1

Divya Bhaskar

Home » National News » Latest News » National » after 34 years Review of Ratna Bhandar of Jagannath Temple in Puri by experts

પુરી: જગન્નાથ મંદિરમાં ખુલશે 12મી સદીનો ખજાનો, 34 વર્ષ પછી નિરીક્ષણ

Divyabhaskar.com | Last Modified - Apr 04, 2018, 11:10 AM IST

ખજાનાનું નિરીક્ષણ કરનારા ફક્ત 10 લોકોને જ મંદિરના ભોંયરામાં જવાની પરવાનગી આપવામાં આવશે

  • after 34 years Review of Ratna Bhandar of Jagannath Temple in Puri by experts
    +1બીજી સ્લાઈડ્સ જુઓ
    શ્રી જગન્નાથ મંદિરના રત્નભંડારમાં દેવી-દેવતાઓના અમૂલ્ય ઘરેણા અને આભૂષણો રાખવામાં આવે છે. (ફાઇલ)

    નવી દિલ્હી: ભારત દેશમાં અનેક એવા મોટા મંદિરો છે, જ્યાં અખૂટ ખજાનો પડેલો છે. આવા જ મંદિરોમાં 12મી સદીમાં બનેલું ઓડિસાનું જગન્નાથ મંદિર પણ છે, જ્યાંના રત્નભંડારનું આજે 34 વર્ષ પછી નિરીક્ષણ કરવામાં આવશે. શ્રી જગન્નાથ મંદિર એડમિનિસ્ટ્રેશનના મુખ્ય સંચાલક પી.કે. જેનાએ આ જાણકારી આપી છે.

    ફક્ત 10 લોકોની ટીમ લંગોટ પહેરીને જશે ભોંયરામાં

    - આ ખજાનાનું નિરીક્ષણ કરનારા ફક્ત 10 લોકોને જ મંદિરના ભોંયરામાં જવાની પરવાનગી આપવામાં આવશે. તેઓ ફક્ત લંગોટી પહેરીને જ ખજાનાઘરમાં પ્રવેશ કરશે.

    - મુખ્ય સંચાલક પી.કે. જેનાએ જણાવ્યું કે 10 સભ્યોની એક કમિટી દ્વારા 4 એપ્રિલના રોજ રત્નભંડારનું તળ, તેની છત અને દીવાલોની ભૌતિક પરિસ્થિતિનું નિરીક્ષણ કરવામાં આવશે.
    - પી.કે. જેનાએ સ્પષ્ટ કહ્યું છે કે નિરીક્ષણ દરમિયાન રત્નભંડારની અંદર રાખેલા આભૂષણો અને અન્ય અમૂલ્ય સામાનનું આકલન કરવામાં નહીં આવે, પરંતુ ફક્ત તેની દીવાલો અને છતોને તપાસવામાં આવશે.
    - આ પહેલા મંદિરના ભોંયરાને 1905, 1926, 1978 અને 1984માં ખોલવામાં આવ્યું હતું.

    34 વર્ષ પછી રત્નભંડારનું ફરીથી નિરીક્ષણ

    - ઉલ્લેખનીય છે કે શ્રી જગન્નાથ મંદિરના રત્નભંડારમાં દેવી-દેવતાઓના અમૂલ્ય ઘરેણા અને આભૂષણો રાખવામાં આવે છે. ગયા વખતે 1984માં તેનું નિરીક્ષણ કરવામાં આવ્યું હતું, ત્યારે રત્નભંડારના 7માંથી ફક્ત 3 ચેમ્બર્સને જ ખોલવામાં આવી હતી.

    - એ કોઇ નથી જાણતું કે અન્ય ચેમ્બર્સમાં શું રાખવામાં આવ્યું છે. આજે બુધવારે 34 વર્ષ પછી ફરી રત્નભંડારનું નિરીક્ષણ કરવામાં આવશે.
    - ઉલ્લેખનીય છે કે તિરૂપતિ બાલાજી અને પદ્મનાભ મંદિરમાં પણ સોના અને હીરાના ઘરેણાનો ખજાનો છે, જે ભક્તો દ્વારા ભગવાનને અર્પણ કરવામાં આવ્યો છે. મંદિરના અધિકારીઓને કોષાગારની ચાવી તે જ દિવસે પુરીમાં આવેલા સરકારી કોષાગારમાંથી મળશે.
    - જગન્નાથ મંદિર પુરીમાં આવેલું છે અને હિંદુઓના ચાર ધામોમાંનું એક છે. ત્રણ અન્ય ધામોમાં બદ્રીનાથ, દ્વારકા અને રામેશ્વરમ છે.

    ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર
  • after 34 years Review of Ratna Bhandar of Jagannath Temple in Puri by experts
    બુધવારે 34 વર્ષ પછી ફરી રત્નભંડારનું નિરીક્ષણ કરવામાં આવશે. (ફાઇલ)

More From National News

Trending