Home » National News » Desh » Firing in court complex one policeman murdered in Hisar Haryana

કોર્ટ પરિસરમાં ધોળાદિવસે બદમાશોએ કર્યું ફાયરિંગ, પોલીસકર્મીનું મોત

Divyabhaskar.com | Updated - May 09, 2018, 10:52 AM

ભિવાનીના સિવાની કોર્ટ પરિસરમાં ધોળે દહાડે બદમાશોએ ગોળી મારીને પોલીસકર્મીની હત્યા કરી દીધી

  • Firing in court complex one policeman murdered in Hisar Haryana
    +2બીજી સ્લાઈડ્સ જુઓ
    એમ્બ્યુલન્સ બોલાવવામાં આવી ત્યાં સુધી ઘાયલ થયેલા પોલીસકર્મી ભગીરથનું મોત થઇ ચૂક્યું હતું.

    હિસાર: ભિવાનીના સિવાની કોર્ટ પરિસરમાં ધોળે દહાડે બદમાશોએ ગોળી મારીને પોલીસકર્મીની હત્યા કરી દીધી. ઘટનાને અંજામ આપીને એક આરોપી ફરાર થઇ ગયો, જ્યારે બેની ધરપકડ કરી લેવામાં આવી. સ્થળ પર હાજર અન્ય પોલીસકર્મીઓએ વિસ્તારને પોતાના કબ્જામાં લઇ લીધો છે.

    પોલીસકર્મીનું સ્થળ પર જ થયું મોત

    આ ઘટના કોર્ટમાં રજૂ કરવા માટે લાવવામાં આવેલા એક બદમાશને છોડાવવા માટે કરવામાં આવી હતી. ત્રણ આરોપીઓએ એક પછી એર બે ફાયર કર્યા અને ગોળી પોલીસકર્મીને વાગી. ગોળી લાગવાથી પોલીસકર્મીનું સ્થળ પર જ મોત થઇ ગયું. મૃતક પોલીસકર્મીની ઓળખ હિસારના ગામ ગોરછી નિવાસી ભાગીરથ તરીકે થઇ છે. હુમલો કરનાર ત્રણ આરોપીઓમાંથી બે ઘાયલ થઇ ગયા છે, તેમાંથી બેને પકડી લેવામાં આવ્યા અને એક આરોપી ભાગી જવામાં સફળ રહ્યો.

    આરોપીને છોડાવવા માટે બદમાશોએ બનાવ્યો પ્લાન

    ઉલ્લેખનીય છે કે, ગામ સિવાની ઉપમંડળ અંતર્ગત આવતા ગામ બિડવાન નિવાસી આરોપીને કોર્ટમાં હાજરી માટે લાવવામાં આવ્યો હતો. મળતી માહિતી પ્રમાણે, હુમલાખોરોએ પહેલેથી જ ઘટનાને અંજામ આપવાની યોજના બનાવી રાખી હતી. આરોપીને લઇને આવેલા પોલીસકર્મીઓ કંઇ સમજી શકે તે પહેલા જ હુમલાખોરોએ ગોળીઓ વરસાવવાની શરૂ કરી દીધી. કોર્ટ પરિસરમાં જ્યાં સુધી એમ્બ્યુલન્સ બોલાવવામાં આવી ત્યાં સુધી ઘાયલ થયેલા પોલીસકર્મી ભગીરથનું મોત થઇ ચૂક્યું હતું.

  • Firing in court complex one policeman murdered in Hisar Haryana
    +1બીજી સ્લાઈડ્સ જુઓ
    આ ઘટના કોર્ટમાં રજૂ કરવા માટે લાવવામાં આવેલા એક બદમાશને છોડાવવા માટે કરવામાં આવી હતી.
  • Firing in court complex one policeman murdered in Hisar Haryana
    ગોળી લાગવાથી પોલીસકર્મીનું સ્થળ પર જ મોત થઇ ગયું.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending