Divya Bhaskar

Home » National News » Desh » China objects petrolling by Indian Army at Arunachal Pradesh Border

અરૂણાચલમાં સેનાના પેટ્રોલિંગ પર ચીનનો વિરોધ, ભારતે કહ્યું- અમારો વિસ્તાર

Divyabhaskar.com | Updated - Apr 08, 2018, 06:04 PM

અરૂણાચલ પ્રદેશમાં બોર્ડર પાસે વિવાદિત અસાફિલા વિસ્તારમાં ભારતીય સેનાની પેટ્રોલિંગ પર ચીને વાંધો ઉઠાવ્યો છે

  • China objects petrolling by Indian Army at Arunachal Pradesh Border
    +1બીજી સ્લાઈડ્સ જુઓ
    ભારતે ચીનના અધિકારીઓને કહ્યું કે અરૂણાચલનો સુબાનસિરી વિસ્તાર ભારતનો હિસ્સો છે અને અમે સતત ત્યાં પેટ્રોલિંગ કરીએ છીએ. (ફાઇલ)

    કિબિથુ: અરૂણાચલ પ્રદેશમાં બોર્ડર પાસે વિવાદિત અસાફિલા વિસ્તારમાં ભારતીય સેનાની પેટ્રોલિંગ પર ચીને વાંધો ઉઠાવ્યો છે. સૂત્રોએ ન્યુઝ એજન્સીને જણાવ્યું, "15 માર્ચના રોજ થયેલી બોર્ડર પર્સનલ મીટિંગમાં આ મામલો ચીને ભારતીય અધિકારીઓ સામે ઉઠાવ્યો હતો. જોકે, ભારતીય પક્ષે આ દાવાને રદિયો આપ્યો હતો." ભારતીય અધિકારીઓએ ચીન તરફથી 'ઉલ્લંઘન' શબ્દનો ઉપયોગ પર વિરોધ જાહેર કર્યો હતો. આ મીટિંગમાં ચીને એવો પણ આરોપ લગાવ્યો છે કે ભારતીય સેનાઓએ તેમના સડક બનાવવાના ઓજારો પણ તોડી નાખ્યા. જોકે, ભારતીય સેનાએ આ આરોપોને પણ નકારી કાઢ્યા.

    અરૂણાચલ અમારો હિસ્સો, ત્યાં સતત દેખરેખ થાય છે- ભારત

    - સૂત્રોના જણાવ્યા પ્રમાણે, "ભારતે ચીનના અધિકારીઓને કહ્યું કે અરૂણાચલનો સુબાનસિરી વિસ્તાર ભારતનો હિસ્સો છે અને અમે સતત ત્યાં પેટ્રોલિંગ કરીએ છીએ. અસાફિલામાં અમારા પેટ્રોલિંગ પર ચીનનો વિરોધ ચોંકાવનારો છે. પહેલા ચીને પણ ત્યાં ક્યારેક જબરદસ્તી ઘૂસણખોરી કરવાનો પ્રયત્ન કર્યો. આ મુદ્દાને ભારતે ગંભીરતાથી બોર્ડર પર્સનલ મીટિંગ દરમિયાન ઉઠાવ્યો."

    આ પ્રકારની ઘટનાઓથી તણાવ વધશે- ચીન

    - સૂત્રોએ કહ્યું, "15 માર્ચના રોજ થયેલી બોર્ડર પર્સનલ મીટિંગમાં ચીનની પીપલ્સ લિબરેશન આર્મીએ આસફિલા સેક્ટરમાં 21, 22 અને 23 ડિસેમ્બરના રોજ સેનાની પેટ્રોલિંગ પર વિરોધ દર્શાવ્યો હતો. ચીને કહ્યું હતું કે આ પ્રકારની ઘટનાઓથી બંને દેશો વચ્ચે તણાવ વધશે. ચીને ભારત પર આરોપ લગાવ્યો કે ડિસેમ્બરમાં જ્યારે ચીનની સેના સડક બનાવવાનું કામ કરી રહી હતી ત્યારે ભારતીય સેનાએ તેમના ઓજારો તોડી નાખ્યા હતા."

    - ઉલ્લેખનીય છે કે ડિસેમ્બરમાં ચીને સરહદની 1 કિમી અંદર આવીને સડક નિર્માણનું કામ શરૂ કર્યું હતું જેનો ભારતે વિરોધ કર્યો હતો.

  • China objects petrolling by Indian Army at Arunachal Pradesh Border
    5 માર્ચના રોજ થયેલી બોર્ડર પર્સનલ મીટિંગમાં ચીને સેનાના પેટ્રોલિંગ પર ભારતીય અધિકારીઓ સમક્ષ વાંધો ઉઠાવ્યો હતો. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending