Divya Bhaskar

Home » National News » Latest News » National » Army Chief Bipin Rawat warns the yougsters of Kashmir who unrest in Valley

પથ્થરબાજીથી નહીં મળે આઝાદી- આર્મી ચીફની કાશ્મીરી યુવાનોને ચેતવણી

Divyabhaskar.com | Updated - May 10, 2018, 11:12 AM

સેના પ્રમુખ બિપિન રાવતે કાશ્મીરમાં અશાંતિ ફેલાવનારા જૂથોને ચેતવણી આપી છે

  • Army Chief Bipin Rawat warns the yougsters of Kashmir who unrest in Valley
    +1બીજી સ્લાઈડ્સ જુઓ
    સેના પ્રમુખે કહ્યું કે યુવાનોને ગેરમાર્ગે દોરવામાં આવી રહ્યા છે. (ફાઇલ)

    શ્રીનગર: સેના પ્રમુખ બિપિન રાવતે કાશ્મીરમાં અશાંતિ ફેલાવનારા જૂથોને ચેતવણી આપી છે. તેમણે ઇન્ડિયન એક્સપ્રેસને આપેલા ઇન્ટરવ્યુમાં કહ્યું કે કાશ્મીરની આઝાદી માટે હથિયાર ઉઠાવનારા યુવાનો જાણી લે કે તેમની આ ઇચ્છા ક્યારેય પૂરી નહીં થાય. તેમણે કહ્યું કે તમે અમારી સાથે લડશો તો અમે તમારી સાથે લડીશું.

    યુવાઓને ગેરમાર્ગે દોરવામાં આવી રહ્યા છે

    - સેનાપ્રમુખે કહ્યું, કાશ્મીરી યુવાનોને ગેરમાર્ગે દોરવામાં આવી રહ્યા છે. તેમને કહેવામાં આવી રહ્યું છે કે આ રસ્તા પર ચાલવાથી આઝાદી મળશે.

    - રાવતે કહ્યું, "હું કાશ્મીરી યુવાનોને જણાવી દેવા માંગું છું કે કાશ્મીરની આઝાદી અસંભવ છે. તે ક્યારેય નથી થવાનું."

    હું માર્યા ગયેલા આતંકીઓની સંખ્યા નથી જોતો

    - રાવતે કહ્યું, "હું સેના સાથે અથડામણમાં માર્યા ગયેલા આતંકીઓની સંખ્યાને મહત્વ નથી આપતો. તે તો ચાલતું રહેશે. નવી ભરતીઓ થતી રહેશે. આ બધું મહત્વનું નથી. તેનાથી (આતંકીઓને) કંઇપણ હાંસલ નથી થવાનું. તમે સેનાનો મુકાબલો નહીં કરી શકો."

    યુવાનો મરે છે તો દુઃખ અમને પણ થાય છે

    - જનરલ રાવતે કહ્યું કે અથડામણમાં યુવાનો મરે છે તો દુઃખ અમને પણ થાય છે. અમને તેનાથી કંઇ ખુશી નથી થતી. પરંતુ તેઓ લડે છે તો અમારી પાસે પણ ભરપૂર તાકાતથી મુકાબલો કરવા સિવાય કોઇ ચારો નથી બચતો.

    સીરિયા-પાકિસ્તાનની સેના જેવા અમે ક્રૂર નથી

    - સેના પ્રમુખે કહ્યું કે કાશ્મીરી યુવાનોએ સમજવું જોઇએ કે ભારતીય સુરક્ષાદળો બીજા દેશો જેવા ક્રૂર નથી. સીરિયા અને પાકિસ્તાન તો આવી પરિસ્થિતિનો સામનો કરવા માટે ટેંકો દ્વારા અને હવાઇ હુમલા કરાવે છે. બીજી બાજુ, અમારી સેના નાગરિકોની સુરક્ષા માટે દરેક શક્ય કોશિશ કરે છે.

    - તેમણે કહ્યું કે અમને ખબર છે કે કાશ્મીરી યુવાનોમાં ગુસ્સો છે, પરંતુ સેનાના જવાનો પર પથ્થર ફેંકવો એ કોઇ ઉપાય નથી.

  • Army Chief Bipin Rawat warns the yougsters of Kashmir who unrest in Valley
    વર્ષ 2015થી લઇને 2017 સુધી 4799 પથ્થરબાજીની ઘટનાઓ થઇ. (રિપોર્ટ)
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

Trending