Home » National News » Desh » government expands bullet trains feasibility studies for connecting other 6 cities

મુંબઈ-અમદાવાદ પછી આ છ શહેરોને બુલેટ ટ્રેન સાથે જોડવાનો પ્રોજેક્ટ શરૂ

Divyabhaskar.com | Updated - Aug 11, 2018, 10:40 AM

દેશના 4 પ્રમુખ મેટ્રો શહેર દિલ્હી, ચેન્નાઈ, મુંબઈ અને કોલકાતાને હીરક ચતુર્ભુજ નેટવર્ક દ્વારા જોડવામાં આવશે.

  • government expands bullet trains feasibility studies for connecting other 6 cities

    નવી દિલ્હી: મુંબઈ-અમદાવાદ વચ્ચે બુલેટ ટ્રેન સર્વિસ હજી શરૂ થઈ નથી પરંતુ આ દરમિયાન સરકાર અન્ય અમુક શહેરોને પણ બુલેટ નેટવર્ક સાથે જોડવાની યોજના ઉપર કામ કરી રહી છે. ગઈ કાલે સંસદમાં ચોમાસું સત્રનો છેલ્લો દિવસ હતો. આ દરમિયાન લોકસભામાં સરકારના જણાવ્યા પ્રમાણે , 6 રુટ પર બુલેટ ટ્રેન ચલાવવાનું નક્કી કરવામાં આવ્યું છે અને તે વિશે ફિઝિબિલીટી રિપોર્ટ તૈયાર કરવામાં આવી રહ્યો છે. લોકસભામાં સરકારે જણાવ્યું છે કે, દેશના 4 પ્રમુખ મેટ્રો શહેર દિલ્હી, ચેન્નાઈ, મુંબઈ અને કોલકાતાને હીરક ચતુર્ભુજ નેટવર્ક દ્વારા જોડવામાં આવશે.

    નાગપુર અને બેંગલોરને પણ આ નેટવર્કમાં સામેલ કરવામાં આવશે. સરકાર તરફથી દિલ્હી-મુંબઈ, દિલ્હી-કોલકાતા (લખનઉ થઈને) , મુંબઈ-ચેન્નાઈ, દિલ્હી-ચેન્નાઈ (નાગપુર થઈને), મુંબઈ-કોલકાતા (નાગપુર રસ્તે) અને ચેન્નાઈ-બેંગલુરુ, મૈસુરનાના રુટ પર ફિઝિબિલિટી સર્વે કરાવવામાં આવી રહ્યો છે. સરકાર આ રુટ પર બુલેટ ટ્રેન દોડાવા માટે ફ્રાંસ, સ્પેન, ચીન, જાપાન અને જર્મનનીની મદદ લઈ રહી છે.

    મુંબઈ-અમદાવાદ રુટ પર બુલેટ ટ્રેન 2022 સુધીમાં દોડશે

    આ 6 રુટ મુંબઈ- અમદાવાદ પ્રોજેક્ટથી અલગ છે. સરકારનું કહેવું છે કે, મુંબઈ-અમદાવાદ રુટ પર બુલેટ ટ્રેન 2022 સુધીમાં ચાલશે. આ પ્રોજેક્ટમાં જાપાન તરફથી ભારતને મદદ કરવામાં આવી રહી છે. હાલ મુંબઈથી અમદાવાદની વચ્ચે મુસાફરીમાં 7 કલાકનો સમય થાય છે પરંતુ બુલેટ ટ્રેનથી તે મુસાફરી માત્ર 2 કલાકમાં કરી શકાશે.

    જાપાનથી મળી રહી છે 88,000 કરોડની લોન


    આ પ્રોજેક્ટ માટે જાપાન ઈન્ટરનેશનલ કો-ઓપરેશન એજન્સી તરફથી 88,000 કરોડની લોન મળી રહી છે. આ લોનનો સમયગાળો 50 વર્ષ સુધીનો છે અને તેના માટે ભારતે 0.1 ટકા વ્યાજ ચૂકવવું પડશે. જાપાને આ લોન માટે 15 વર્ષનો સમય આપ્યો છે. ત્યારપછી આ લોન પરત કરવાની રહેશે. એક અંદાજ પ્રમાણે મુંબઈ-અમદાવાદ બુલેટ પ્રોજેક્ટ પર 17 અબજ ડોલરનો ખર્ચ કરવામાં આવશે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From National News

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ