Divya Bhaskar

Home » National News » Desh » Bride refused to get marry before one day of marriage due to dawry demand at Hardoi

વરરાજા કરતો'તો જાન જોડવાની તૈયારી, દુલ્હને 1 જ દિવસ પહેલા લગ્નનો કર્યો ઇનકાર

Divyabhaskar.com | Updated - Apr 03, 2018, 12:15 PM

સાસરીપક્ષના લોકોની વધતી જતી ડિમાન્ડને જોઇને યુવતી ન માત્ર લગ્ન કરવાની ના પાડી, પરંતુ આખા મામલાની પોલીસમાં ફરિયાદ પણ કરી

  • Bride refused to get marry before one day of marriage due to dawry demand at Hardoi
    +4બીજી સ્લાઈડ્સ જુઓ
    દહેજની વધતી જતી માંગથી ત્રાસીને દુલ્હને લગ્ન કરવાની ના પાડી દીધી.

    હરદોઇ: ઉત્તરપ્રદેશના હરદોઇમાં એક યુવતીએ દહેજના લોભી યુવક સાથે લગ્ન કરવાનો ઇન્કાર કરી દીધો. લગ્નને માત્ર એક જ દિવસ બાકી હતો. ફક્ત એક જ દિવસ પછી તેના ઘરે જાન આવવાની હતી. પરંતુ સાસરીપક્ષના લોકોની વધતી જતી ડિમાન્ડને જોઇને યુવતી ન માત્ર લગ્ન કરવાની ના પાડી, પરંતુ આખા મામલાની પોલીસમાં ફરિયાદ પણ કરી. યુવતીનું કહેવું છે કે દરરોજ ઘૂંટાઇને જીવવું તેના કરતા તો દહેજના લોભી સાથે લગ્ન ન કરવા એ જ વધારે સારી વાત છે. દીકરીના આ નિર્ણયથી મા-બાપ ખૂબ ખુશ છે.

    શું છે આખો મામલો?

    - મામલો યુપીના હરદોઇ જિલ્લામાં કોટવાલી શહેર વિસ્તારના નવીપુરવાનો છે. મળતી માહિતી પ્રમાણે, અઝીઝ અહેમદે દીકરી શાઝિયાના લગ્ન બરેલીના અભયપુર કેમ્પમાં રહેતા મહેબૂબ સૈફીના દીકરા વહીદ મહેબૂબ સાથે નક્કી કર્યા હતા.

    - શાઝિયા બે બહેન અને ત્રણ ભાઈઓમાં સૌથી મોટી છે. પિતા અઝીઝ અહેમદ ઇલેક્ટ્રોનિક્સની દુકાન ચલાવે છે. તેનાથી જ તેમનો પરિવાર ચાલે છે.
    - 29 નવેમ્બર, 2017ના રોજ તેની સગાઇ થઇ હતી. લગ્નની તારીખ 31 માર્ચ નક્કી કરવામાં આવી હતી. આ દરમિયાન મહેબૂબ અને શાઝિયામાં વાતચીત પણ થવા લાગી.

    વધતી ડિમાન્ડથી થઇ પરેશાન

    - શાઝિયાના જણાવ્યા પ્રમાણે, પહેલા લગ્નમાં બાઇક, રોકડ અને કેટલોક સામાન આપવાની વાત નક્કી થઇ હતી. પરંતુ પછીથી મહેબૂબે પોતાના ઘરના કલરકામ માટે પૈસા માંગ્યા. એટલું જ નહીં, તેણે એક ગાડી અને અન્ય કેટલોક સામાન આપવાની પણ માંગ કરી.

    - ઉપરાંત, લગ્નની તારીખ જેમ-જેમ નજીક આવતી ગઇ તેમ-તેમ મહેબૂબની ડિમાન્ડ્સ પણ વધતી જ ગઇ. તેનાથી શાઝિયાને ગુસ્સો આવી ગયો અને તેણે ફક્ત એક દિવસ બાકી હતો અને લગ્ન કરવાની ના પાડી દીધી. જ્યારે મહેબૂબના ઘરે તો જોરશોરથી જાન જોડવાની તૈયારીઓ થઇ રહી હતી.

    આગળની સ્લાઇડ્સમાં જુઓ અન્ય તસવીરો

  • Bride refused to get marry before one day of marriage due to dawry demand at Hardoi
    +3બીજી સ્લાઈડ્સ જુઓ
    દુુલ્હનના પિતા
  • લગ્નનું વેડિંગ કાર્ડ
  • Bride refused to get marry before one day of marriage due to dawry demand at Hardoi
    +1બીજી સ્લાઈડ્સ જુઓ
    લગ્નની તમામ તૈયારીઓ થઇ ચૂકી હતી, પણ એક દિવસ બાકી હતો ને શાઝિયાએ લગ્નની ના પાડી દીધી.
  • Bride refused to get marry before one day of marriage due to dawry demand at Hardoi
    મહેબૂબ, જેની સાથે થવાના હતા શાઝિયાના લગ્ન.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending