Home » National News » Latest News » National » મહાભારત - 2019 ગ્રાઉન્ડ રિપોર્ટ | BJP-Shiv Sena coalitions collapse-its direct impact on 16 seats

ભાજપ-શિવસેના ગઠબંધન ટકવું-તૂટવું તેની સીધી અસર 16 સીટો પર

Divyabhaskar.com | Updated - May 26, 2018, 02:52 AM

રાજ્યના મોટા અને પ્રભાવશાળી નેતાઓના ક્ષેત્રમાં રાજકીય સમીકરણ

  • મહાભારત - 2019 ગ્રાઉન્ડ રિપોર્ટ | BJP-Shiv Sena coalitions collapse-its direct impact on 16 seats
    +2બીજી સ્લાઈડ્સ જુઓ
    મુખ્યમંત્રી દેવેન્દ્ર ફડણવીસ આ ગઠબંધનને બચાવવા દરેક શક્ય પ્રયાસ કરતાં દેખાઈ રહ્યા છે- ફાઈલ

    ઔરંગાબાદ: મહારાષ્ટ્રમાં ચાર વર્ષમાં સ્થિતિ ઘણી બદલાઈ ગઈ છે. 2014ની લોકસભા ચૂંટણીમાં એનડીએએ 42 સીટો જીતી હતી તેમાં 18 શિવસેનાની છે. એનડીએમાં એક સાંસદ રાજુ શેટ્ટી સ્વાભિમાની શેતકરી સંગઠનના પણ હતા. શેટ્ટી માટે મોદીઅે રેલી પણ કરી હતી. હવે શેટ્ટી એનડીએથી બહાર થઈ ગયા છે. અહીં શિવસેના એનડીએમાં જળવાઇ રહી છે પરંતુ 2019ની લોકસભા ચૂૂંટણી અલગ લડવાની તૈયારીમાં છે. એટલા માટે ભાજપને રાજ્યમાં વધારે નુકસાનની આશંકા છે. રાજુ શેટ્ટી કહે છે કે જો શિવસેના-ભાજપ સાથે નહીં રહે તો ફાયદો શિવસેનાને જ થશે.

    - લોકસભા સીટો મામલે બીજું મોટું રાજ્ય છે મહારાષ્ટ્ર. 2014માં એનડીએને અહીં 48માંથી 42 સીટો મળી હતી. ત્યારે ભાજપ-શિવસેના સાથે લડ્યા હતા. શિવસેના હવે એનડીએથી અલગ થવાની છે. બીજું ગઠબંધન એટલે કે કોંગ્રેસ-એનસીપી આ વખતે પણ સાથે છે.

    - શિવસેનાનો આંકડો 25 સુધી જઈ શકે છે. જોકે ગઠબંધન તોડવાનું નુકસાન ભાજપની જેમ શિવસેનાને પણ થઈ શકે છે. ગઠબંધનનો નિર્ણય વિદર્ભના 10માંથી 8, મરાઠાવાડાની 8માંથી 4, પશ્ચિમ મહારાષ્ટ્રની 10માંથી 9 અને ઉત્તર મહારાષ્ટ્રની તમામ સીટોનાં પરિણામો પર અસર કરશે. વિશેષજ્ઞો કહે છે કે ગઠબંધન નહીં થાય તો બંનેની સંયુક્ત સીટોનો આંકડો 41થી ઘટીને 25 પર આવી શકે છે એટલે કે કુલ 16 સીટ પર સીધી અસર થશે. તેનો ફાયદો એનસીપી-કોંગ્રેસ ગઠબંધનને થશે. ગઠબંધન અંગે હાલ ભાજપ વધારે સતર્ક દેખાઈ રહ્યો છે.

    - મુખ્યમંત્રી દેવેન્દ્ર ફડણવીસ આ ગઠબંધનને બચાવવા દરેક શક્ય પ્રયાસ કરતાં દેખાઈ રહ્યા છે. ભાજપ પ્રવક્તા કેશવ ઉપાધ્યાય કહે છે કે અમે ઈચ્છીએ છીએ કે ગઠબંધન થાય પરંતુ એ નક્કી છે કે અમે ગત રેકોર્ડ તોડીને વધારે સીટો જીતીશું. શિવસેના કહે છે કે તે ગઠબંધન નહીં કરે. શિવસેના પ્રવકતા હર્ષલ પ્રધાન કહે છે કે ઉદ્ધવ ઠાકરેએ 2019માં એકલા જોરે ચૂૂંટણી લડવાનો નિર્ણય કર્યો છે. તે નિર્ણય પર કાયમ છે એટલા માટે ગઠબંધનની કોઈ શક્યતા નથી.

    - શિવસેના 25થી વધુ સીટ પર વિજય મેળવશે. કોંગ્રેસ-એનસીપી ગઠબંધન ગત વખતની જેમ મળીને ચૂંટણી લડવાની તૈયારીમાં છે. કોંગ્રેસ પ્રવક્તા સચિન સાવંત કહે છે કે ભાજપ વિરુદ્ધ જનતા રોષે ભરાયેલી છે. એનસીપી સાથે અમે આગામી ચૂંટણી લડીશું. એનસીપી પ્રવક્તા નવાબ મલિક પણ એવું જ કહે છે. તે કહે છે ક એકલા લડવાનો સવાલ નથી. કોંગ્રેસ સાથે 45થી વધુ સીટો જીતીશું.

    - અહીં ખેડૂતોની નારાજગી સૌથી મોટો મુદ્દો છે. જોકે ભાજપનો દાવો છે કે ખેડૂતો ખુશ છે પરંતુ બધા ભાજપના આ દાવા સાથે સંમત નથી. જેમ કે ઔરંગાબાદના ડો.આંબેડકર મરાઠાવાડા યુનિવર્સિટીના નિવૃત પ્રો.જયદેવ કહે છે કે ખેડૂતોની સમસ્યાઓ વધી છે. સમાજનો આ સૌથી મહત્વપૂર્ણ ભાગ સરકારની નીતિઓથી નારાજ છે.

    આગળ વાંચો: રાજ્યના મોટા અને પ્રભાવશાળી નેતાઓના ક્ષેત્રમાં રાજકીય સમીકરણ

  • મહાભારત - 2019 ગ્રાઉન્ડ રિપોર્ટ | BJP-Shiv Sena coalitions collapse-its direct impact on 16 seats
    +1બીજી સ્લાઈડ્સ જુઓ
    મહારાષ્ટ્રમાં ભાજપ-શિવસેના ગઠબંધન ટકવું-તૂટવું જ સૌથી મોટું પરિબળ- ફાઈલ

    રાજ્યના મોટા અને પ્રભાવશાળી નેતાઓના ક્ષેત્રમાં રાજકીય સમીકરણ

     

    વિદર્ભ : ભાજપ-સેનાનો ગઢ 
    વિદર્ભમાં ભાજપના 6 અને શિવસેનાના 4 સાંસદ છે. કેન્દ્રીયમંત્રી ગડકરી અને CM ફડણવીસ અહીંથી ચૂંટાયા છે. ભાજપે વિદર્ભને અલગ રાજ્ય બનાવવા આશ્વાસન આપ્યું હતું એટલે મજબૂત થયો. શિવસેના વિરોધમાં છે. યવતમાલ-વાશિમ શિવસેનાના ગઢ છે. 

     

    મરાઠાવાડા : ભાજપ નબળો થયો 

     

    પૂર્વ CM અશોક ચૌહાણ(કોંગ્રેસ) અને ભાજપના પ્રદેશ અધ્યક્ષ રાવસાહબ દાનવે અહીંથી સાંસદ છે. લાતુર પૂર્વ મુખ્યમંત્રી વિલાસરાવ દેશમુખનો ગઢ છે. નિધન બાદ ભાજપ મજબૂત થયો પરંતુ બીડમાં મુંડેના નિધન બાદ નબળો પડ્યો. ગઠબંધન ન થાય તો મુશ્કેલ પડશે.

     

    પશ્ચિમ : મોદી લહેરમાં પણ પવારનો પ્રભાવ રહ્યો 
    શરદ પવારના પ્રભાવ હેઠળનો ક્ષેત્ર છે. બાકી મહારાષ્ટ્રની તુલનાએ વધારે સમૃદ્ધ છે. 2014માં મોદી લહેર છતાં 10માંથી 4 સીટ એનસીપીને મળી હતી. તેમાં પવારની દીકરી સુપ્રિયા સામેલ છે. હવે ભાજપ-શિવસેના મજબૂત થયા છે. એનસીપીને લાભ થશે.

     

    ઉત્તર : ખડસે-ભુજબળનો દબદબો, સેના તૈયાર
    પૂર્વમંત્રી એકનાથ ખડસેનો પ્રભાવ, પરંતુ પાર્ટીથી તેમની નારાજગીથી ભાજપને નુકસાન થઈ શકે. ધૂલિયા સંરક્ષણ રાજ્યમંત્રી ડો.સુભાષ ભામરેનું ક્ષેત્ર છે. તે પ્રભાવ વધારવામાં નિષ્ફળ રહ્યા. છગન ભુજબળને કારણે નાસિકમાં એનસીપી મજબૂત. શિવસેના પણ મજબૂત. 

     

    આગળ વાંચો: ગત ચૂંટણીમાં 48 સીટોની સ્થિતિ

  • મહાભારત - 2019 ગ્રાઉન્ડ રિપોર્ટ | BJP-Shiv Sena coalitions collapse-its direct impact on 16 seats
    2014માં એનડીએને અહીં 48માંથી 42 સીટો મળી હતી, ત્યારે ભાજપ-શિવસેના સાથે લડ્યા હતા- ફાઈલ

    ગત ચૂંટણીમાં 48 સીટોની સ્થિતિ

     

    23- ભાજપ
    18- શિવસેના
    04- એનસીપી
    02- કોંગ્રેસ

    01- સ્વાભિમાની શેતકરી સંગઠન

     

    ત્રણેય ક્ષેત્ર- વિદર્ભ, મુંબઈ-કોંકણ અને ઉત્તર મહારાષ્ટ્રમાં ભાજપ-શિવસેનાનો વધારે પ્રભાવ. ત્રણેમાં રાજ્યનું 65% ક્ષેત્રફળ છે. શરદ પવારની એનસીપી પશ્ચિમ મહારાષ્ટ્રમાં વધારે પ્રભાવશાળી. અહીં ચાર સીટ જીતી હતી. કોંગ્રેસને મરાઠાવાડામાં ફક્ત બે સીટ પર જીત મળી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending