Home » National News » Latest News » National » Bypolls on 2 Loksabha seats Gorakhpur and Phulur in UP tomorrow

UP: 2 લોકસભા સીટ પર પેટાચૂંટણી, બસપા-સપા ભેગા થવાથી BJPને મુશ્કેલી

Divyabhaskar.com | Updated - Mar 10, 2018, 09:51 AM

ઉત્તરપ્રદેશમાં થઇ રહેલી લોકસભા પેટાચૂંટણીમાં બસપા અને સપાના એક સાથે થઇ જવાથી હવે મુકાબલો રસપ્રદ થઇ ગયો છે

  • Bypolls on 2 Loksabha seats Gorakhpur and Phulur in UP tomorrow
    +1બીજી સ્લાઈડ્સ જુઓ
    બસપા અને સપાનું ગઠબંધન બીજેપીની મુશ્કેલીઓ વધારી શકે છે. (ફાઇલ)

    અલાહાબાદ/ગોરખપુર: ઉત્તરપ્રદેશમાં થઇ રહેલી લોકસભા પેટાચૂંટણીમાં બસપા અને સપાના એક સાથે થઇ જવાથી હવે મુકાબલો રસપ્રદ થઇ ગયો છે. 23 વર્ષ પછી બંને પાર્ટીઓ સાથે આવી છે. આ ગઠબંધન બીજેપીની મુશ્કેલીઓ વધારી શકે છે. જો 2017ની વિધાનસભા ચૂંટણીમાં બસપાને મળેલા વોટ સપા ઉમેદવારને ટ્રાન્સફર થાય તો બીજેપી બંને સીટ હારી શકે છે. જ્યારે, 2014ની મોદી લહેર જો યથાતથ રહેશે તો આ શક્ય નહીં બને. બંને સીટો પર 11 માર્ચના રોજ મતદાન થશે. પરિણામો 14 માર્ચના રોજ આવશે.

    કેવું છે ફૂલપુર લોકસભાનું ગણિત?

    - ફૂલપુર લોકસભા સીટમાં અલાહાબાદની 5 વિધાનસભા સીટો આવે છે. તેમાં ફૂલપુર, અલાહાબાદ ઉત્તરી, અલાહાબાદ પશ્ચિમી, ફાફામઉ અને સોરાંવ સામેલ છે. 2017ની વિધાનસભા ચૂંટણીમાં આ પાંચેય સીટ બીજેપી ગઠબંધનની પાસે હતી.

    - જો સપા અને બસપાને 2017માં મળેલા વોટ્સથી જોડી દઇએ તો બીજેપી પાંચમાંથી ચાર વિધાનસભાઓમાં પાછળ રહી જાય છે. ફક્ત અલાહાબાદ ઉત્તરી સીટ પર બીજેપી આગળ રહે છે. આ સીટ સપાએ તે સમયે ગઠબંધન સહયોગી કોંગ્રેસને આપી દીધી હતી.

    કેવું છે ગોરખપુર લોકસભાનું ગણિત?

    - ગોરખપુર લોકસભા સીટમાં જિલ્લાની 5 વિધાનસભા સીટ્સ આવે છે. તેમાં ગોરખપુર સદર, ગોરખપુર રૂરલ, પિપરાઇચ, કેમ્પિયરગંજ અને સહજનવા સામેલ છે. 2017 વિધાનસભા ચૂંટણીમાં આ પાંચેય સીટ્સ બીજેપીની પાસે હતી.

    - જો સપા અને બસપાને 2017માં મળેલા વોટ્સ જોડી દઇએ તો બીજેપી પાંચમાંથી ચાર વિધાનસભાઓમાં પાછળ રહી જાય છે. ફક્ત ગોરખપુર સદર સીટ પર જ બીજેપી આગળ રહેશે.

    એકસાથે આવ્યા પછી પણ શંકાઓ

    - બસપા અને સપાના સાથે આવવાથી જ્યાં આ બંને પક્ષોના નેતાઓની આશાઓ વધી ગઇ છે, ત્યાં કાર્યકર્તાઓમાં કોઇ ઉત્સાહ જોવા મળતો નથી. તેનું કારણ એવું જણાવવામાં આવી રહ્યું છે કે આ કાંશરામ અને મુલાયમસિંહ યાદવવાળું ગઠબંધન નથી, પરંતુ દરેક પગલું સાચવીને ઉઠાવવામાં આવી રહ્યું છે. આ સમર્થનમાં શંકા, ખચકાટ અને ડર એવા ને એવા જ છે, જેનો ફાયદો બંને સીટો પર બીજેપીને મળી શકે છે.

  • Bypolls on 2 Loksabha seats Gorakhpur and Phulur in UP tomorrow
    2017ની વિધાનસભા ચૂંટણીમાં બસપાને મળેલા વોટ સપા ઉમેદવારને ટ્રાન્સફર થાય તો બીજેપી બંને સીટ હારી શકે છે. (ફાઇલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ