Home » National News » Latest News » National » કર્ણાટકમાં બાજી મારી કોંગ્રેસના વરિષ્ઠ નેતાઓએ વધુ એક વખત પોતાની જોડતોડની રાજનીતિનો પરિચય આપ્યો | Congress senior leaders key role in Karnataka to allince with JDS

કર્ણાટકઃ કોંગ્રેસના સિનિયર નેતાઓની કઈ રણનીતિ ભાજપને પડી ભારે?

Divyabhaskar.com | Updated - May 22, 2018, 03:35 PM

કર્ણાટક વિધાનસભા ચૂંટણીનું પરિણામ આવતાં જ કોંગ્રેસના વરિષ્ઠ નેતાઓએ તત્પરતા દેખાડી ભાજપને કોઈ તક આપવાની ભૂલ કરી ન હતી.

  • કર્ણાટકમાં બાજી મારી કોંગ્રેસના વરિષ્ઠ નેતાઓએ વધુ એક વખત પોતાની જોડતોડની રાજનીતિનો પરિચય આપ્યો | Congress senior leaders key role in Karnataka to allince with JDS
    +4બીજી સ્લાઈડ્સ જુઓ
    કર્ણાટકમાં કોંગ્રેસના સીનિયર નેતાઓએ એવું જાળું રચ્યું કે ભાજપના નેતાઓ તેમાં જ ફસાય ગયા (ફાઈલ)

    નેશનલ ડેસ્કઃ કર્ણાટકમાં ભાજપને સત્તાથી દૂર રાખવામાં કોંગ્રેસને અંતે સફળતા મળી છે. કોંગ્રેસે ચૂંટણી હાર્યા બાદ પણ એવી રમત રમી કે ભાજપના ખેલાડીઓ ભોંય ભેગા થઈ ગયા. જે રીતે ભાજપે ગોવા, મેઘાલય અને મણિપુરમાં કોંગ્રેસને માત આપીને સરકાર બનાવી હતી તેવી જ રીતે કર્ણાટક જેવાં મોટા રાજ્યમાં કોંગ્રેસ JDSની સાથે રહીને સરકાર બનાવવા જઈ રહ્યું છે. જો કે આ ચાણક્ય નીતિ પાછળ કોંગ્રેસ અધ્યક્ષ નહીં પરંતુ પક્ષના જ કેટલાંક વરિષ્ઠ નેતાઓનું યોગદાન છે. જેમ ઘરડા ગાડા વાળે તેવી જ રીતે કર્ણાટકમાં કોંગ્રેસના સિનિયર નેતાઓએ પક્ષની આબરૂ સાચવી છે.

    કોંગ્રેસના વરિષ્ઠ નેતાઓની રણનીતિ સામે ભાજપ ગૂંચવાયું


    - કર્ણાટક વિધાનસભા ચૂંટણીનું પરિણામ આવતાં જ કોંગ્રેસે તત્પરતા દેખાડી ભાજપને કોઈપણ તક આપવાની ભૂલ કરી ન હતી.
    - કોંગ્રેસના સિનિયર નેતાઓએ એવું જાળું રચ્યું કે ભાજપના નેતાઓ તેમાં જ ફસાઈ ગયા.
    - કોંગ્રેસ તરફથી પડદા પાછળની મોર્ચાબંધી અહેમદ પટેલ પાસે હતી. તો ભાજપ અમિત શાહના ઈશારે કામ કરી રહ્યાં હતા.
    - જો કે ગુજરાત રાજ્યસભાની ચૂંટણીની જેમ અહેમદ પટેલ ફરી એક વખત અમિત શાહ પર ભારે પડ્યા.

    જોડતોડ અને ગઠબંધનની રાજનીતિ માટે સિનિયર નેતાઓ જરૂરી

    - કોંગ્રેસની સિનિયર ટીમે જે રીતે સમગ્ર મામલાને મેનેજ કરી જે 2008 પછી ફરીથી જોવા મળ્યું છે, જ્યારે મનમોહનસિંહની સરકાર વિશ્વાસ મત હાંસલ કરી રહી હતી.
    - રાહુલ ગાંધીની આગેવાનીમાં પાર્ટીમાં મોટા ફેરફારો થઈ રહ્યાં છે. કોંગ્રેસ અધ્યક્ષ યુવા નેતાઓને આગળ કરી રહ્યાં છે.
    - જો કે હકિકત એ છે કે 2019ની લોકસભા ચૂંટણીની પહેલાં અને પછી પણ રાહુલ ગાંધી જોડતોડ અને ગઠબંધનની રાજનીતિ માટે સિનિયર નેતાઓ પર નિર્ભર રહેવું પડશે.
    - ત્યારે કર્ણાટકમાં સાબિત થઈ ગયું કે કોંગ્રેસ પાસે આ પ્રકારની રાજનીતિનો અનુભવ અને તાકાત બંને છે.

    કોંગ્રેસના તારણહાર


    - કર્ણાટક વિધાનસભા ચૂંટણીના પરિણામ આવે તે પહેલાં જ ગુલામનબી આઝાદ અને અશોક ગેહલોત બેંગાલૂરુ પહોંચી ગયા હતા.
    - ગુલામનબી આઝાદના સિદ્ધારમૈયા સાથે સારા સંબંધો છે, પરિણામે JDS સાથેના ગઠબંધનની વાત આવી તો સિદ્ધારમૈયા નનૈયો ન ભણી શક્યા.
    - તો અશોક ગેહલોત રાજસ્થાનના બે વખત મુખ્યમંત્રી રહી ચૂક્યાં છે, ત્યારે તેમને ખ્યાલ જ હતો કે કઈ રીતે ધારાસભ્યોને તૂટતાં બચાવી શકાય. જ્યારે અહેમદ પટેલે દિલ્હીથી બેંગાલૂરુ અને ચંદીગઢ તેમજ પિંજોર સુધીના મેનેજમેન્ટમાં કોઈ જ કસર છોડી ન હતી.
    - ધારાસભ્યોને તૂટતાં બચાવવાથી લઈને પાર્ટીના લીગલ એક્સપટર્સ સુધીના લોકોને યોગ્ય સમયે કામ પર લગાડ્યાં તેમજ ગઠબંધનના સાથીઓ સાથે પણ અહેમદ પટેલ વાત કરતા રહ્યાં હતા.
    - જોકે એ પણ હકિકત છે કે આ જ અહેમદ પટેલ અને કમલનાથ મેઘાલયમાં અમિત શાહની ચાલનો જવાબ આપી શક્યા ન હતા.

    આગળ વાંચો કર્ણાટક-ગુજરાતમાં કોણ હતા કોંગ્રેસના તારણહાર?

  • કર્ણાટકમાં બાજી મારી કોંગ્રેસના વરિષ્ઠ નેતાઓએ વધુ એક વખત પોતાની જોડતોડની રાજનીતિનો પરિચય આપ્યો | Congress senior leaders key role in Karnataka to allince with JDS
    +3બીજી સ્લાઈડ્સ જુઓ
    ડી.કે.શિવકુમાર ગુજરાતની રાજ્યસભાની ચૂંટણી સમયે ગુજરાતના ધારાસભ્યોને સાચવવાની જવાબદારી સફળતાપૂર્વક નિભાવી હતી (ફાઈલ)

    ડી.કે.શિવકુમારની પણ મહત્વની ભૂમિકા


    - કોંગ્રેસની સરકારમાં ડી.કે.શિવકુમાર ઉર્જા મંત્રી હતા. જો કે મુખ્યમંત્રી સાથે તેમના સંબંધ સારા ન હતા. પરંતુ દિલ્હીમાં હાઇકમાન્ડમાં તેમની મજબૂત પકડને કારણે તેઓ સરકારમાં ટકી રહ્યાં. 
    - ડી.કે.શિવકુમાર ગુજરાતની રાજ્યસભાની ચૂંટણી સમયે ગુજરાતના ધારાસભ્યોને સાચવવાની જવાબદારી સફળતાપૂર્વક નિભાવી ચૂક્યાં છે. 
    - તો વર્ષો પહેલાં વિલાસરાવ દેશમુખની સરકાર બચાવવામાં પણ તેઓએ મહત્વની ભૂમિકા ભજવી હતી. 

     

    આગળ વાંચો નોર્થ ઇસ્ટના રાજ્યોમાં ભાજપનો ગઢ મજબૂત બનાવનાર નેતા અંગે

  • કર્ણાટકમાં બાજી મારી કોંગ્રેસના વરિષ્ઠ નેતાઓએ વધુ એક વખત પોતાની જોડતોડની રાજનીતિનો પરિચય આપ્યો | Congress senior leaders key role in Karnataka to allince with JDS
    +2બીજી સ્લાઈડ્સ જુઓ

    હેમંત બિસ્વાના કારણે નોર્થ-ઇસ્ટ ભાજપની પાસે


    - કોંગ્રેસમાં આસામના પૂર્વ મુખ્યમંત્રી તરૂણ ગોગોઈના ખાસ નેતાઓમાં હેમંત બિસ્વા સર્માનું નામ આવતું હતું. પરંતુ બંને વચ્ચે વિવાદ વધતો ગયો.
    - રાહુલ ગાંધી બંને નેતાઓ વચ્ચેના વિવાદનું સમાધાન ન કરાવી શક્યા. 
    - ભાજપે તક જોતા હેમંત બિસ્વાને પોતાના પક્ષમાં સમાવી લીધા. ભાજપમાં જતા હેમંત બિસ્વાએ કોંગ્રેસ માટે મુશ્કેલી ઊભી કરી પરિણામે પૂર્વોત્તર ભારત એક સમયે કોંગ્રેસનું ગઢ ગણાતું તે આજે ભાજપનો ગઢ બની ગયું છે. 
    - આસામ, ત્રિપુરા, અરૂણાચલ પ્રદેશ, મેઘાલયમાં ભાજપની સરકાર બની ગઈ. કોંગ્રેસ હેમંતને પાર્ટીમાં રોકી ન શકવાનું પરિણામ ભોગવે છે. 
    - કોંગ્રેસના વરિષ્ઠ નેતાઓ જોડતોડના રાજકારણમાં પાવરધા છે જેનું પરિણામ 2008માં મનમોહન સરકારને બહુમત સાબિત કરવા સમયે જોવા મળ્યું હતું. અને તેથી રાહુલ ગાંધીએ કહ્યું હતું કે પક્ષના વરિષ્ઠ નેતાઓનું સન્માન જળવાઈ રહેશે. 

  • કર્ણાટકમાં બાજી મારી કોંગ્રેસના વરિષ્ઠ નેતાઓએ વધુ એક વખત પોતાની જોડતોડની રાજનીતિનો પરિચય આપ્યો | Congress senior leaders key role in Karnataka to allince with JDS
    +1બીજી સ્લાઈડ્સ જુઓ
    ગુજરાત રાજ્યસભાની ચૂંટણીની જેમ અહેમદ પટેલ ફરી એકવખત અમિત શાહ પર ભારે પડ્યા (ફાઈલ)
  • કર્ણાટકમાં બાજી મારી કોંગ્રેસના વરિષ્ઠ નેતાઓએ વધુ એક વખત પોતાની જોડતોડની રાજનીતિનો પરિચય આપ્યો | Congress senior leaders key role in Karnataka to allince with JDS
    રાહુલ ગાંધીને યુવા નેતાઓની સાથે વરિષ્ઠ નેતાઓની એટલી જ જરૂર (ફાઈલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ