1

Divya Bhaskar

Home » National News » Desh » Freindship on FB turned to love marriage then deadbody of lady found in suitcase

FB દ્વારા થયેલી દોસ્તી પહોંચી લવમેરેજ સુધી, 6 મહિના પછી સૂટકેસમાં મળી લાશ

Divyabhaskar.com | Last Modified - Apr 13, 2018, 04:21 PM IST

છેલ્લા ચાર દિવસોથી રહસ્યમય હાલતમાં ગાયબ થયેલી નવી પરણેતરનું ગળું દબાવીને તેની હત્યા કરી દેવામાં આવી છે

  • ગ્રેટર નોઇડા: છેલ્લા ચાર દિવસોથી રહસ્યમય હાલતમાં ગાયબ થયેલી નવી પરણેતરનું ગળું દબાવીને તેની હત્યા કરી દેવામાં આવી છે. હત્યા પછી દહેજમાં મળેલી સૂટકેસમાં જ તેના શબને છુપાવીને ગાઝિયાબાદના કનવાની નાળા પાસે ફેંકી દેવામાં આવ્યું હતું. તેના છ મહિના પહેલા જ લગ્ન થયા હતા અને તે ચાર માસ ગર્ભવતી હતી. મળતી માહિતી પ્રમાણ, યુવક અને યુવતીની ફેસબુક પર દોસ્તી થઇ હતી, જે પ્રેમમાં પરિણમી હતી. બંનેના પરિવારજનોએ પહેલા વિરોધ દર્શાવ્યા બાદ આખરે રાજી થઇને બંનેના લગ્ન કરાવી આપ્યા હતા.

    સૂટકેસમાં મળ્યું યુવતીનું શબ

    - મંગળવારે મોડી રાતે સૂટકેસમાં શબ મળ્યા પછી આસપાસના જિલ્લાની પોલીસને સૂચના આપવામાં આવી.

    - યુવતીના પરિવારજનોએ સૂટકેસ અને પગમાં બાંધેલા કાળા દોરા અને ઝાંઝર જોઇને તેની ઓળખ કરી.
    - પરિવારજનોએ પતિ, સાસુ-સસરા તેમજ સાસરીના અન્ય લોકો વિરુદ્ધ દહેજ માટે હત્યા કરી હોવાનો કેસ નોંધાવ્યો છે.
    - પોલીસે તેના પતિની ધરપકડ કરી છે. પોલીસના જણાવ્યા પ્રમાણે, 24 વર્ષીય માલા ગાઝિયાબાદની રહેવાસી છે. ઘણા સમયથી તે બિસરખના હેબતપુરમાં રહેતી હતી.
    - 7 એપ્રિલની રાતે તે શંકાસ્પદ પરિસ્થિતિઓમાં ગાયબ થઇ ગઇ હતી. 8 એપ્રિલના રોજ બપોરે બે વાગે પતિ શિવમે બિસરખ પોલીસ સ્ટેશનમાં તેના ગાયબ થવાની ફરિયાદ નોંધાવી. ત્યારબાદ પોલીસે શોધખોળ શરૂ કરી.
    - મંગળવારે રાતે સાડા નવ વાગે ગાઝિયાબાદના ઇંદિરાપુરમ પોલીસ સ્ટેશનની પોલીસને કનાવનીમાં સૂટકેસમાં બંધ શબ મળ્યું. તેની સૂચના આસપાસના પોલીસ સ્ટેશનોમાં આપવામાં આવી.
    - જાણકારી મળતા યુવતીના પિતા રામ અવતાર તેમજ અન્ય લોકો ઇંદિરાપુરમ પહોંચ્યા ત્યારે સૂટકેસ ખોલતા જ માલાને ઓળખી ગયા.

    ફેસબુકથી થઇ દોસ્તી, નવેમ્બર 2017માં કર્યા હતા લગ્ન

    - શિવમ આઠ વર્ષથી નોઇડા સેક્ટર-18 સ્થિત ડીએલએફ મોલના એક ગાર્મેન્ટ શૉ-રૂમમાં કામ કરે છે. ફેસબુક પર માલા સાથે દોસ્તી થઇ.

    - માલા પણ બિસરખના હેબતપુરમાં ભાડા પર રહેતી હતી. ત્યારબાદ બંનેએ લગ્નની વાત કરી તો ઘરવાળાઓએ વિરોધ દર્શાવ્યો હતો.
    - બંનેએ જીદ કરતા પરિવારના લોકોએ 1 નવેમ્બર, 2017ના રોજ તેમના લગ્ન કરાવી આપ્યા હતા. તે ચાર માસ ગર્ભવતી પણ હતી.

    7 એપ્રિલની રાતે અચાનક થઇ હતી ગાયબ

    - તપાસમાં જાણ થઇ છે કે માલા 7 એપ્રિલની રાતે જ ગાયબ થઇ ગઇ હતી.

    - 8 એપ્રિલની બપોરે શિવમે ગાયબ થઇ હોવાનો રિપોર્ટ નોંધાવ્યો ત્યારે જણાવ્યું હતું કે 7 એપ્રિલની રાતે તે ડ્યૂટીથી ઘરે પહોંચ્યો તો પત્ની ન હતી.
    - તેના પિયરમાં પણ જાણ કરવામાં આવી હતી. રાતથી લઇને સવાર સુધી શોધ્યા પછી પણ કોઇ જાણકારી ન મળી ત્યારે રિપોર્ટ નોંધાવ્યો.

    આગળની સ્લાઇડમાં વાંચો, કયા પાસાઓ પર પોલીસ કરી રહી છે તપાસ અને શું છે યુવતીના પિતાનો આરોપ

  • Freindship on FB turned to love marriage then deadbody of lady found in suitcase
    +1બીજી સ્લાઈડ્સ જુઓ
    છ માસ પહેલા જ થયા હતા યુવતીના લગ્ન અને તે 4 માસ ગર્ભવતી પણ હતી.

    આ પાસાઓ પર થઇ રહી છે તપાસ

     

    - 7 એપ્રિલના રોજ માલા ગાયબ થઇ હતી, તે દિવસે શિવમ સેક્ટર-18 સ્થિત શૉ-રૂમમાં ડ્યૂટી કરવા પણ આવ્યો હતો.

    - મેનેજરે જણાવ્યું કે ઘટનાના બે દિવસ પહેલા શિવમ પત્નીને હોસ્પિટલ લઇ જવા માટે પૈસા લઇને ગયો હતો. 
    - શૉ-રૂમ મેનેજર વિક્રમે જણાવ્યું કે શિવમ શનિવારે સવારે 11 વાગે આવ્યો હતો અને રાતે 9 વાગે નીકળ્યો. 
    - રવિવારે શિવમે ફોન કરીને શૉરૂમ મેનેજરને ડ્યૂટી પર આવવાની ના પાડી દીધી હતી. 
    - પોલીસે કહ્યું કે, 8 એપ્રિલના રોજ શિવમ ઉતાવળે રિપોર્ટ નોંધાવવા માંગતો હતો, એવું કેમ?

     

    આગળની સ્લાઇડમાં વાંચો, પિતાનો આરોપ- 5 લાખ અને ગાડી માટે હત્યા

  • Freindship on FB turned to love marriage then deadbody of lady found in suitcase
    ફેસબુક પર થઇ હતી શિવમ અને માલાની દોસ્તી. (ફાઇલ)

    પિતાનો આરોપ- 5 લાખ અને ગાડી માટે હત્યા

     

    - માલાના પિતા રામ અવતારે આરોપ લગાવ્યો છે કે બંનેની મરજીથી ઘણો દહેજ આપીને લગ્ન કરવામાં આવ્યા હતા. 

    - ત્યારબાદ સાસરે હંમેશાં દીકરીને ત્રાસ આપવામાં આવતો હતો. 
    - શિવમ અને સાસરીવાળા 5 લાખ રૂપિયા અને ગાડીની માંગને લઇને દીકરીને હેરાન કરી રહ્યા હતા. 
    - પરંતુ, રૂપિયા નહીં આપવાને કારણે તમામે મળીને તેની હત્યા કરી દીધી અને શબને સૂટકેસમાં છુપાવી દીધું. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending