Home » National News » Desh » Gas Cylinder blast tragedy in Beawar Rajasthan

શબ જોઇને વહ્યો આંસૂનો દરિયો, એકસાથે ઉઠી પરિવારના 10 લોકોની અરથી

Divyabhaskar.com | Updated - Feb 21, 2018, 08:15 AM

એમ્બ્યુલન્સ તેમજ વાહનોમાં શબ આવ્યા તો લોકોના પગ લથડી ગયા

  • Gas Cylinder blast tragedy in Beawar Rajasthan
    +4બીજી સ્લાઈડ્સ જુઓ

    બ્યાવર (રાજસ્થાન): છીંપા દરજી સમાજના એક જ પરિવારના 10 સભ્યોનો અંતિમ સંસ્કાર રવિવારે સાંજે થયો. આ દરમિયાન હજારો લોકોએ શ્રદ્ધાંજલિ આપી. 4 વાગ્યા પછી એમ્બ્યુલન્સ તેમજ વાહનોમાં શબ આવ્યા તો લોકોના પગ લથડી ગયા. દરેકની આંખોમાં આંસુઓનો દરિયો વહી ચાલ્યો. લોકો શોક સંતપ્ત પરિવારોને સંભાળવામાં લાગ્યા હતા. ઉલ્લેખનીય છે કે બ્યાવરના નંદનગર સ્થિત કુમાવત સમાજ ભવનમાં 16 ફેબ્રુઆરીના રોજ શુક્રવારે સાંજે સવા 6 વાગે સિલિન્ડર ફાટવાથી 5 લોકોના મોત થઇ ગયા હતા, જ્યારે 21થી વધુ લોકો ઘાયલ થયા હતા. વરરાજાની મા સહિત ઘણા લોકો ગાયબ હતા. તેમાંથી 19 શબ મળી ચૂક્યાં છે. સિલિન્ડર રિફીલિંગના કારણે આ ઘટના ઘટી હતી અને આસપાસના 12 મકાનોને પણ નુકસાન પહોંચ્યું હતું.

    અંતિયાત્રામાં હજારોની સંખ્યામાં સામેલ થયા લોકો

    - માલિયાના આથુણી બાસમાં દેવનારાયણ છીંપાના નિવાસમાંથી તમામ શબોને જ્યારે બે ટ્રેક્ટરોમાં ફૂલોથી સજાવીને અંતિમયાત્રા રવાના થઇ તો દરેક જણ રડી ઉઠ્યું. અહીંથી મૃતક બસંતરાજના નિવાસસ્થાનથી થઇને હોલીધડા, શાકમાર્કેટ, મિસ્ત્રી માર્કેટ થઇને શબયાત્રા હિંદુ સ્મશાનઘાટ પહોંચી.

    - હજારોની સંખ્યામાં શહેરીજનો તેમજ ગામલોકો સામેલ થયા. આખા રસ્તે શ્રદ્ધાંજલિ આપનારા લોકોની સંખ્યા વધતી જ રહી. ઘરોની અગાસી અને રસ્તાના બંને કિનારાઓ પર પગ મૂકવાની જગ્યા જ ન હતી.

    શબયાત્રામાં સામેલ થયા રાજ્યના સાંસદ અને ધારાસભ્ય

    શબયાત્રામાં સામેલ દરેકના ચહેરા પર અકસ્માતનું દર્દ જોવા મળી રહ્યું હતું. અંતિમ સંસ્કાર સમયે કેન્દ્રીય રાજ્યમંત્રી પીપી ચૌધરી, રાજ્યસભા સાંસદ રામનારાયણ ડૂડી, રાજ્યમંત્રી કમસા મેઘવાલ, ધારાસભ્ય અર્જુનલાલ ગર્ગ, પૂર્વ ચિકિત્સામંત્રી રાજેન્દ્ર ચૌધરી, પૂર્વ સાંસદ બદ્રીરામ જાખડ, પાલિકા અધ્યક્ષ મહેન્દ્રસિંહ કચ્છાવાહ, નગર બીજેપી મંડળ અધ્યક્ષ ધનરાજ સોલંકી, ઉપપ્રધાન ડુંગરરામ બડિયાર, કોંગ્રેસ અધ્યક્ષ અમરારામ ભાટી અને તે ઉપરાંત હજારો લોકો પહોંચ્યા.

    આગળની સ્લાઇડમાં વાંચો બે મિનિટ પહેલા વરરાજાના ઘરે ચા પહોંચાડવા ગયો હતો યુવક

  • Gas Cylinder blast tragedy in Beawar Rajasthan
    +3બીજી સ્લાઈડ્સ જુઓ
    બે ટ્રેક્ટરોમાં ફૂલોથી સજાવીને અંતિમયાત્રા રવાના થઇ તો દરેક જણ રડી ઉઠ્યું.

    બે મિનિટ પહેલા ચા લઇને વરરાજાના ઘરે પહોંચાડવા માટે નીકળ્યો હતો

     

    બિલાડા નિવાસી 17 વર્ષીય એક યુવક વિકાસ પણ માયરાના કાર્યક્રમમાં ગયો હતો. અકસ્માતની બે મિનિટ પહેલા તે ત્યાંથી ચા લઇને વરરાજાના ઘરે પહોંચાડવા માટે નીકળ્યો હતો. કુમાવતનગરથી વરરાજાનું ઘર અડધો કિલોમીટર જ દૂર હતું. તે થોડેક દૂર જ ગયો હતો કે પાછળ ધમાકો થઇ ગયો. વિકાસે જણાવ્યું કે ધમાકો એટલો ભયંકર હતો કે તેનો અવાજ લગભગ 2 કિમી દૂર સુધી સંભળાયો. 

     

    આગળની સ્લાઇડમાં વાંચો એક પીડિતાએ કહ્યું કે જિંદગીભર નહીં ભૂલી શકાય એ ધમાકાનો અવાજ

  • Gas Cylinder blast tragedy in Beawar Rajasthan
    +2બીજી સ્લાઈડ્સ જુઓ
    હજારો લોકોએ શ્રદ્ધાંજલિ આપી.

    તે અવાજ જિંદગીભર ન ભૂલાય તેવો અકસ્માત બની ગયો

     

    પાલી નિવાસી ગાયત્રી ઘટના પછી ભવનની હાલત જોઇને બેભાન થઇ ગઇ. થોડીવાર પછી જ્યારે તે ભાનમાં આવી તો હિંમત ભેગી કરીને પોતાના માણસોને કાટમાળમાંથી શોધી કાઢવાના કામમાં લાગી ગઇ. તેણે વિચાર્યું હતું કે કોઇને ને કોઇને તો બહાર કાઢી જ લેશે. આ દરમિયાન મચેલી ભાગમભાગમાં તેને ઇજા પણ પહોંચી. ત્યાંનું દ્રષ્ય જોઇને આજે પણ તે કંપી જાય છે. ગાયત્રીએ જણાવ્યું કે આવો અકસ્માત ક્યારેય જોયો નથી. જિંદગીભરની પીડા મળી ગઇ છે. 

     

    આગળની સ્લાઇડમાં જુઓ તસવીરો

  • Gas Cylinder blast tragedy in Beawar Rajasthan
    +1બીજી સ્લાઈડ્સ જુઓ
    છીંપા દરજી સમાજના એક જ પરિવારના 10 સભ્યોનો અંતિમ સંસ્કાર રવિવારે સાંજે થયો.
  • Gas Cylinder blast tragedy in Beawar Rajasthan
    16 ફેબ્રુઆરીના રોજ શુક્રવારે સાંજે સવા 6 વાગે સિલિન્ડર ફાટવાથી 5 લોકોના મોત થઇ ગયા હતા, જ્યારે 21થી વધુ લોકો ઘાયલ થયા હતા.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ