Divya Bhaskar

Home » National News » Latest News » National » J&K: Encounter between security force and terrorists in Pulwama

J&K: પુલવામામાં આતંકીઓ સાથેની અથડામણમાં CRPF જવાન શહીદ

Divyabhaskar.com | Updated - May 12, 2018, 10:10 AM

પુલવામામાં થઇ રહેલા આ એન્કાઉન્ટરને લીધે સુરક્ષાની દ્રષ્ટિએ ઇન્ટરનેટની સેવાઓ બંધ કરવામાં આવી છે

  • J&K: Encounter between security force and terrorists in Pulwama
    +1બીજી સ્લાઈડ્સ જુઓ
    સેનાની રાષ્ટ્રીય રાઇફલ્સના અધિકારીઓને શુક્રવારે મોડી રાતે પુલવામાના બારગામ ગામમાં 2-3 આતંકીઓનું એક જૂથ છુપાયેલું હોવાની જાણકારી મળી હતી.

    શ્રીનગર: કાશ્મીરના પુલવામામાં શુક્રવારે મોડી રાતે શરૂ થયેલી અથડામણમાં સુરક્ષાદળોએ આતંકીઓના એક જૂથને એક મકાનમાં ઘેરી લીધું છે. મળતી માહિતી પ્રમાણે, સર્ચ ઓપરેશન દરમિયાન શરૂ થયેલી આ અથડામણમાં સુરક્ષાદળોએ આતંકીઓને ઘેર્યા પછી બંને તરફથી જબરદસ્ત ગોળીબાર કરવામાં આવી રહ્યો છે. આ અથડામણમાં સીઆરપીએફનો એક જવાન શહીદ થયો છે.

    સેનાને પુલવામામાં આતંકી જૂથ છુપાયેલું હોવાની મળી હતી જાણકારી

    - પુલવામામાં થઇ રહેલા આ એન્કાઉન્ટરને લીધે સુરક્ષાની દ્રષ્ટિએ ઇન્ટરનેટની સેવાઓ બંધ કરવામાં આવી છે. જણાવવામાં આવી રહ્યું છે કે સેનાની રાષ્ટ્રીય રાઇફલ્સના અધિકારીઓને શુક્રવારે મોડી રાતે પુલવામાના બારગામ ગામમાં 2-3 આતંકીઓનું એક જૂથ છુપાયેલું હોવાની જાણકારી મળી હતી.

    - આ ઇનપુટ મળ્યા પછી સેનાના અધિકારીઓએ તાત્કાલિક કાર્યવાહી કરીને સેનાની 55 રાષ્ટ્રીય રાઇફલ્સ, જમ્મુ-કાશ્મીર પોલીસની એસઓજી અને સીઆરપીએફની 182મી બટાલિયનના જવાનોને સ્થળ પર મોકલ્યા.
    - જવાનોના સ્થળ પર પહોંચ્યા પછી પુલવામાના ચિનાર બાગ અને બારગામ વિસ્તારોમાં આતંકીઓને શોધવા માટે સર્ચ ઓપરેશન શરૂ કરવામાં આવ્યું. આ સર્ચ ઓપરેશન દરમિયાન જ ચિનાર બાગ પાસે આવેલા એક મકાનમાં છુપાયેલા આતંકીઓએ સુરક્ષાદળો પર ફાયરિંગ શરૂ કરી દીધું, જે પછી સેનાએ પણ પોતાનું કાઉન્ટર ઓપરેશન શરૂ કર્યું.

    અથડામણમાં CRPF જવાન શહીદ

    - ઓપરેશન દરમિયાન જ અથડામણના સ્થળની આસપાસના વિસ્તારમાં ભારે પથ્થરબાજી પણ શરૂ થઇ ગઇ, જેને જોતાં સ્થળ પર સીઆરપીએફ અને એસઓજીની ઘણી

    ટીમોને મોકલવામાં આવી.
    - આ દરમિયાન આતંકીઓના ગોળીબારમાં સીઆરપીએફનો એક જવાન ગંભીર રીતે ઘાયલ થઇ ગયો, જેને તાત્કાલિક ઇલાજ માટે પહેલા પુલવામા જિલ્લા હોસ્પિટલ

    અને પછી શ્રીનગરના 92 બેઝ હોસ્પિટલમાં રિફર કરવામાં આવ્યો. ત્યારબાદ ઉતાવળમાં હોસ્પિટલ પહોંચાડવામાં આવેલા સીઆરપીએફના જવાનને ડોક્ટરોએ મૃત જાહેર

    કરી દીધા.

  • J&K: Encounter between security force and terrorists in Pulwama
    જવાનોના સ્થળ પર પહોંચ્યા પછી પુલવામાના ચિનાર બાગ અને બારગામ વિસ્તારોમાં આતંકીઓને શોધવા માટે સર્ચ ઓપરેશન શરૂ કરવામાં આવ્યું.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending