતાએ સંકલ્પ કર્યો કે લગ્નમાં આવનાર મહેમાનોને પણ ઘરમાં શૌચાલય બનાવડાવવાની અપીલ કરશે. (પ્રતીકાત્મક તસવીર)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ