Divya Bhaskar

Home » National News » Latest News » National » જાણો 3 રાજ્યમાં ચૂંટણી થનાર રાજ્યનો શું કહે છે સરવે| Bhaskar Survey, views of that three electoral states saying

ભાસ્કર સર્વેઃ મોદીને રાહુલ આપી શકે છે ટક્કર, મહિલાઓને વધુ વિશ્વાસ

Divyabhaskar.com | Updated - May 18, 2018, 10:09 AM

25.19% ગૃહિણીઓ અને 26.78% બિઝનેસમેનો માને છે કે મોદીની લોકપ્રિયતા પહેલાની તુલનાએ ઘટી

  • જાણો 3 રાજ્યમાં ચૂંટણી થનાર રાજ્યનો શું કહે છે સરવે| Bhaskar Survey, views of that three electoral states saying
    +1બીજી સ્લાઈડ્સ જુઓ
    25.19% ગૃહિણીઓ અને 26.78% બિઝનેસમેનો માને છે કે મોદીની લોકપ્રિયતા પહેલાની તુલનાએ ઘટી

    ભાસ્કર ન્યૂઝ નેટવર્ક: મોદી સરકારનાં ચાર વર્ષના કામકાજ પર દેશના સૌથી મોટા સરવેનાં પરિણામ આવી ગયાં છે. ભાસ્કર સરવેમાં વડાપ્રધાન નરેન્દ્ર મોદીની લોકપ્રિયતા ઊભરીને સામે આવી છે. જોકે, વધતી મોંઘવારી અને ઘટતી નોકરીઓ સામાન્ય લોકોની નારાજગીનું સૌથી મોટું કારણ છે. સરવેમાં ભાગ લેનારા 70 ટકા લોકો મુજબ મોદી હજી પણ લોકપ્રિય છે. તેમાંથી 47 ટકા મુજબ તો તે અત્યારે 2014થી પણ વધુ લોકપ્રિય છે. મોંઘવારી અને ઘટતી નોકરીઓને 54 ટકા લોકોએ સરકારની સૌથી મોટી નિષ્ફળતારૂપે પસંદ કર્યા છે.સરવેમાં 12 વર્ષથી ઓછી વયની બાળકીઓ પર દુષ્કર્મના ગુનેગારોને ફાંસી આપવાના નિર્ણયની 80 ટકા લોકોએ પ્રશંસા કરી.

    3 રાજ્યમાં ચૂંટણી થનાર રાજ્યનો શું કહે છે ભાસ્કર સરવે?

    સરવે દેશનો મૂડ બતાવવાની સાથે સાથે એ ત્રણ રાજ્ય માટે વધુ ખાસ બની જાય છે કે જ્યાં આ વર્ષે વિધાનસભા ચૂંટણી થવાની છે. રાજસ્થાન, મધ્યપ્રદેશ અને છત્તીસગઢ ત્રણેય રાજ્યમાં ભાજપની સરકાર છે. સરવેમાં જે વલણ સામે આવ્યું છે તેનાથી સ્થાનિક મુદ્દા પર લોકોનો અભિપ્રાય પણ સમજી શકાય છે. દાખલા તરીકે સરકારી આંકડા મુજબ જ્યાં દુષ્કર્મના સૌથી વધુ કિસ્સા સામે આવે છે તેવા મધ્યપ્રદેશ અને રાજસ્થાનમાં 82% લોકોએ 12 વર્ષથી ઓછી ઉંમરની બાળકીઓ સાથે દુષ્કર્મના દોષિતોને ફાંસી જેવા કડક નિર્ણયને સારું પગલું માન્યું છે. સરવેમાં સામેલ 33% ખેડૂતોએ કહ્યું છે કે મોદી સરકાર ખેડૂતોના આપઘાત રોકવામાં નિષ્ફળ રહી છે. આ ત્રણેય રાજ્યમાં પણ ખેડૂતોનો મુદ્દો સૌથી વધુ ગરમ છે.

    મધ્યપ્રદેશમાં 20%, રાજસ્થાનમાં 18% અને છત્તીસગઢમાં 17% લોકોએ ખેડૂતોના આપઘાત ન રોકી શકવાને મોદીની સૌથી મોટી નિષ્ફળતા ગણાવી છે. તાજેતરમાં લૉન્ચ કરાયેલી મોદીની હેલ્થ સ્કીમ અંગે લોકોએ સારી પ્રતિક્રિયા આપી. જોકે, મોદી સરકારની હેલ્થ સ્કીમ કે જેની શરૂઆત છત્તીસગઢથી થઇ તેને આ 3 રાજ્યમાં સૌથી ઓછી સફળ 67% પણ છત્તીસગઢે જ માની. રાજસ્થાનમાં 69% અને મધ્યપ્રદેશમાં 68% લોકોએ હેલ્થ સ્કીમને સફળ માની. મોદી સરકારના કામકાજનું ઓવરઓલ રેટિંગ જોઇએ તો... રાજસ્થાને મોદીને દેશના સરેરાશ 8 પોઇન્ટથી પણ વધુ એટલે કે 9 પોઇન્ટ આપ્યા છે. છત્તીસગઢ અને મધ્યપ્રદેશે દેશના મિજાજ પ્રમાણે જ મોદીને રેટિંગ આપ્યું છે. ત્રણેય રાજ્યમાં રાજસ્થાન જ એવું રહ્યું કે જ્યાં મહત્તમ 37% લોકોએ મોદીને 10માંથી 10 પોઇન્ટ આપ્યા. ગુજરાતથી પણ વધુ, જ્યાં 36%એ મોદીને પરફેક્ટ ટેન આપ્યા છે.

    મોદીની લોકપ્રિયતા: કેટલા ટકા લોકો વિચારે છે કે મોદી પહેલાં કરતાં વધુ લોકપ્રિય બન્યા છે?
    રાજસ્થાન 50%
    મધ્યપ્રદેશ 48%
    છત્તીસગઢ 46%

    * સૌથી જરૂરી મુદ્દા અંગે ત્રણેય રાજ્યનો અભિપ્રાય
    સૌથી મોટી ઉપલબ્ધિ


    મધ્યપ્રદેશમાં 50%, રાજસ્થાનમાં 57% અને છત્તીસગઢમાં 50% લોકોને સૌથી મોટી ઉપલબ્ધિ વિદેશોમાં ભારતની વધતી શાખ લાગે છે.

    સૌથી મોટી નિષ્ફળતા
    મધ્યપ્રદેશમાં 56%, રાજસ્થાનમાં 55% અને છત્તીસગઢમાં 59%એ કહ્યું : મોદી સરકારમાં ન મોંઘવારી ઘટી, ન રોજગારી વધી.

    સૌથી સારી યોજના
    સ્વચ્છ ભારત યોજનાને મધ્યપ્રદેશમાં 93% લોકોએ, રાજસ્થાનમાં 91% અને છત્તીસગઢમાં 90% લોકોએ પસંદ કરી.

    સૌથી મોટું પગલું : મધ્યપ્રદેશમાં 83% લોકોએ સર્જિકલ સ્ટ્રાઇકને પસંદ કરી. રાજસ્થાનમાં 82%એ 12 વર્ષથી ઓછી ઉંમરની બાળકીઓ સાથે દુષ્કર્મના દોષિતોને ફાંસી અને છત્તીસગઢમાં 84% લોકોએ ત્રણ તલાક નાબૂદીને પસંદ કરી.

    આગળની સ્લાઈડમાં વાંચો- મહિલાઓમાં રાહુલની લોકપ્રિયતા વધી

  • જાણો 3 રાજ્યમાં ચૂંટણી થનાર રાજ્યનો શું કહે છે સરવે| Bhaskar Survey, views of that three electoral states saying
    મહિલાઓમાં મોદીની લોકપ્રિય વધી

    રાહુલ ગાંધી પરિપક્વ થયા અને મોદીને ટક્કર આપી શકે છે, એવું માનનારામાં મહિલાઓ વધારે
     
    રાહુલ ગાંધી પરિપક્વ થયા છે અને તે મોદીને ટક્કર આપી શકે છે...

    આવું માનનારા દેશમાં જ્યાં 22.10% લોકો છે ત્યાં મહિલાઓમાં આ આંકડો 26.57 % છે. બીજી બાજુ તે જેવા હતા એવા જ છે અને મોદીને ટક્કર નથી આપી શકતા, એવું દેશમાં 48.04 % લોકો વિચારે છે. જોકે દેશના સરેરાશથી પણ વધુ બિઝનેસમેનોનાં પરિણામ ચોંકાવે છે. 53.66% બિઝનેસમેન માને છે કે રાહુલ જેવા હતા એવા જ છે. 

    ભાસ્કરના મોદી સરવેમાં મહિલાઓ, વૃદ્ધો, બિઝનેસમેનો, અને પ્રોફેશનલોએ મહત્વપૂર્ણ અભિપ્રાય આપ્યા છે. દેશમાં મોદીની લોકપ્રિયતા 2014ની તુલનાએ વધી છે? તેના જવાબમાં 30.06% લોકો માને છે કે મોદીની લોકપ્રિયતા ઘટી છે. જ્યારે ગૃહિણીઓ અને બિઝનેસમેનવર્ગ થોડોક વધારે મોદી સાથે દેખાયો. દેશની સરેરાશ તુલનાએ ફક્ત 25.19% ગૃહિણીઓ અને 26.78% બિઝનેસમેનો માને છે કે મોદીની લોકપ્રિયતા પહેલાની તુલનાએ ઘટી છે. 
     
    સરવેમાં ભાગ લેનારા 46.61% લોકો અનુસાર : મોદી 2014ની તુલનાએ વધારે લોકપ્રિય થયા છે. જ્યારે પ્રોફેશનલ ડિગ્રી હોલ્ડર્સમાં આવું માનનારાનો આંકડો થોડો ઓછો છે. 41.94% પ્રોફેશનલ ડિગ્રી હોલ્ડર્સ માને છે કે મોદી પહેલાંથી વધારે લોકપ્રિય થયા છે. 
     
    સરવેમાં એક મહત્વનો સવાલ :

    મુસ્લિમોનો વિશ્વાસ જીતવાનો હતો. દેશમાં જ્યાં 68.09% લોકો માને છે કે ત્રણ તલાક ખતમ કરીને મોદીએ મુસ્લિમ મહિલાઓનો વિશ્વાસ જીત્યો? આ સવાલના જવાબમાં સામાન્ય મહિલાઓ અને ગૃહિણીઓ વચ્ચે અંતર જોવા મળ્યું. જ્યાં 67.86% મહિલાઓ માને છે કે મોદીએ મુસ્લિમ મહિલાઓનો વિશ્વાસ જીત્યો છે ત્યાં 73.59% ગૃહિણીઓ આવું માને છે. (આ દેશની સરેરાશથી લગભગ 5% વધારે છે.
     
    મહિલાઓ જોકે મોંઘવારીથી દરરોજ સામનો કરે છે એવામાં તેમણે તેનાથી સંબંધિત સવાલમાં નારાજગી વ્યક્ત કરી. દેશમાં જ્યાં 54.12% લોકો મોંઘવારી ન ઘટવા, રોજગાર ન વધવાને સૌથી મોટી નિષ્ફળતા માને છે ત્યાં 57.67% મહિલાઓ આવું જ વિચારે છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending