• Home
  • National News
  • Latest News
  • National
  • રાહુલ ગાંધીએ કહ્યું કે કોકા કોલા કંપનીના માલિક અમેરિકામાં શિકંજી વેચતા હતા | Rahul Gandhi talk about origins of the coca cola McD

શિકંજી વેચનારાએ કોકા કોલા તો ઢાબાવાળાએ બનાવ્યું મેકડોનાલ્ડ્સ- રાહુલ

Divyabhaskar.com

Jun 11, 2018, 03:59 PM IST
દિલ્હીના તાલ કટોરા સ્ટેડિયમમાં પાર્ટીના OBC કાર્યકર્તાઓને સંબોધિત કર્યાં
દિલ્હીના તાલ કટોરા સ્ટેડિયમમાં પાર્ટીના OBC કાર્યકર્તાઓને સંબોધિત કર્યાં
રાહુલે જણાવ્યું કે મેકડોનાલ્ડ કંપનીની શરૂઆત કરનાર શખ્સ ઢાબો ચલાવતો હતો (ફાઈલ)
રાહુલે જણાવ્યું કે મેકડોનાલ્ડ કંપનીની શરૂઆત કરનાર શખ્સ ઢાબો ચલાવતો હતો (ફાઈલ)

રાહુલ ગાંધીએ સોમવારે દાવો કર્યો છે કે કોકા કોલા કંપનીના માલિક પહેલાં શિકંજી વેચતા હતા. તો મેકડોનાલ્ડની ચેન શરૂ કરનાર શખ્સ પહેલાં ઢાબો ચલાવતો હતો. જે બાદ તેઓએ કાર્યક્રમમાં હાજર લોકોને સવાલ કર્યો કે ભારતમાં શું કોઈ એવો ઢાબો મળશે

નવી દિલ્હીઃ રાહુલ ગાંધીએ સોમવારે દાવો કર્યો છે કે કોકા કોલા કંપનીના માલિક પહેલાં શિકંજી વેચતા હતા. તો મેકડોનાલ્ડની ચેન શરૂ કરનાર શખ્સ પહેલાં ઢાબો ચલાવતો હતો. જે બાદ તેઓએ કાર્યક્રમમાં હાજર લોકોને સવાલ કર્યો હતો કે ભારતમાં શું કોઈ એવો ઢાબો મળશે જેને કોલા કંપની બનાવી હોય. તેઓએ આ વાત તાલકટોરા સ્ટેડિયમમાં પાર્ટીના OBC કાર્યકર્તાઓને સંબોધિત કરતા કહી હતી.

'ભારતમાં નથી જોવા મળતો એવો ઢાબાવાળો'


- રાહુલે કહ્યું, "અહીં કોઈ એવો વ્યક્તિ નહીં હોય જેને કોકા કોલા કંપની અંગે નહીં સાંભળ્યું હોય. શું તમને ખ્યાલ છે કે તેને કોને બનાવી છે. હું આપને જણાવીશ કે તે કંપની બનાવનાર કોણ હતો. કોકા કોલાની શરૂઆત કરનાર શખ્સ અમેરિકામાં શિકંજી વેચતો હતો. તે પાણીમાં ખાંડ મિક્સ કરીને વેચતો હતો. જે હુન્નરને લોકોએ ઓળખી, પૈસા આવ્યાં અને તેને કંપની શરૂ કરી."
- "આવી જ રીતે મેકડોનાલ્ડ કંપનીની શરૂઆત એક ઢાબો ચલાવનાર શખ્સે કરી હતી. તમે મને ભારતમાં એવો ઢાબો દેખાડો કે જેને કોલા કંપની બનાવી હોય."

મોદીએ ઉદ્યોગપતિના 2.5 લાખ કરોડ માફ કર્યાં- રાહુલ

- રાહુલ ગાંધીએ મોદી પર નિશાન સાધતાં કહ્યું કે, "મોદી સરકારે ખેડૂતોના કરજ માફીની વાતને અવગણી, પરંતુ તેઓએ નાના ઉદ્યોગપતિઓની લગભગ 2.5 લાખ કરોડની લોન માફ કરી. લોકોની મહેનતનો ફાયદો બીજા લોકો ઉઠાવી રહ્યાં છે. જે લોકોમાં કૌશલ છે, ભારતમાં તે લોકોને પરિણામ નથી મળતું. આપણાં ખેડૂત કઠિન પરિશ્રમ કરે છે, પરંતુ તમે તેમને ક્યારેય મોદીજીની ઓફિસમાં નહીં જુઓ."
- રાહુલ ગાંધીએ દાવો કર્યો કે, બેંકોના નોન પરફોર્મિગ એસેટ લગભગ 1000 કરોડ સુધી પહોંચી ગયા છે. 2.5 લાખ કરોડના 15 ઉદ્યોગપતિઓને આપવામાં આવ્યા છે. પરંતુ ખેડૂતોને કંઈજ ન મળ્યું, કરજ માફી માત્ર ઉદ્યોગપતિઓ માટે હતી, ખેડૂતો માટે નહીં કે જેઓ સતત આત્મહત્યાઓ કરી રહ્યાં છે, તેમના બાળકો રડી રહ્યાં છે.

હકીકત એ છે કે કોકા કોલાવાળો ફાર્માસિસ્ટ હતો


- કોકા કોલા કંપનીની શરૂઆત જોન પેમ્બર્ટને કરી હતી. તે એક ફાર્માસિસ્ટ હતો. તેને સોડાને મિક્સ કરીને એક સીરપ બનાવ્યું હતું.

વધુ ફોટા માટે આગળની સ્લાઈડ પર ક્લિક કરો

X
દિલ્હીના તાલ કટોરા સ્ટેડિયમમાં પાર્ટીના OBC કાર્યકર્તાઓને સંબોધિત કર્યાંદિલ્હીના તાલ કટોરા સ્ટેડિયમમાં પાર્ટીના OBC કાર્યકર્તાઓને સંબોધિત કર્યાં
રાહુલે જણાવ્યું કે મેકડોનાલ્ડ કંપનીની શરૂઆત કરનાર શખ્સ ઢાબો ચલાવતો હતો (ફાઈલ)રાહુલે જણાવ્યું કે મેકડોનાલ્ડ કંપનીની શરૂઆત કરનાર શખ્સ ઢાબો ચલાવતો હતો (ફાઈલ)
COMMENT

Next Stories

    ની  સંપૂર્ણ વાંચનસામગ્રી