Home » National News » Desh » Army soobedar molested girl in train she hid in bathroom didnt get any help

સેનાના સૂબેદારે ટ્રેનમાં વિદ્યાર્થિની સાથે કરી છેડતી, જઇને બાથરૂમમાં છુપાઇ, દોઢ કલાક સુધી ન મળી મદદ

Divyabhaskar.com | Updated - May 28, 2018, 10:45 AM

વિદ્યાર્થિનીએ બચવા માટે જાતને બાથરૂમમાં બંધ રાખી અને પરિવારજનોને ફોન પર ઘટનાની જાણકારી આપી

  • Army soobedar molested girl in train she hid in bathroom didnt get any help
    +1બીજી સ્લાઈડ્સ જુઓ
    સંજય કુમાર મૂળે યુપીના મુઝફ્ફરનગરનો રહેવાસી છે.

    નવી દિલ્હી: ટ્રેનમાં મહિલાઓની સુરક્ષાને લઇને એકવાર ફરી મોટો સવાલ ઊભો થઇ ગયો છે. 25મેના રોજ રાતે પુણેથી દિલ્હીથી આવી રહેલી દુરંતો ટ્રેનમાં છેડતની ઘટના સામે આવી છે. વિદ્યાર્થિનીએ બચવા માટે જાતને બાથરૂમમાં બંધ રાખી અને પરિવારજનોને ફોન પર ઘટનાની જાણકારી આપી. પરિવારજનોએ ફોન પર જીઆરપીના કંટ્રોલ રૂમમાં સૂચના આપી. તે પછી પણ ન તો રેલવે પોલીસ અને ન તો ટ્રેનમાં મુસાફરી કરી રહેલા લોકોએ વિદ્યાર્થિનીની મદદ કરી. દોઢ કલાક પછી ટીટી વિદ્યાર્થિનીની મદદ માટે પહોંચ્યો અને તેને બીજા કોચમાં બેસાડી.

    આ હતો મામલો

    - સવારે ટ્રેન પહોંચે તે પહેલાં જ પરિવારજનો નિજામુદ્દીન સ્ટેશન પહોંચી ગયા. જ્યાં તેમણે વિદ્યાર્થિનીને સાથે લઇને મામલાની ફરિયાદ પોલીસને કરી. પોલીસે ટ્રેનમાં હાજર આરોપી, જે સેનામાં સૂબેદારના પદ પર તહેનાત છે તેવા સંજય કુમારની ધરપકડ કરી લીધી. સંજયકુમાર મૂળે યુપીના મુઝફ્ફરનગરનો રહેવાસી છે.

    બાથરૂમમાંથી પરિવારજનોને કર્યો ફોન, પરિવારજનોએ જીઆરપીને આપી સૂચના

    - પોલીસ અધિકારીના જણાવ્યા પ્રમાણે, 21 વર્ષીય વિદ્યાર્થિની પુણેથી ફાર્મસીનું ભણી રહી છે. તે ત્રીજા વર્ષમાં છે. 25મેની સાંજે તેણે દિલ્હીથી આવવા માટે પુણેથી દુરંતો એક્સપ્રેસ પકડી. તે એસી સેકન્ડ ક્લાસમાં પોતાની સીટ પર બેસી ગઇ.

    - ટ્રેન જેવી કોટા આસપાસ પહોંચી, ત્યારે સાથે બેઠેલા એક વ્યક્તિએ તેને ટચ કરવાનું શરૂ કરી દીધું. આરોપી દારૂના નશામાં હતો. પહેલીવાર થયેલી આ હરકતને યુવતીએ અવગણી નાખી.
    - પરંતુ આરોપીએ ફરીથી ટચ કરવાનું શરૂ કરી દીધું. ઘણીવાર થયેલી આ હરકતથી વિદ્યાર્થિની ડરી ગઈ અને તેણે પાસે બેઠેલી મહિલાની મદદ માંગી. પરંતુ તે મહિલાએ તેની કોઇ મદદ કરી નહીં.
    - ત્યારબાદ વિદ્યાર્થિનીએ કોચમાં પોલીસકર્મીની શોધ કરી પણ કોઇ પોલીસકર્મી તેને મળ્યું નહીં. એવામાં આરોપીથી ડરીને તે ઘણીવાર સુધી બાથરૂમમાં જ પુરાયેલી રહી. તેણે ત્યાંથી જ તેના પરિવારજનોને ફોન પર ઘટનાની જાણકારી આપી હતી.

  • Army soobedar molested girl in train she hid in bathroom didnt get any help
    પ્રતીકાત્મક તસવીર
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending

વીડિયો વધુ જુઓ