Divya Bhaskar

Home » National News » Latest News » National » કોંગ્રેસની ચૂંટણી રણનીતિમાં હાલ બહુજન સમાજ પાર્ટીના સુપ્રીમો માયાવતી સૌથી મહત્વની ભૂમિકામાં |Congress give importance to Mayawati before 2019 General Election

2019 પહેલાં હાથીની સવારી કરવા કોંગ્રેસના પ્રયાસ, 3 રાજ્યો પર નજર

Divyabhaskar.com | Updated - Jun 03, 2018, 03:02 PM

કર્ણાટકમાં જોવા મળેલી વિપક્ષની એકતા બાદ ભાજપ વિરોધી દળમાં નવી ઉર્જાનો સંચાર થયો છે.

  • કોંગ્રેસની ચૂંટણી રણનીતિમાં હાલ બહુજન સમાજ પાર્ટીના સુપ્રીમો માયાવતી સૌથી મહત્વની ભૂમિકામાં |Congress give importance to Mayawati before 2019 General Election
    +4બીજી સ્લાઈડ્સ જુઓ
    કોંગ્રેસ 2019ની સાથે ત્રણ રાજ્યોમાં આવનારી વિધાનસભા ચૂંટણી BSPનો સાથ ઈચ્છે છે (ફાઈલ)

    નેશનલ ડેસ્કઃ 2014ની લોકસભા ચૂંટણીમાં મોદીની લહેર જોવા મળી અને આ ત્સુનામીમાં ભાજપે ઐતિહાસિક જીત હાંસલ કરી હતી. જે બાદ રાજ્યોમાં થયેલી ચૂંટણીઓમાં પણ ભાજપે જીત મેળવી છે. નરેન્દ્ર મોદી વડાપ્રધાન બન્યાં બાદ 22 રાજ્યોમાં ચૂંટણી થઈ જેમાંથી 20 રાજ્યોમાં ભાજપ અને તેમના ગઠબંધનની સરકાર છે. ભાજપ કોંગ્રેસ મુક્ત ભારતના મિશન તરફ આગળ વધી રહ્યું છે પરંતુ હાલ કેટલીક પેટાચૂંટણીઓમાં ભાજપને હારનો સમાનો કરવો પડી રહ્યો છે. તેમાં પણ કર્ણાટકમાં જોવા મળેલી વિપક્ષની એકતા બાદ ભાજપ વિરોધી દળમાં નવી ઉર્જાનો સંચાર થયો છે. ત્યારે 2019માં કોંગ્રેસ વિપક્ષી એકજુટતાના આધારે જ પોતાની રણનીતિઓ ઘડવાનું શરૂ કર્યું છે.

    કોંગ્રેસનો માયાવતી પર મદાર


    - 2019ની સામાન્ય ચૂંટણીમાં ભાજપ અને ખાસ કરીને મોદીને પછાડવા માટે તમામ વિપક્ષોએ કમર કસી છે. જેનું તાજું ઉદાહરણ કર્ણાટક, કૈરાના સહિતની ચૂંટણીઓમાં જોવા મળ્યું.
    - કોંગ્રેસની ચૂંટણી રણનીતિમાં હાલ બહુજન સમાજ પાર્ટીના સુપ્રીમો માયાવતી સૌથી મહત્વની ભૂમિકામાં છે.
    - જેનું કારણ 2019ની લોકસભા ચૂંટણી તો છે જ પરંતુ તે પહેલાં રાજસ્થાન, મધ્યપ્રદેશ અને છત્તીસગઢમાં આ વર્ષના અંત સુધીમાં વિધાનસભા ચૂંટણી પણ છે.
    - લગભગ આ કારણ જ છે કે બેંગલૂરુમાં JDSના કુમારસ્વામીના શપથગ્રહણ સમારંભમાં જ્યારે વિપક્ષી દળો એક મંચ પર જોવા મળ્યાં ત્યારે UPA ચેરપર્સન સોનિયા ગાંધીએ માયાવતીને ઘણાં ઉમળકાભેર ભેટી પડ્યા હતા.

    યુપીમાં કોંગ્રેસની નજર


    - કોંગ્રેસ આ ત્રણ રાજ્યો ઉપરાંત યુપીમાં પણ નિશાન લગાવી રહી છે. યુપીમાં કોંગ્રેસની સ્થિતિ ઘણી જ ખરાબ છે. જ્યારે કે રાજસ્થાન, મધ્યપ્રદેશ અને છત્તીસગઢમાં કોંગ્રેસ મુખ્ય વિપક્ષની ભૂમિકામાં છે.
    - એવામાં 2019ની સામાન્ય ચૂંટણીમાં વિપક્ષી એકતાની ફોર્મૂલા જ્યારે નક્કી થશે ત્યારે કોંગ્રેસ યુપીમાં વધુમાં વધુ સીટ મેળવવા ચૂંટણી લડવાના પ્રયાસો કરશે.
    - બીજી તરફ માયાવતીએ પણ સન્માનજનક સીટ મળશે તો ગઠબંધન થશે તેવી જાહેરાત કરી ચુકી છે.
    - માનવામાં આવે છે કે કોંગ્રેસ જો મધ્યપ્રદેશ, છત્તીસગઢ અને રાજસ્થાનમાં BSPને પર્યાપ્ત સીટ આપે છે તો તેના બદલામાં યુપીમાં બહેનજી પાસેથી કેટલીક સીટ મળવાની આશા છે.
    - યુપીમાં મહાગઠબંધન થવાથી સપા અને બસપા વચ્ચે સીટોની વ્હેંચણી થશે તો કોંગ્રેસ માટે વધુ સીટ નહીં વધે ત્યારે આવામાં પાર્ટી પહેલાથી જ માયવાતીનું દિલ જીતવામાં લાગી ગયા છે.

  • કોંગ્રેસની ચૂંટણી રણનીતિમાં હાલ બહુજન સમાજ પાર્ટીના સુપ્રીમો માયાવતી સૌથી મહત્વની ભૂમિકામાં |Congress give importance to Mayawati before 2019 General Election
    +3બીજી સ્લાઈડ્સ જુઓ
    શિવરાજ સિંહ ચૌહાણ (ફાઈલ)

    મધ્યપ્રદેશ


    - અહીં કોંગ્રેસને મોટો પડકાર છે. 2003થી ભાજપની જ સરકાર છે.
    - કોંગ્રેસે આ વખતે કમાન કમલનાથને સોંપી છે. જ્યારે કે દિગ્વિજય સિંહને કોઓર્ડિનેશન કમિટીના ચેરમેન બનાવવામાં આવ્યા છે.
    - જ્યોતિરાદિત્ય સિંધિયાને કેમ્પેઈન કમિટીના પ્રમુખ બનાવી શિવરાજ સિંહ ચૌહાણ વિરૂદ્ધ મજબૂત મોર્ચાબંધી સોંપવામાં આવી છે. 
    - મધ્યપ્રદેશના સમીકરણને જોતાં BSP-કોંગ્રેસ મજબૂત પડકાર ફેંકી શકે છે. 
    - 2008ની ચૂંટણીમાં કોંગ્રેસને 32 ટકા અને BSPને 7.5 ટકા જ્યારે ભાજપને 37 ટકા વોટ મળ્યાં હતા. જો કે 2013માં આ આંકડો ઘટ્યો હતો અને બંનેના વોટ મળીને ભાજપની બરોબર થયાં ન હતા.
    - જો કે મધ્યપ્રદેશના અધ્યક્ષ કમલનાથ BSPની સાથે ગઠબંધનના પક્ષમાં છે. 

     

    આગળ વાંચો રાજસ્થાનમાં શું છે બેઠકની સ્થિતિ?

     

  • કોંગ્રેસની ચૂંટણી રણનીતિમાં હાલ બહુજન સમાજ પાર્ટીના સુપ્રીમો માયાવતી સૌથી મહત્વની ભૂમિકામાં |Congress give importance to Mayawati before 2019 General Election
    +2બીજી સ્લાઈડ્સ જુઓ
    વસુંધરા રાજે (ફાઈલ)

    રાજસ્થાન


    - રાજસ્થાન વિધાનસભા ચૂંટણીમાં દર પાંચ વર્ષમાં સરકાર બદલાય જાય છે. 
    - રાજસ્થાનની 200 બેઠકમાંથી ભાજપના ખાતામાં 163 સીટ છે. 
    - 2013માં ભાજપને 46 ટકા વોટ મળ્યાં હતા. જ્યારે કોંગ્રેસને 34 ટકા વોટ મળ્યાં પરંતુ બેઠકો ઘણી જ ઓછી મળી હતી. 
    - આ રીતે જ BSPને 3 સીટ મળી અને વોટ 3.5 ટકા. જો કે BSP-કોંગ્રેસના વોટ મળીને પણ ભાજપની બરોબર મત મળ્યાં ન હતા. પરંતુ આ વખતે વાતાવરણ અલગ છે, લોકોમાં ભાજપ સરકાર પ્રત્યે ભારોભાર નારાજગી છે. 

     

    આગળ વાંચો છત્તીસગઢમાં શું છે બેઠકની સ્થિતિ?

  • કોંગ્રેસની ચૂંટણી રણનીતિમાં હાલ બહુજન સમાજ પાર્ટીના સુપ્રીમો માયાવતી સૌથી મહત્વની ભૂમિકામાં |Congress give importance to Mayawati before 2019 General Election
    +1બીજી સ્લાઈડ્સ જુઓ
    રમન સિંહ (ફાઈલ)

    છત્તીસગઢ


    - અહીં પણ મધ્યપ્રદેશ જેવી જ સ્થિતિ છે. 15 વર્ષથી કોંગ્રેસ સત્તાથી બહાર છે. અહીં પણ ભાજપને હરાવવા માટે કોંગ્રેસને BSPનો સહારો છે જેના પાસે લગભગ 4 ટકા વોટ છે. 
    - રાજ્યમાં બહુજન સમાજ પાર્ટીનો એક ધારાસભ્ય છે. તો કોંગ્રેસ પાસે રમન સિંહનો વિકલ્પ પણ નથી. 
    - કોંગ્રેસના મોટા નેતા નક્સલી હુમલામાં માર્યા ગયા હતા તો પૂર્વ મુખ્યમંત્રી અજીત જોગી પોતાની અલગ પાર્ટી બનાવી ચુક્યાં છે. 
    - ત્યારે કોંગ્રેસ પાસે વિકલ્પ છે કે તેઓ અજીત જોગી સાથે સમજૂતી કરે નહીંતર કોંગ્રેસ માટે જીતવું મુશ્કેલ રહેશે. એવામાં BSP કોંગ્રેસનો સહારો બની શકે છે. 

  • કોંગ્રેસની ચૂંટણી રણનીતિમાં હાલ બહુજન સમાજ પાર્ટીના સુપ્રીમો માયાવતી સૌથી મહત્વની ભૂમિકામાં |Congress give importance to Mayawati before 2019 General Election
    મેડમ સોનિયા અને માયાવતીની રાજકીય ખીચડી (ફાઈલ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending