Divya Bhaskar

Home » National News » Latest News » National » Begum Hamida Habibullah Dies At Age of 102 Year

બેગમ હમીદા હબીબુલ્લાનું 102 વર્ષની જૈફ વયે નિધન

Divyabhaskar.com | Updated - Mar 14, 2018, 04:08 AM

આઝાદી પૂર્વે ઇંગ્લેન્ડ જઇને કેમ્બ્રિજ યુનિવર્સિટી અને વ્હાઇટલેન્ડ્સ કોલેજમાં અભ્યાસ કર્યો હતો

  • Begum Hamida Habibullah Dies At Age of 102 Year
    +1બીજી સ્લાઈડ્સ જુઓ

    લખનઉ: દેશમાં મહિલા સશક્તીકરણની શરૂઆત કરનારી મહિલા તરીકેની ઓળખ ધરાવતા બેગમ હમીદા હબીબુલ્લાનું 102 વર્ષની જૈફ વયે નિધન થયું છે. તેમણે લખનઉની કમાન્ડ હોસ્પિટલમાં મંગળવારે છેલ્લા શ્વાસ લીધા. તેમણે આઝાદી પૂર્વે ઇંગ્લેન્ડ જઇને કેમ્બ્રિજ યુનિવર્સિટી અને વ્હાઇટલેન્ડ્સ કોલેજમાં અભ્યાસ કર્યો હતો.


    ભારત પરત ફર્યા બાદ તેમણે મહિલાઓના સશક્તીકરણ માટે કામ કર્યું અને 5 હજાર મહિલાઓને રોજગારી અપાવી હતી. તેઓ લખનઉની અવધ ગર્લ્સ ડિગ્રી કોલેજના તથા ‘સેવા’ એનજીઓના અધ્યક્ષપદે પણ રહ્યા હતા. તેમના લગ્ન ખડકવાસલા નેશનલ ડિફેન્સ એકેડમીના સંસ્થાપક કમાન્ડન્ટ મેજર જનરલ ઇનાયત હબીબુલ્લા સાથે થયા હતા.


    1965માં પતિના રિટાયરમેન્ટ બાદ હમીદાએ રાજકારણમાં ઝંપલાવ્યું. બારાબંકીથી ધારાસભ્ય બન્યા. 1971થી 1973 સુધી ઉત્તરપ્રદેશ સરકારમાં સામાજિક અને હરિજન કલ્યાણ મંત્રી રહ્યા. 1976થી 1982 સુધી રાજ્યસભાનાં સાંસદ પણ રહ્યા. તેમને બારાબંકીમાં તેમના પૈતૃક ગામ સૈદનપુરમાં સુપુર્દ-એ-ખાક કરાયા.

  • Begum Hamida Habibullah Dies At Age of 102 Year
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending