Divya Bhaskar

Home » National News » Desh » Fake IAS demanded 4 crores worth dowry and other gifts from brides father at Agra

નકલી 'IAS'એ રાખી ડિમાન્ડ, લગ્ન કરવા હોય તો આપવું પડશે 4 કરોડનું દહેજ

Divyabhaskar.com | Updated - Jun 05, 2018, 12:37 PM

યુવક સાથે વાત કરવા પર તેણે કહ્યું હતું કે તે આઇએએસ છે અને દિલ્હીમાં OSD તરીકે પોસ્ટેડ છે

  • Fake IAS demanded 4 crores worth dowry and other gifts from brides father at Agra
    +1બીજી સ્લાઈડ્સ જુઓ
    યુવકે લગ્ન કરવા માટે યુવતીના પિતા પાસેથી 4 કરોડ રૂપિયા દહેજ માંગ્યું હતું.

    આગ્રા: મેટ્રિમોનિયલ વેબસાઇટ પર નકલી આઇએએસની પ્રોફાઇલ બનાવીને યુવતી સાથે સગાઇ કરવા આવેલા નકલી વ્યક્તિની પોલીસે રવિવારે ધરપકડ કરી લીધી. આરોપી સાથે તેના પિતા, કાકા અને ડ્રાઇવર પણ પકડાઇ ગયા છે. યુવકે લગ્ન કરવા માટે યુવતીના પિતા પાસેથી 4 કરોડ રૂપિયા દહેજ પણ માંગ્યું હતું.

    રાખી હતી શરત, 4 કરોડના લગ્ન કરવા પડશે

    - ન્યુ આગ્રા પોલીસ સ્ટેશન વિસ્તારના ગણેશનગરના નિવાસી દીપેન્દ્ર સિંહ (નામ બદલેલ છે)એ દીકરી માટે ઓનલાઇન મેટ્રિમોનિયલ વેબસાઇટ પર સંબંધ શોધ્યો હતો. તેમણે ઘણી પ્રોફાઇલ ચેક કર્યા બાદ ગાઝીપુર રહેતા શિવગોવિંદના દીકરા મંજીત રાજનો સંબંધ ફાઇનલ કર્યો હતો.

    - યુવક સાથે વાત કરવા પર તેણે કહ્યું હતું કે તે આઇએએસ છે અને દિલ્હીમાં OSD તરીકે પોસ્ટેડ છે. મુલાકાતના સમયે પણ મંજીત નેમપ્લેટ લગાવેલી ઇનોવા ક્રિસ્ટા કાર લઇને આવ્યો હતો.
    - મંજીતે યુવતીના પિતાને 4 કરોડના લગ્ન કરવા માટે કહ્યું હતું, જેના પર આરોપીના પિતાએ હસતા-હસતા થોડું વધતું-ઓછું થઇ શકે એમ કહ્યું હતું.

    4 લાખ રોકડા અને જ્વેલરી લીધા હતા

    - યુવતીના પિતાએ પોલીસને જણાવ્યું, "અમે સતત વરપક્ષના સંપર્કમાં હતા. તેમની વાતોથી શંકા થવા લાગી હતી કે યુવક ખોટું બોલી રહ્.યો છે, તે કોઇ આઇએએસ નથી. પરંતુ બદનામીના ડરથી અમે છેલ્લે સુધી ચૂપ રહ્યા."

    - "આ દરમિયાન યુવકે અમારી પાસેથી 4 લાખ રૂપિયા રોકડા અને તમામ જ્વેલરી સગાઇ પહેલા જ લઇ લીધી હતી. રવિવારે આરોપી દીકરી સાથે સગાઇ કરવા ઘરે આવ્યો તો અમે પોલીસને આ વાતની જાણ કરી દીધી."
    - "રવિવારે પોલીસે સ્થળ પરથી આરોપીની તેના પિતા શિવગોવિંદ, કાકા રામશંકર અને ડ્રાઇવર ધર્મેન્દ્ર સાથે ઇનોવા કાર, નેમપ્લેટ, દોઢ લાખના ઘરેણા અને અઢી લાખ રૂપિયાની કેશ સાથે ધરપકડ કરી લીધી."

    જેના માટે વેચી દીધી જમીન, તે છેડતીના મામલે જઇ ચૂક્યો છે જેલ

    - એસપી અભિષેક કુમારે જણાવ્યું, "આરોપી દિલ્હીમાં એએલએસ કોચિંગ ઇન્સ્ટિટ્યૂટથી સિવિલ સર્વિસીઝનું કોચિંગ કરી રહ્યો હતો. ગાઝીપુરમાં છેડતીના મામલામાં 10 દિવસ જેલમાં પણ રહી ચૂક્યો છે. તેણે એફબી પર પોતાને આઇએએસ જણાવ્યો છે અને તેના આધારે રાજનેતાઓ અને ઓફિસરો સાથે દોસ્તી કરતો હતો. કન્યાપક્ષના લોકોને પણ વિશ્વાસ બેસી જાય એટલા માટે એફબી પ્રોફાઇલ બતાવી હતી. અમે આ કેસની વિસ્તારપૂર્વકની તપાસ કરી રહ્યા છીએ."

    - યુવતીના પિતાએ પોતાની તમામ સંપત્તિ વેચીને આશરે એક કરોડના દહેજની તૈયારી કરી હતી.

  • Fake IAS demanded 4 crores worth dowry and other gifts from brides father at Agra
    પ્રતીકાત્મક તસવીર
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending