Divya Bhaskar

Home » National News » Latest News » National » 4 મહિનાની બાળકી સાથે દુષ્કર્મ કરનારને ફાંસીની સજા| Four Months Old Girl In Indore Murdered After Molesting

ઈન્દોરઃ બાળકી સાથે દુષ્કર્મ કેસમાં દોષિતને ફાંસી, 23 દિ'માં આવ્યો ચુકાદો

Divyabhaskar.com | Updated - May 12, 2018, 02:58 PM

જજે 7 દિવસ સુધી સાત-સાત કલાક માત્ર આ જ કેસની સુનાવણી કરી અને 23 દિવસમાં આપ્યો નિર્ણય

  • 4 મહિનાની બાળકી સાથે દુષ્કર્મ કરનારને ફાંસીની સજા| Four Months Old Girl In Indore Murdered After Molesting
    +1બીજી સ્લાઈડ્સ જુઓ
    કડક સુરક્ષા વચ્ચે કોર્ટમાં લાવવામાં આવ્યો હતો આરોપી નવીનને

    ઈન્દોરઃ રાજબાડાના મુખ્ય ગેટની પાસે ઓટલા પર માતા-પિતાની વચ્ચે સૂઈ રહેલી ચાર મહિનાની બાળકીનું અપહરણ, દુષ્કર્મ અને હત્યાના મામલામાં કોર્ટે એક શખ્સને દોષિત કરાર કર્યો અને ફાંસીની સજા સંભળાવી છે. જજે 7 દિવસ સુધી સાત-સાત કલાક માત્ર આજ કેસની સુનાવણી કરી અને 21 દિવસમાં સુનાવણી પૂરી કર્યા બાદ 23મા દિવસે શનિવારે ચુકાદો સંભળાવ્યો. ઉલ્લખેનીય છે કે, નવો કાયદો પોક્સો બન્યા બાદ આ પહેલો મામલો છે.

    શું છે મામલો?


    - રાજબાડાના મુખ્ય ગેટની પાસે 20 એપ્રિલની સવારે માતા-પિતાની વચ્ચે સૂઈ રહેલી 4 મહિનાની બાળકીને આરોપી નવીન ઉઠાવીને શ્રીનાથ પેલેસ બિલ્ડિંગના બેઝમેન્ટમાં લઈ ગયો હતો, જ્યાં તેની સાથે 15 મિનિટ સુધી દુષ્કર્મ કર્યું.
    - પછી એક બિલ્ડિંગની છતથી ફેંકીને હત્યા કરી દીધી. નવીન પીડિત બાળકીનો માસા છે.

    23 દિવસમાં જ આવ્યો ચુકાદો


    - 7 દિવસમાં પોલીસે રજૂ કરી દીધો રિપોર્ટ
    - 7 દિવસ કોર્ટમાં ટ્રાયલ ચાલી, જેમાં 29 સાક્ષીઓના નિવેદન લેવામાં આવ્યા.
    - 7 દિવસમાં જ સાગર લેબથી ડીએનએ ટેસ્ટ માટે બ્લડ સેમ્પલ રિપોર્ટ
    - ત્યારબાદ શનિવારે ચુકાદો સંભળાવવામાં આવ્યો.

    શું છે સમગ્ર ઘટનાક્રમ?
    - ઘટના 19-20 એપ્રિલની મધરાતનો છે. તેની સંવેદનશીલતા જોતા ડીઆઈજી હરિનારાયણાચારી મિશ્રએ તપાસ માટે એસઆઈટીની રચના કરી હતી.
    - કલેક્ટર નિશાંત વરવડેએ શાસન તરફથી રજૂઆત કરવા જિલ્લા લોક અભિયોજન અધિકારી મોહમ્મદ અકરમ શેખને વિશેષ લોક અભિયોજનક નિયુક્ત કર્યા.
    - એસઆઈટીના પ્રમુખ અને પોલીસ સ્ટેશન ઇન્ચાર્જ શિવપાલસિંહ કુશવાહે અનુસંધાન કરી સાતમા દિવસે 27 એપ્રિલે રિપોર્ટ રજૂ કરી દીધો.
    - 28 એપ્રિલે અભિયોજન પક્ષે 34 સાક્ષીઓની યાદી સાથે ટ્રાયલ પ્રોગ્રામ કોર્ટમાં રજૂ કર્યો.
    - કોર્ટે 1 મેથી ટ્રાયલ (સાક્ષીઓનું જુબાની) શરૂ કરી અને માત્ર 7 દિવસમાં 8 મેના રોજ 29 સાક્ષીઓની જુબાની પૂરી કરી ટ્રાયલ પૂરી કર્યો, જે સંભવતઃ આટલા સાક્ષીઓની સૌથી ઓછી અવધી છે.
    - પોલીસે ડીએનએ ટેસ્ટ માટે બ્લડના સેમ્પલ સાગર સ્થિત એફએસએલ લેબોરેટરી મોકલવામાં આવ્યા હતા. ત્યાં તપાસ પ્રાથમિક્તાથી થઈ અને માત્ર 7 દિવસમાં તપાસનો રિપોર્ટ મોકલવામાં આવ્યો. બંધ કવરમાં આવેલો રિપોર્ટ કોર્ટમાં ખોલવામાં આવ્યો તો તેમાં હત્યાની પુષ્ટિ થઈ.

    - 9 મેના રોજ આરોપીના નિવેદન કોર્ટમાં નોંધાયા જેમાં કોર્ટે તેને 80 સવાલ પૂછ્યા હતા. તમામ સવાલોના ઉત્તર આપતા આરોપીએ કહ્યું કે તે નિર્દોષ છે.
    - 10 મેના રોજ બંને પક્ષોના અંતિમ તર્ક રજૂ કરાયા અને કોર્ટે ચુકાદા માટે 12 મેની તારીખ નક્કી કરી હતી.

  • 4 મહિનાની બાળકી સાથે દુષ્કર્મ કરનારને ફાંસીની સજા| Four Months Old Girl In Indore Murdered After Molesting
    આરોપીને મળી ફાંસીની સજા
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending