Home » National News » Latest News » National » પૂર્વ વડાપ્રધાનના સ્વાસ્થ્યમાં સુધારો | Vajpayee has shown significant improvement in last 48 hours says AIIMS

પૂર્વ PMના સ્વાસ્થ્યમાં સુધારો, થોડા દિવસોમાં રજા મળી શકે છેઃ AIIMS

Divyabhaskar.com | Updated - Jun 13, 2018, 05:09 PM

છેલ્લાં ત્રણ દિવસથી AIIMSમાં દાખલ પૂર્વ વડાપ્રધાન અટલ બિહારી વાજપેયીને આગામી થોડાં દિવસોમાં હોસ્પિટલમાંથી રજા મળી શકે છે

  • પૂર્વ વડાપ્રધાનના સ્વાસ્થ્યમાં સુધારો | Vajpayee has shown significant improvement in last 48 hours says AIIMS
    +1બીજી સ્લાઈડ્સ જુઓ
    AIIMSમાં દાખલ પૂર્વ વડાપ્રધાન અટલ બિહારી વાજપેયીને આગામી થોડાં દિવસોમાં હોસ્પિટલમાંથી રજા મળી શકે છે- AIIMS

    નવી દિલ્હીઃ AIIMSમાં દાખલ 93 વર્ષના પૂર્વ વડાપ્રધાન અટલ બિહારી વાજપેયીના સ્વાસ્થ્યમાં સુધારો થઈ રહ્યો છે. બુધવારે સાંજે 4 વાગ્યે હેલ્થ બુલેટિન જાહેર કરવામાં આવ્યું હતું. જેમાં ડોકટરોએ કહ્યું કે છેલ્લાં 48 કલાકમાં તેમની સ્થિતિમાં ઘણો જ સુધારો થયો છે. કિડની, બ્લડપ્રેશર, સુગર નોર્મલ છે. સાથે જ ઈન્ફેકશન કંટ્રોલમાં છે. ત્યારે ડોકટરોએ આશા વ્યક્ત કરી છે કે આગામી થોડાંક દિવસોમાં વાજપેયીજી સંપૂર્ણ રીતે સ્વસ્થ થઈ જશે અને તેઓને હોસ્ટિપલમાંથી રજા આપી દેવામાં આવશે. બુધવારે યુપીના CM યોગી આદિત્યનાથ પણ વાજપેયીજીની તબિયત જોવા એઇમ્સ પહોંચ્યા હતા. વાજપેયીજીને 11 જૂને એઇમ્સમાં દાખલ કરવામાં આવ્યા હતા.

    સ્વાસ્થ્યમાં થઈ રહ્યો છે સુધારો


    - AIIMSના નિર્દેશક રણદીપ ગુલેરિયાએ જણાવ્યું કે, "વાજપેયીજીને 11 જૂને અહીં દાખલ કરવામાં આવ્યા હતા. તે સમયે તેમના હાર્ટમાં તકલીફ હતી. હાલ તેમની તબિયતમાં સુધારો થઈ રહ્યો છે અને બ્લડ શુગર પણ ઠીક છે."
    - AIIMSમાં દાખલ પૂર્વ વડાપ્રધાનના કેટલાંક મેડિકલ ટેસ્ટ બાદ તબીબોએ તેમને ICUમાંથી સામાન્ય વોર્ડમાં શિફ્ટ કરી દીધાં છે.
    - ડોકટરના રિપોર્ટ મુજબ અટલજી પ્રતિક્રિયાઓ આપી રહ્યાં છે. હાલ તો તેમને એન્ટીબાયોટિક્સ દવાઓના ડોઝ આપવામાં આવી રહ્યાં છે.
    - ડોકટરોનું કહેવું છે કે હાલ જે ઉપચાર ચાલી રહ્યો છે તેની અસર દર્દીમાં જોવા મળે છે.

    સોમવારે થયા હતા દાખલ


    - સોમવારે પૂર્વ વડાપ્રધાન અટલજીને સ્વાસ્થ્યને લઈને AIIMSમાં દાખલ કરવામાં આવ્યા હતા. AIIMS તરફથી દિવસમાં ત્રણ વખત મેડિકલ રિપોર્ટ જાહેર કરવામાં આવ્યો હતો.
    - પહેલાં એઇમ્સના ડોકટરોનું કહેવું હતું કે અટલજીને રૂટીન ચેકઅપ માટે હોસ્પિટલમાં લાવવામાં આવ્યા છે.
    - હોસ્પિટલ દ્વારા જાહેર કરવામાં આવેલા હેલ્થ બુલેટિનમાં AIIMSએ કહ્યું કે, વાજપેયીને લોઅર રિસ્પરેટરી ટ્રેક્ટ ઈન્ફેકશન અને કિડની સંબંધી મુશ્કેલીઓ બાદ દાખલ કરવામાં આવ્યા હતા.
    - બુલેટિનમાં કહેવાયું હતું વાજપેયીજીનો યોગ્ય ઈલાજ ચાલી રહ્યો છે અને તેઓને ડોકટરની એક ટીમની દેખરેખ હેઠળ રાખવામાં આવ્યાં છે.

    કઈ બિમારીથી પીડિત છે પૂર્વ વડાપ્રધાન?


    - 93 વર્ષના વાજપેયીજીને લોઅર રેસ્પિરેટરી ટ્રેક્ટ ઈન્ફેક્શન અને કિડની સંબંધી પડતી તકલીફોને કારણે AIIMSમાં દાખલ કરવામાં આવ્યા છે.
    - તપાસ દરમિયાન તેમને યુરિનરી ટ્રેક્ટ ઈન્ફેકશન થયું હોવાનું સામે આવ્યું છે.

    દેશભરમાં દુઆ, AIIMSની બહાર કરાયો હવન


    - મંગળવારે પૂર્વ પીએમ વાજપેયીના સ્વાસ્થ્ય લઈને દેશભરમાં પ્રાર્થનાઓ કરવામાં આવી હતી. AIIMSની બહારે પણ ભાજપ યુવા મોર્ચા દ્વારા હવન કરવામાં આવ્યો હતો.

    સંબંધિત સ્ટોરીના વધુ ફોટા માટે આગળની સ્લાઈડ પર ક્લિક કરો

  • પૂર્વ વડાપ્રધાનના સ્વાસ્થ્યમાં સુધારો | Vajpayee has shown significant improvement in last 48 hours says AIIMS
    વાજપેયીજીની તબિયતમાં સુધારો થઈ રહ્યો છે અને બ્લડ શુગર પણ ઠીક છે- AIIMSના નિર્દેશક રણદીપ ગુલેરિયા
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending