Divya Bhaskar

Home » National News » Latest News » National » Delhi HC called PNB fraud case Sketchy seeks ED response on Nirav Modi firm plea

PNB ફ્રોડઃ હજુ સ્પષ્ટ નથી કે કૌભાંડ કેટલાનું છે, ED તમામ દસ્તાવેજો રજૂ કરે- હાઈકોર્ટ

Divyabhaskar.com | Updated - Mar 07, 2018, 04:35 PM

દિલ્હી હાઈકોર્ટે નીરવ મોદીની ફર્મ ફાઈવસ્ટાર ડાયમંડ તરફથી આ કાર્યવાહી વિરૂદ્ધ કરવામાં આવેલી પિટીશન પર સુનાવણી કરી હતી.

  • Delhi HC called PNB fraud case Sketchy seeks ED response on Nirav Modi firm plea
    +1બીજી સ્લાઈડ્સ જુઓ
    દિલ્હી હાઈકોર્ટે કહ્યું છે કે PNB ફ્રોડ કુલ કેટલાનું છે અને ED તેના પર કયા આધારે કાર્યવાહી કરી રહ્યું છે તે અંગે હજુ કોઈ સ્પષ્ટતા નથી કરી

    નવી દિલ્હીઃ દિલ્હી હાઈકોર્ટે કહ્યું છે કે PNB ફ્રોડ કુલ કેટલાનું છે અને ED તેના પર કયા આધારે કાર્યવાહી કરી રહ્યું છે તે અંગે હજુ કોઈ સ્પષ્ટતા નથી કરી. કોર્ટે નીરવ મોદીની ફર્મ ફાઈવસ્ટાર ડાયમંડ તરફથી આ કાર્યવાહી વિરૂદ્ધ કરવામાં આવેલી પિટીશન પર સુનાવણી કરી હતી. કોર્ટે આ મામલે EDને નોટિસ આપી 19 માર્ચે થનારી વધુ સુનાવણીનાં રોજ કેસ સંબંધિત તમામ દસ્તાવેજ રજૂ કરવાનું કહ્યું છે.

    હાઈકોર્ટે વધુ શું કહ્યું?


    - પિટીશન પર જસ્ટિસ એસ. મુરલીધર અને IAS મહેતાની બેંચે સુનાવણી કરી હતી. બેંચે કહ્યું કે, "કેસ સ્કેચી છે, જોઈએ ED શું કહે છે, કેમકે વિજય અગ્રવાલ (નીરવના વકીલ) પોતે કેસના તથ્યોને લઈને આશ્વસ્ત નથી."
    - બેંચે ED સમક્ષ ફાઈવસ્ટાર ડાયમંડ ઈન્ટરનેશનને સર્ચ વોરંટની કોપી સહિત કેસ સાથે જોડાયેલાં દસ્તાવેજો આપવાનું કહ્યું છે. બેંચે કાર્યવાહી પર સ્ટે લગાવવ અંગે હાલ ઈન્કાર કરી દીધો છે. બેંચે કહ્યું કે EDનો જવાબ આવ્યાં પછી સ્ટે પર વિચાર કરી શકાય છે.
    - બેંચે EDને PNB ફ્રોડ સાથે જોડાયેલી અત્યારસુધીની કાર્યવાહીનો રિપોર્ટને આગામી સુનાવણી દરમિયાન રજૂ કરવાનું કહ્યું છે.

    પિટીશનમાં શું માગ કરવામાં આવી હતી?


    - ફાઈવસ્ટાર ડાયમંડના વકીલ વિજય અગ્રવાલે પિટીશનમાં ફર્મ વિરૂદ્ધ PNB ફ્રોડને લઈને કરવામાં આવેલી EDની કાર્યવાહી પર રોક લગાવવાની માગ કરી હતી.
    - આ ઉપરાંત કોર્ટ સમક્ષ માગ કરવામાં આવી હતી કે ED ફર્મને એન્ફોર્સમેન્ટ કેસ ઈન્ફોર્મેશન રિપોર્ટની કોપી આપે, જેના આધારે એજન્સી ફર્મના ઠેકાણાં પર દરોડા અને સીઝ કરવાની કાર્યવાહી કરી.
    - તો એડિશનલ સોલિસિટર જનરલ સંદીપ સેઠી અને વકીલ અમિત મહાજને ફર્મની પિટીશનને પ્રી-મેચ્યોર અને આધારહીન ગણાવી છે.

    શું કાર્યવાહી થઈ?


    - PNB કૌભાંડમાં અત્યારસુધીમાં EDએ દેશભરમાં નીરવ મોદી સાથે જોડાયેલાં 6,393 કરોડથી વધુની પ્રોપર્ટી જપ્ત કરી છે. નીરવના ઠેકાણાંઓ પરથી જપ્ત કરાયેલી જ્વેલરી અને પ્રોપર્ટીની વેલ્યૂએશન કરાવવામાં આવી રહી છે.
    - તો ગીતાંજલિ જેમ્સના શોરૂમમાં પણ દરોડા પાડવામાં આવ્યા હતા. જેમાં 22 કરોડ રૂપિયાની જ્વેલરી જપ્ત થઈ છે અને હજાર કરોડ રૂપિયાની પ્રોપર્ટી અટેચ કરવામાં આવી છે.
    - આ ઉપરાંત મુંબઈની સ્પેશિયલ કોર્ટે 3 ફેબ્રુઆરીનાં રોજ નીરવ મોદી અને મેહુલ ચોકસી વિરૂદ્ધ બિન જામીન વોરંટ જાહેર કર્યું છે. નીરવના વકીલે તેને હાઈકોર્ટમાં પડકારવાની વાત કરી છે.

    આગળની સ્લાઈડમાં વાંચો શું છે PNB કૌભાંડ?

  • Delhi HC called PNB fraud case Sketchy seeks ED response on Nirav Modi firm plea
    ફાઈવસ્ટાર ડાયમંડના વકીલ વિજય અગ્રવાલે પિટીશનમાં ફર્મ વિરૂદ્ધ PNB ફ્રોડને લઈને કરવામાં આવેલી EDની કાર્યવાહી પર રોક લગાવવાની માગ કરી હતી (ફાઈલ)

    શું છે PNB કૌભાંડ?


    - PNBએ ગત દિવસોમાં સેબી અને બોમ્બે સ્ટોક એક્સચેન્જને 11,421 કરોડ રૂપિયાના કૌભાંડની જાણકારી આપી. કૌભાંડ મુંબઈની બ્રેડી હાઉસ બ્રાંચમાં થયું છે. 2011થી 2018ની વચ્ચે હજારો કરોડોની રકમ 297 નકલી લેટર ઓફ અંડરટેકિંગની મદદથી વિદેશી એકાઉન્ટસમાં ટ્રાંસફર કરાયાં છે.
    - PNBએ હાલમાં જ CBIને બેંકમાં 1300 કરોડના નવા ફ્રોડની જાણકારી આપી હતી. આ મેહુલ ચોકસીની કંપની ગીતાંજલિ જેમ્સ સાથે જોડાયેલો છે. આ રીતે PNB ફ્રોડ 11,421થી વધીને 12,672 કરોડ થઈ ગયું છે.
    - બેંક ફ્રોડમાં હીર વેપારી નીરવ મોદી અને ગીતાંજલિ જેમ્સના માલિક મેહુલ ચોકસી મુખ્ય આરોપી છે. બંને દેશ છોડીને ભાગી ગયા છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending