Home » National News » Latest News » National » બીજેપીથી બચાવવા રિસોર્ટમાં કેદ કરાયા કોંગ્રેસ-JDSના MLAs|Congress and JDS MLA head to resorts

કર્ણાટક: બીજેપીથી બચાવવા રિસોર્ટમાં કેદ કરાયા કોંગ્રેસ-JDSના MLAs

Divyabhaskar.com | Updated - May 17, 2018, 02:36 PM

સૂત્રોના જણાવ્યા પ્રમાણે આ રિસોર્ટમાં 100થી વધારે રૂમ બુક કરવામાં આવ્યા છે

  • બીજેપીથી બચાવવા રિસોર્ટમાં કેદ કરાયા કોંગ્રેસ-JDSના MLAs|Congress and JDS MLA head to resorts
    +3બીજી સ્લાઈડ્સ જુઓ
    ઈગલટોન રિસોર્ટ પહોંચી ગયા કોંગ્રેસ-જેડીએસના ધારાસભ્યો

    બેંગલુરુ: કર્ણાટકમાં સરકાર બનાવવા માટે થઈ રહેલી ખેંચતાણ વચ્ચે કોંગ્રેસ અને જેડીએસ તેમના નવનિયુક્ત ધારાસભ્યોને બચાવવાનો પ્રયત્ન કરી રહી છે. બંને પક્ષને ડર છે કે, ક્યાંક બીજેપી તેમના ધારાસભ્યોને ખરીદી ન લે અને તેથી તેમને અલગથી એક રિસોર્ટમાં રહેવાની વ્યવસ્થા કરવામાં આવી છે. જોકે બીજેપીએ કોંગ્રેસ અને જેડીએસ દ્વારા લગાવવામાં આવેલા તે આરોપો નકારી દીધા છે, જેમાં તેમણે કહ્યું હતું કે, તેમના ધારાસભ્યોને રૂ. 100 કરોડની ઓફર આપવામાં આવી છે.

    ડિકે શિવકુમાર બન્યા સંકટમોચન


    ગુજરાતમાં રાજ્યસભા વિધાનસભાની ચૂંટણી દરમિયાન કોંગ્રેસના સંકટમોચન બનેલા ડીકે શિવકુમાર આ વખતે ફરી આ ભૂમિકા નીભાવશે. મીડિયા રિપોર્ટમાં જણાવ્યા પ્રમાણે, કોંગ્રેસે તેમને એમએલએ વેચાઈ ન જાય તેની જવાબદારી સોંપી છે. કોંગ્રેસ અને જેડીએસએ તેમના ધારાસભ્યોને બચાવવા માટે ઈગલટન રિસોર્ટ મોકલી દીધા છે. આ તે જ રિસોર્ટ છે જ્યાં ગયા વર્ષે રાજ્યસભાની ચૂંટણી દરમિયાન કોંગ્રેસ ધારાસભ્યોને રાખવામાં આવ્યા હતા. ત્યારે પણ બીજેપી ઉપર કોંગ્રેસના ધારાસભ્યો ખરીદવાનો આરોપ લગાવવામાં આવ્યો હતો. આ રિસોર્ટ 2006માં પણ ચર્ચામાં આવ્યું હતું. ત્યારે કુમારસ્વામીએ પિતા દેવગૌડાને નારાજ કરીને બીજેપી સાથે સરકાર બનાવી હતી. ત્યારે તેઓ તેમના સમર્થક ધારાસભ્યો સાથે આ જ રિસોર્ટમાં રોકાયા હતા.

    રિસોર્ટમાં બુક કરવામાં આવ્યા છે 100 રૂમ


    મીડિયા રિપોર્ટમાં જણાવ્યા પ્રમાણે કોંગ્રેસે ઈગલટન રિસોર્ટમાં તેમના ધારાસભ્યોને રાખવા માટે 100થી વધારે રૂમ બુક કરાવ્યા છે. અહીં કોંગ્રેસની સાથે જેડીએસ ધારાસભ્યોને પણ મોકલવામાં આવશે તેવી શક્યતા છે. આ પગલું કર્ણાટકમાં સ્થીર સરકાર બને તે માટે લેવામાં આવ્યું છે. નોંધનીય છેકે, મંગળવારે કેરલ ટૂરિઝમના ટ્વિટર હેન્ડલ પરથી એક ટ્વિટ કરવામાં આવી હતી જેના કારણે વિવાદ થઈ ગયો હતો. આ ટ્વિટમાં કહેવામાં આવ્યું હતું કે, ખેંચતાણની વચ્ચે અમે દરેક ધારાસભ્યોનું કેરળના સુરક્ષીત અને સુંદર રિસોર્ટમાં સ્વાગત કરીએ છીએ. જોકે ટૂંક સમયમાં જ આ ટ્વિટ ડિલીટ કરવામાં આવી હતી.

    રૂ. 100 કરોડની ઓફર, બીજેપીએ નકાર્યા આરોપ


    જેડીએસના ધારાસભ્ય એચડી કુમારસ્વામીએ આરોપ લગાવ્યો હતો કે, બીજેપી તરફથી તેમના ધારાસભ્યોને રૂ. 100 કરોડની ઓફર આપવામાં આવી છે. તેમણે પૂછ્યું હતું કે, વડાપ્રધાન જણાવે કે, આટલા રૂપિયા ક્યાંથી આવ્યા? આ કાળુ નાણું છે કે સફેદ? આ વિશે બીજેપી કર્ણાટકના પ્રભારી પ્રકાશ જાવડેકરે આ આરોપોને નકાર્યા હતા અને કહ્યું હતું કે, કોંગ્રેસ અને જેડીએસના અમુક સભ્યો સામેથી બીજેપીનો સંપર્ક કરી રહ્યા છે. રૂ. 100 કરોડની ઓફરની વાત ખોટી છે.

    કોંગ્રેસે ધારાસભ્યો પાસેથી લીધી લેખિતમાં સહમતી


    - કુમારસ્વામીએ એક પછી એક ધારાસભ્યો સાથે બેઠક કરી હતી. ત્યારે કોંગ્રેસે તેમના દરેક ધારાસભ્ય પાસેથી કુમારસ્વામીએ મુખ્યમંત્રી બનવા માટે લેખિતમાં સહમતી લીધી હતી. કોંગ્રેસના એક ધારાસભ્યએ જણાવ્યું કે, તેના સહિત 8 કોંગ્રેસ ધારાસભ્યોને રૂ. 100 કરોડની ઓફર કરવામાં આવી હતી.

    આગળની સ્લાઈડમાં જુઓ અન્ય તસવીરો

  • બીજેપીથી બચાવવા રિસોર્ટમાં કેદ કરાયા કોંગ્રેસ-JDSના MLAs|Congress and JDS MLA head to resorts
    +2બીજી સ્લાઈડ્સ જુઓ
    ઈગલટોન રિસોર્ટ પહોંચી ગયા કોંગ્રેસ-જેડીએસના ધારાસભ્યો
  • બીજેપીથી બચાવવા રિસોર્ટમાં કેદ કરાયા કોંગ્રેસ-JDSના MLAs|Congress and JDS MLA head to resorts
    +1બીજી સ્લાઈડ્સ જુઓ
    ઈગલટન રિસોર્ટમાં 100થી વધુ રૂમ બુક કરવામાં આવ્યા- સૂત્રો
  • બીજેપીથી બચાવવા રિસોર્ટમાં કેદ કરાયા કોંગ્રેસ-JDSના MLAs|Congress and JDS MLA head to resorts
    કોંગ્રેસ-જેડીએસના ધારાસભ્યોને રિસોર્ટમાં શિફ્ટ કરાયા
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending