હિમાચલ પ્રદેશના કાંગડા જિલ્લામાં નૂરપુરમાં સોમવારે સાંજે એક સ્કૂલ બસ 200 ફૂટના ખાઈમાં પડી ગઈ હતી. આ ઘટનામાં 29 બાળકો સહિત 32 લોકોના મોત થયા છે અને 15 લોકો ઘાયલ થયા છે. બસ સ્કૂલના બાળકોને ઘરે મુકવા જતી હતી.
શિમલા: હિમાચલ પ્રદેશના કાંગડા જિલ્લામાં નૂરપુરમાં સોમવારે સાંજે એક સ્કૂલ બસ 200 ફૂટના ખાઈમાં પડી ગઈ હતી. આ ઘટનામાં 29 બાળકો સહિત 32 લોકોના મોત થયા છે અને 15 લોકો ઘાયલ થયા છે. બસ સ્કૂલના બાળકોને ઘરે મુકવા જતી હતી. નોંધનીય છે કે, હિમાચલ પ્રદેશ દેશના ફેવરિટ ટૂરિસ્ટ સ્પોટમાંથી એક છે. અહીનું વાદળીયુ વાતાવરણ ઘણા ટૂરિસ્ટોને એટલુ પસંદ આવ્યું છે કે, તેઓ અહીં ફરવા આવ્યા હોય અને પછી અહીં જ રોકાઈ ગયા હોય. જોકે હિમાચલ પ્રદેશની સુંદરતા જોવા માટે ઘણી વાર જોખમ પણ ઉપાડવું પડે છે. તેનું કારણ છે અહીંના રોડ રસ્તા. હજારો ફૂટની ઉંચાઈ પર આવેલા હિમાચલ પ્રદેશના રસ્તાઓ પર ડ્રાઈવિંગ કરવું સહેજ પણ સરળ નથી. અહીં એક ભૂલથી વ્યક્તિ હંમેશા માટે જીવ ગુમાવી દે તેવુ પણ બની શકે છે.
લોકોને આ વાતનો લાગે છે ડર
- હિમાચલ પ્રદેશના કિન્નૌર, ચંબા, લાહૌલ- સ્પીતિ જિલ્લામાં પગાડ તોડીને રસ્તો બનાવ્યો હતો.
- આ રસ્તા ઉપર જો થોડી ક ભૂલ થાય તો પણ ગાડી હજારો ફૂટ ઉંડી ખાઈમાં પડી જાય છે.
- ત્યારપછી જીવ બચવાની શક્યતા ખૂબ ઓછી હોય છે. એટલે કે અહીં રસ્તા ઉપર એક ભૂલ હજારોના જીવ લઈ શકે છે.
- આ જ કારણ છે કે, ઉંચા પહાડો પર ચાલતી ગાડીઓમાં બેઠેલા બહારના લોકોના મનમાં હંમેશા એક પ્રકારનો ડર રહેલો હોય છે.
લોકલ ડ્રાઈવર ચલાવે છે ગાડી
- આ રસ્તાઓ ઉપર અહીંના લોકલ ડ્રાઈવરોને જ ગાડીઓ ચલાવવાની મંજૂરી આપવામાં આવતી હોય છે.
- વિદેશી ટૂરિસ્ટોની સાથે સાથે અન્ય રાજ્યોના લોકોની પ્રાઈવેટ ગાડીને પણ અહીંના લોકો જ ડ્રાઈવ કરે છે.
- હિમાચલની સ્ટેટ બસ જે રસ્તાઓ ઉપરથી પસાર થાય છે તેમાં બહારના બેઠેલા લોકો ડ્રાઈવરના વખાણ કરતા થાકતા નથી.
અહીંના આ રસ્તાઓ છે ખૂબ ખતરનાક
- મનાલીથી કલ્પા, લાહોલ-સ્પીતિના રિકાંગપિઓ અને રોહતાંગના રસ્તાઓ ખૂબ ખરાબ માનવામાં આવે છે.
- આ રસ્તાઓ ઉપર પણ થોડી ભૂલ થાય તો ગમે તે ર્દુઘટનાનો ડર રહેતો હોય છે.
- સરકારી આંકડાઓના જણાવ્યા પ્રમાણે, દર વર્ષે અહીં રોડ એક્સિડન્ટમાં અંદાજે 700 લોકોના જીવ જાય છે.
- ગયા વર્ષે સપ્ટેમ્બરમાં કિન્નૌરના ઉંચા રસ્તા પરથી એક બસ પલટાઈ ગઈ હોવાથી અંદાજે 50 લોકોના મોત થયા હતા.
- જોકે એડ્વેન્ચરના શોખિન લોકો આ રસ્તાઓની ખૂબ મજા લેતા હોય છે.
- ટૂરિસ્ટ હજારો ફૂટની ઉંચાઈથી હિમાચલનું વાતાવરણ જોઈને અહીંની સુંદરતાના ફેન થઈ જાય છે.
આગળની સ્લાઈડમાં જુઓ અન્ય તસવીરો
